الماتى قالاسىنىڭ تىلدەردى دامىتۋ باسقارماسىنا جەرگىلىكتى بيۋدجەتتەن 200 ملن. تەڭگە قارجى بولىنەدى ەكەن. ارينە، بۇل جول سالۋ ءۇشىن نەمەسە عيمارات تۇرعىزۋ ءۇشىن بۇيىم ەمەس، ال ءتىلدىڭ مۇددەسى ءۇشىن جۇمساسا مول قاراجات بولىپ سانالادى. جانە دە قوماقتىلىعى جاعىنان باسقا وبلىستىق باسقارمالارمەن سالىستىرعاندا رەسپۋبليكالىق بيۋدجەتتەن ءتىل كوميتەتىنە بولىنەتىن قارجىدان كەيىنگى ورىندا تۇر دەۋگە بولادى. سوندا كوپشىلىكتىڭ كوڭىلىندە الماتى قالاسىندا ءتىلدى دامىتۋ ءۇشىن جىل سايىن بولىنەتىن وسى قاراجاتقا نە ىستەلىپ جاتىر دەگەن زاڭدى سۇراق تۋىندايدى. قالاي ويلايسىزدار، نە ىستەلىپ جاتىر؟ تۇك تە ...

         وسىدان ءۇش-ءتورت جىل بۇرىن ونداعىلار جابىلىپ ءجۇرىپ «الماتى كوشەلەرى» دەگەن ەنتسيكلوپەديالىق باسىلىم شىعاردى، 3000 دانامەن. ءار بەتىندە 15 قاتەدەن ءورىپ جۇرگەن سوڭ، ونى جۇرتقا تاراتۋدى كىلت توقتاتتى. ال اقشا دالاعا كەتتى...

بىلتىرعى جىلدارى «الدار كوسە» تۋرالى مۋلتفيلم شىعاردى. شىعاردى ەمەس-اۋ، «كراۋس» دەگەن وزگە ۇلت وكىلدەرىنىڭ انيماتسيالىق ستۋدياسى بۇرىن شىعارىپ قويعان ءونىمدى ساتىپ الا سالدى. ءسويتىپ قازاق توپىراعىندا قازاقتىڭ قولايىنا تومپاق كەلەتىن تاعى ءبىر ءونىم پايدا بولدى. اقشا تاعى دا دالاعا كەتتى...

         ال وندا 200 ملن. تەڭگەگە نە ىستەۋگە بولار ەدى؟

الماتى قالاسىنىڭ تىلدەردى دامىتۋ باسقارماسىنا جەرگىلىكتى بيۋدجەتتەن 200 ملن. تەڭگە قارجى بولىنەدى ەكەن. ارينە، بۇل جول سالۋ ءۇشىن نەمەسە عيمارات تۇرعىزۋ ءۇشىن بۇيىم ەمەس، ال ءتىلدىڭ مۇددەسى ءۇشىن جۇمساسا مول قاراجات بولىپ سانالادى. جانە دە قوماقتىلىعى جاعىنان باسقا وبلىستىق باسقارمالارمەن سالىستىرعاندا رەسپۋبليكالىق بيۋدجەتتەن ءتىل كوميتەتىنە بولىنەتىن قارجىدان كەيىنگى ورىندا تۇر دەۋگە بولادى. سوندا كوپشىلىكتىڭ كوڭىلىندە الماتى قالاسىندا ءتىلدى دامىتۋ ءۇشىن جىل سايىن بولىنەتىن وسى قاراجاتقا نە ىستەلىپ جاتىر دەگەن زاڭدى سۇراق تۋىندايدى. قالاي ويلايسىزدار، نە ىستەلىپ جاتىر؟ تۇك تە ...

         وسىدان ءۇش-ءتورت جىل بۇرىن ونداعىلار جابىلىپ ءجۇرىپ «الماتى كوشەلەرى» دەگەن ەنتسيكلوپەديالىق باسىلىم شىعاردى، 3000 دانامەن. ءار بەتىندە 15 قاتەدەن ءورىپ جۇرگەن سوڭ، ونى جۇرتقا تاراتۋدى كىلت توقتاتتى. ال اقشا دالاعا كەتتى...

