يۋنەسكو-نىڭ اتاۋلى كۇندەرى تىزبەسىنە قازاقتىڭ تانىمال تۇلعالارىنىڭ ەسىمدەرى ەنگىزىلدى
![](https://abai.kz/content/uploads/2023/11/6246c87ae00fe340745516.jpg)
يۋنەسكو باس كونفەرەنتسياسىنىڭ 42-ءشى سەسسياسىندا يۋنەسكو-نىڭ اتاۋلى كۇندەرى تىزبەسىنە 2024 جىلى جازۋشى ب.سوقپاقباەۆتىڭ جانە 2025 جىلى ايگىلى كومپوزيتور، كۇيشى ن.تىلەنديەۆتىڭ 100 جىلدىعىن ەنگىزۋ تۋرالى قازاقستاننىڭ ۇسىنىسى قولداۋ تاپتى. بۇل تۋرالى ەرلان قارين ءوزىنىڭ تەلەگرام ارناسىندا جازدى.
«قازاقستان، ازەربايجان، قىرعىزستان، تۇركيا، تۇركىمەنستان جانە وزبەكستاننىڭ «ديۋاني لۇعات ات-تۇرك» اتتى تۇركى تىلدەرىنىڭ تۇڭعىش ەنتسيكلوپەديالىق سوزدىگىنىڭ 950 جىلدىعىن اتاپ ءوتۋ تۋرالى بىرلەسكەن ۇسىنىسى دا قابىلداندى. سوزدىكتى ماحمۇد ءال-قاشقاري 1074 جىلى جازعان. يۋنەسكو باس كونفەرەنتسياسىنىڭ بۇل شەشىمدەرى قازاق مادەنيەتىنىڭ دۇنيەجۇزىندە دارىپتەلۋىنە سەپتىگىن تيگىزەرى ءسوزسىز”،-دەدى ول.
Abai.kz