«جۇلدىزدار وتباسى» جانە «اڭىز ادام» جۋرنالدارىنىڭ باس رەداكتورى ءام قۇرىلتايشىسى جارىلقاپ قالىبايۇلىنىڭ قازاق اسپانىندا اۋەجولى قىزمەتىن  پايدالاناتىن رەسەيلىك «SCAT» كومپانياسىنىڭ قىزمەتكەرىمەن قىربايلاسىپ قالعانى تۋرالى وقىرماندى حاباردار ەتكەنبىز http://old.abai.kz/node/40252 . بۇگىن الماتى قالاسىنداعى رىسقۇلوۆ پەن لوباەچۆسكي كوشەلەرىنىڭ قيىلىسىنداعى ۋاقىتشا قاماۋ مەكەمەسىندە جاتقان جارىلقاپ قالىبايۇلىنىڭ قال-جاعدايىن سۇراپ، قاقىن داۋالاپ ءباسپاسوز وكىلدەرى: تەلەجۋرناليستەر (حابار مەن «قازاقستان» ۇلتتىق تەلەاراناسىنان وزگەسى), گازەت تىلشىلەرى، ەسترادا انشىلەرى باردى. ولاردىڭ قاتارىندا ارينە، قوعام بەلسەندىلەرى دە بولدى. سونداي قوعام بەلسەندىسىنىڭ ءبىرى ەرمەك نارىمباەۆ كەرى شاعىم جازىپ، ونى تۇرمە باستىعى قاماۋداعى قالىبايۇلىنىڭ قولىنا تابىس ەتۋگە ۋادە بەرگەن. جارىلقاپ مىرزا زاڭ، قۇقىق ماسەلەسىن جاقسى بىلەتىن نارىمباەۆتىڭ كەڭەسىنە سۇيەنىپ،  كەرى شاعىمعا قولىن قويماق. دەمەك، سوت  كوپشىلىك سۇرانىسىنداعى بەلگىلى جۋرنالداردىڭ  باس رەداكتورى  تاراپىنان تۇسكەن شاعىم حاتتى قاپەرگە الىپ، «SCAT» كومپانياسىنىڭ جولاۋشىعا دورەكىلىك جاساعانىمەن شەكتەلمەي، ايىپقا جىققان ارتىق ارەكەتىن  زاڭ بەزبەنىنە سالىپ، دۇرىس شەشىم شىعارۋى كەرەك. 

«جۇلدىزدار وتباسى» جانە «اڭىز ادام» جۋرنالدارىنىڭ باس رەداكتورى ءام قۇرىلتايشىسى جارىلقاپ قالىبايۇلىنىڭ قازاق اسپانىندا اۋەجولى قىزمەتىن  پايدالاناتىن رەسەيلىك «SCAT» كومپانياسىنىڭ قىزمەتكەرىمەن قىربايلاسىپ قالعانى تۋرالى وقىرماندى حاباردار ەتكەنبىز http://old.abai.kz/node/40252 . بۇگىن الماتى قالاسىنداعى رىسقۇلوۆ پەن لوباەچۆسكي كوشەلەرىنىڭ قيىلىسىنداعى ۋاقىتشا قاماۋ مەكەمەسىندە جاتقان جارىلقاپ قالىبايۇلىنىڭ قال-جاعدايىن سۇراپ، قاقىن داۋالاپ ءباسپاسوز وكىلدەرى: تەلەجۋرناليستەر (حابار مەن «قازاقستان» ۇلتتىق تەلەاراناسىنان وزگەسى), گازەت تىلشىلەرى، ەسترادا انشىلەرى باردى. ولاردىڭ قاتارىندا ارينە، قوعام بەلسەندىلەرى دە بولدى. سونداي قوعام بەلسەندىسىنىڭ ءبىرى ەرمەك نارىمباەۆ كەرى شاعىم جازىپ، ونى تۇرمە باستىعى قاماۋداعى قالىبايۇلىنىڭ قولىنا تابىس ەتۋگە ۋادە بەرگەن. جارىلقاپ مىرزا زاڭ، قۇقىق ماسەلەسىن جاقسى بىلەتىن نارىمباەۆتىڭ كەڭەسىنە سۇيەنىپ،  كەرى شاعىمعا قولىن قويماق. دەمەك، سوت  كوپشىلىك سۇرانىسىنداعى بەلگىلى جۋرنالداردىڭ  باس رەداكتورى  تاراپىنان تۇسكەن شاعىم حاتتى قاپەرگە الىپ، «SCAT» كومپانياسىنىڭ جولاۋشىعا دورەكىلىك جاساعانىمەن شەكتەلمەي، ايىپقا جىققان ارتىق ارەكەتىن  زاڭ بەزبەنىنە سالىپ، دۇرىس شەشىم شىعارۋى كەرەك. 

