ارمىسىزدار، جەتىسۋلىق اعايىن! جەتىسۋدىڭ  ارقادا  وقىپ  جاتقان  بالاسى  سىزدەرگە  ءوتىنىش-حاتىن  جولداپ  وتىر.

ارمىسىزدار، جەتىسۋلىق اعايىن! جەتىسۋدىڭ  ارقادا  وقىپ  جاتقان  بالاسى  سىزدەرگە  ءوتىنىش-حاتىن  جولداپ  وتىر.

            قازاق   جەرىندەگى  ءار  وبلىستىڭ  قازاق  تاريحى  مەن  ادەبيەتىنەن  الار  ورنى  ەرەكشە.  سونداي  ەرەكشە  ولكەلەردىڭ  ءبىرى – جەتىسۋ. جەر  ءجانناتى  اتانعان  ولكەدەن  ەجەلدەن-اق  كوپتەگەن  دانا، بي-شەشەندەر  مەن  حاس  قالامگەرلەر    شىققان. ء الى  دە  الدىڭعى  بۋىننىڭ  جولىن  جالعاستىرىپ  كەلە  جاتقان  جاس  تالاپتىلار  شوعىرى  بار، شۇكىرلىك! لايىم، قالامگەرلەر  لەگى ۇزىلمەسىن.  جەتىسۋ  ادەبيەتىنىڭ  نەگىزىن  قالاعان  ەسكەلدى  مەن  بالپىق  بيدەن  باستالعان  الىپتار  شوعىرىنىڭ  داڭقى  جىر قۇلاگەرى – ىلياسپەن  تاعى  دا  ارتا  ءتۇستى.  بۇگىنگى  ادەبيەتسۇيەر  قاۋىمعا  اسپانمەن  تالاسقان  تاۋلار  مەن  جازيرالى  كەڭ  دالادان  شابىت  العان، ءىلياستىڭ  جىرىمەن  ۇندەسىن  تاپقان  پوەزيا  مۇزبالاعى – مۇقاڭدى  ايتساڭ جەتەدى. ء ىلياستىڭ  ءىزباسارلارلارى  اتانعان  عالي، تۇرسىنزادا، قانيپا، ساكەندەر  تۋعان  ولكە  ادەبيەتىنىڭ اتاعىن   ودان  ارى ارتتىردى.  بۇل  ورايدا،  پوەزياسى  سالاسىمەن  پروزادا  قارقىندى  ءارى  قاتار  دامىدى.  بۇل  سالانىڭ   بەلدى  وكىلدەرى  سايىن، بەردىبەك، بەكسۇلتان  بۇكىل قازاق  بالاسى  ءسۇيىپ  وقيتىن  جازۋشى  بولدى.  الماتى  قالاسىندا  قىزمەت  اتقارعاندار  وقىرمانعا  كەڭىنەن  تانىلدى. اۋدان  ورتالىعىندا،  اۋىلدى  جەرلەردە  قىزمەت  اتقارعاندارىنىڭ  ناسيحاتى  از بولدى.  كىتاپتارى  شىققانىمەن، تەك  وبلىس  كولەمىندە  نەمەسە  اۋدان  كولەمىندە  شەكتەلدى. ارينە،  ولار  تالانتسىز  دەمەيمىز. تالانتتارى  ەشكىمنەن  كەم تۇسپەدى! باستى سەبەپ:  ادەبي-مادەني ورتادان  الشاق  بولۋى. ۋاقىت  وتە  كەلە  ويلانىپ  قاراساق، ءبىرسىپىرا  قالامگەرلەرىمىز  ۇمىتىلىپ  بارادى  ەكەن. ارتىندا  جوقتاۋشىلارى  بارلارىنىڭ  كىتاپتارى  شىعىپ، ناسيحاتى  ءجۇرىپ  جاتىر.  ال، باس  كوتەرەر  ازاماتى  جوقتارى  شاڭ  باسقان  مۇراعات  سورەلەرىندە  ءالى تۇرعانى  بارشاعا  ايان. ء بىز  ادەبيەت  سالاسىندا  جۇرگەندىكتەن، تاڭداعان  باعىتىمىز  ادەبيەت  تاريحى  بولعاندىقتان، امبە  وسى  ولكەدە  تۋىلعاندىقتان  جەتىسۋ  ادەبيەتىنىڭ  كەم-كەتىگىن  تۇگەندەۋدى  ءجون  سانادىق. كوپتەگەن  مەكەمەلەر  مەن  مۇراعات، مۇراجايلاردىڭ  تابالدىرىعىن  توزدىردىق.  زەرتتەۋ  جۇمىسىمىزدىڭ  جوسپارى  جونىندە  بىرقاتار  الدىڭعى  بۋىن  اعالارمەن  وي ءبولىسىپ، اقىل-كەڭەس  الدىق.  وسىنداي  ماقساتپەن  جەتىسۋدىڭ  تاسادا  قالعان  اقىن-جازۋشىلارىن  تۇگەندەپ،  ءبىر  ارناعا  قالىپتاستىرۋ  جۇمىسى  باستالىپ  كەتتى.