بىلتىرعى جىلدارى «الدار كوسە» تۋرالى مۋلتفيلم شىعاردى. شىعاردى ەمەس-اۋ، «كراۋس» دەگەن وزگە ۇلت وكىلدەرىنىڭ انيماتسيالىق ستۋدياسى بۇرىن شىعارىپ قويعان ءونىمدى ساتىپ الا سالدى. ءسويتىپ قازاق توپىراعىندا قازاقتىڭ قولايىنا تومپاق كەلەتىن تاعى ءبىر ءونىم پايدا بولدى. اقشا تاعى دا دالاعا كەتتى...

         ال وندا 200 ملن. تەڭگەگە نە ىستەۋگە بولار ەدى؟

1) زاڭ وسال دەپ قاراپ وتىرماي، الماتى قالاسىنداعى قاتە ماڭدايشالار مەن كورنەكى جارنامالاردىڭ يەگەرلەرىن كۇنىنە ون اينالىپ شىعۋعا بولار ەدى. جاڭا جىلدىق بەزەندىرۋلەر كەزىندە نەمەسە ءبىر ۇلىق جيىن وتەردە مەكەمەگە ءتيىستى اۋماققا گۇل ەگىپ، ساندەپ قويىڭىزدار دەپ شاۋىپ كەلىپ، جانىڭدى الاتىن، وعان رەسۋرس تا، ۋاقىت تا تاباتىن شەنەۋنىكتەر قازاق ءتىلىنىڭ قاتەسىنە كەلگەندە جوق.

2) قازاق ءتىلىن وقىتۋعا ارنالعان 40 ءتۇرلى ۇزدىك وقۋ قۇرالىن تاڭداپ شىعارىپ، ارقايسىسىنىڭ 5000 داناسىن كەرەك جەرلەرگە تەگىن تاراتىپ شىعۋعا بولار ەدى.

3) بالالارعا ارناپ 250 مىڭ دانامەن ءتۇرلى-ءتۇستى سۋرەتتەرمەن بەزەندىرىلگەن 50 ەرتەگى كىتاپ شىعارىپ، تاراتۋعا بولار ەدى.

4) جاھاندىق باسەكەگە قابىلەتتى قازاقشا ينتەراكتيۆتىك، تانىمدىق ويىنداردىڭ بىرنەشە تۇرلەرىن شىعارۋعا بولار ەدى.

5) «ساق» ستۋدياسى تۇسىرگەن «قوشقار مەن تەكە» سياقتى قازاق بالاسىنىڭ ۇعىمىنا ساي مۋلتفيلمدەردىڭ جەتپىسىن ءبىر جىلدا شىعارۋعا بولار ەدى.

6) الماتى قالاسىنا قاراستى 7 اۋدان مەن ون شاقتى باسقارمانىڭ قۇجاتتارىن تۇگەل قازاقشاعا اۋدارىپ، الدارىنا ەلەكتروندى نۇسقالارىن ءتىزىپ قويۋعا بولار ەدى.

7) ول اقشاعا بارلىق كاسىبي تالاپتارعا ساي تارتىمدى ەتىپ، 50 بولىمنەن تۇراتىن سەريال تۇسىرۋگە بولار ەدى.

8) كوپشىلىك قىزىعىپ كورەتىن «بارسەلونا» اياقدوپشىلارىنىڭ بىرنەشە ويىندارىن وزگەدەن بۇرىن ساتىپ الىپ، ءوزىمىزدى تامسانتىپ، وزگەنى مۇمكىن اشۋلاندىرىپ تەك قازاقشا جۇرگىزۋگە بولار ەدى.  

سوڭعى ۇسىنىسىم بۇل جەرگە كەلمەيدى، ارينە. بىراق باستى مىندەتىمىز قازاق تىلىنە قاجەتتىلىك تۋعىزاتىن، وزگە جۇرت ونى ۇيرەنۋگە ءوزى ءماجبۇر بولاتىن وزىق ءونىم شىعارۋ ەكەندىگى بەلگىلى. مۇنى بىراق، الماتى قالاسىنىڭ تىلدەردى دامىتۋ باسقارماسىندا وتىرعان شەنەۋنىكتەر  تۇسىنبەي-اق وتەتىن شىعار.

Abai.kz