سونداي-اق بۇگىن «سكات» اۋەكومپانياسى جارىلعاپ قالىبايدىڭ ماسەلەسىنە قاتىستى مالىمدەمە تاراتتى. تەك قانا ورىس تىلىندە اقپارات تاراتاتىن zakon.kz سايتى «سكات» اۋەكومپانياسىنىڭ PR-قىزمەتىنىڭ باستىعى ۆيكتور ۋليانوۆتىڭ ايتقاندارىن جاريا ەتكەن. ونىڭ سوزىنە قاراعاندا، جارىلعاپ قالىبايدىڭ ءبىر اياعى ۇشاقتىڭ ادامدار جۇرەتىن جەرىنە شىعىپ تۇرعان. بۇل جولسەرىكتەردىڭ ءجۇرىس-تۇرىسىنا بوگەت بولعان. جولسەرىكتەردىڭ ءبىرى جارىلعاپ مىرزاعا ورىسشا ەسكەرتۋ جاساعان. جۋرنال رەداكتورى دا ءوز كەزەگىندە جولسەرىككە ورىسشا ەسكەرتۋ جاساماۋىن ايتقان. ىلە جولسەرىك ەسكەرتۋدى قازاقشا ايتقان.

- ول كىسى ماس بولعان. جولسەرىكتەر اۋەجايعا قونعان سوڭ، قاۋىپسىزدىك قىزمەتىنە حابارلايتىندارىن ايتقان كەزدە ول تىلدىك ماسەلەگە جابىسقان. جولاۋشىلاردان بولعان وقيعاعا وراي كۋاگەرلەر رەتىندە قول جيناي باستاعاندا جارىلعاپ مىرزا جولسەرىك قىزداردىڭ قولىن بۇراعان. ۇشاق قونعان سوڭ، جارىلعاپ قالىبايدى ءىىب-نا الىپ كەتكەن. مەديتسينالىق تەكسەرۋ بارىسىندا ونىڭ قانىنىڭ قۇرامىندا الكوگول بار ەكەنى دالەلدەگەن-دەپتى  ۆيكتور ۋليانوۆ

ەستەرىڭىزگە سالا كەتەيىك،  2013 جىلى 29 قاڭتاردا ساعات  13.00 شاماسىندا الماتى قالاسىنىڭ اۋەجايىنا 5 شاقىرىم جەتپەي «كوكشەتاۋ-الماتى» باعىتىندا «SCAT» اۋەكومپانياسى» اق-نىڭ №760 اۆيارەيسىن ورىنداۋشى «Challenger-200» ۇشاعى اپاتقا ۇشىراپ، 20 ادام كوز جۇمعان ەدى. اتالعان كومپانيا سودان كەيىن دە جۇمىسىن توقتاتپاي جالعاستىرا بەرگەن.

«جارىلقاپ قالىبايۇلىن قاماۋدا قالدىرمايمىز، - دەپ تاراستى دوستارى. انشەيىندە الەۋمەتتىك ءام ۇلتتىق ماسەلەلەردەن بويىن اۋلاق ۇستايتىن انشىلەردىڭ ءوزى «ءباسپاسوز ءماسليحاتىن ۇيىمداستىرامىز، جارىلقاپتىڭ باسىنداعى جايدى جۇرتقا جاريا ەتەمىز، جارىلقاپتىڭ جازىعى نە؟!.» دەستى. ءباسپاسوز ءماسليحاتىن ۇيىمداستىرۋدى ءانشى نۇرلان البان ءوز مىندەتىنە الدى.

Abai.kz