              كوزى  قىراقتى  وقىرمان، باستى  ماقساتتى  جوعارىدا  اتاپ وتكەنىمىزدەي،  اۋىلدارىڭىزدان  شىققان تالانتتاردى  جەتىسۋ  ادەبي  مەكتەبىنىڭ وكىلى  بولۋعا  لايىق  دەپ  ساناساڭىزدار، بىزگە  حابارلاسىپ،  ماعلۇماتتار  مەن  تىڭ  دەرەكتەر، فوتوسۋرەتتەرىن  قوسا  بەرىپ  جاتساڭىزدار  نۇر ۇستىنە  نۇر بولار ەدى! ء(بىزدىڭ  بايلانىس قۇرالدارىمىزدى رەداكتسيادان الا الاسىزدار!)  بۇل  جۇمىس  جاندانىپ  جاتسا، بىرىنشىدەن، بولاشاقتا  جەتىسۋ  ادەبيەتىنىڭ  تولىققاندى  جيناعى  بولۋعا، قازاق  ادەبيەتى  تاريحىنىڭ  دامۋىنا، كەڭەيۋىنە  جول  اشادى. ەكىنشىدەن، قايتىس  بولعان  قالامگەرلەردىڭ  وقىرمانىمەن قايتا قاۋىشۋى، ادەبي  ارەنادا ءوزىنىڭ  ادال  باعاسىن  الۋى  ءسوزسىز.  ۇشىنشىدەن، كوزى  ءتىرى  زەينەت  جاسىنداعى، كەزىندە  باسپاسوزگە  ەڭبەكتەرى  جاريالانعان  قالامگەرلەر  رەسپۋبليكا  كولەمىنە  تانىلادى.  ارينە، ءتاڭىرى  ءساتىن سالسا.

                 بۇل  ماقالا حاتتىڭ  تاقىرىبىنىڭ  ءمانىن ۇعىنعان  بولارسىز. بۇل زەرتتەۋ  نىسانى  شىندىعىندا، كۇن تۇسپەيتىن  كولەڭكە. تىڭ  تاقىرىپ. ەشكىم  ءالى زەرتتەۋ  نىسانىنا  اينالدىرمادى! كۇن  تۇسپەيتىن  كولەڭكە  دەۋىمىز  سول- بۇل  مول  قازىنا، تەك  تارىداي  ءار جەردە  شاشىلىپ جاتىر. بۇگىنگى  كۇن  بىزگە  ىجداعاتتىلىقپەن  وتكەن  جىلدار  ەنشىسىندەگى  تاريح  بەتتەرىنەن  قازىنانى ارشىپ  الۋعا  مۇمكىندىك  تۋدىرىپ  وتىر.

                 ەندەشە، ءسىز-ءبىز  بولىپ، تۋعان  ولكە  ادەبيەتىنىڭ  كوركەيۋىنە  ات سالىسايىق! نە  جازساق  تا، نە  ايتساق تا  تۋعان  ولكە  جايلى  بولسىن!

Abai.kz