9 قاراشا بەيسەنبى كۇنى قوستانايدا "اۋىل شارۋاشىلىعى – مىقتى ەكونوميكانىڭ نەگىزى" تاقىرىبىندا قازاقستان مەن رەسەيدىڭ XIX وڭىرارالىق ىنتىماقتاستىق فورۋمى ءوز جۇمىسىن باستايدى. فورۋمعا بەينەكونفەرەنتسبايلانىس رەجيمىندە ەكى مەملەكەت باسشىلارى قاسىم-جومارت توقاەۆ پەن ۆلاديمير پۋتين قاتىسادى.  

وڭىرارالىق الاڭدا بيزنەس، سالالىق مەملەكەتتىك ورگان، ۆەدومستۆولار، عىلىمي توپ وكىلدەرى، ەكى ەل وڭىرلەرىنىڭ باسشىلارى جينالادى.

فورۋم قازاقستان-رەسەي ىسكەرلىك كەڭەسىنىڭ وتىرىسىنان باستالىپ، قاتىسۋشىلار شەكارالاس وڭىرلەردىڭ اۋىل شارۋاشىلىعى سالاسىنداعى ىنتىماقتاستىعىنىڭ وزەكتى ماسەلەلەرىن، سونىڭ ىشىندە اۋىل شارۋاشىلىعى تەحنيكاسىن جاساۋ، اوك-دەگى كولىك ينفراقۇرىلىمىن دامىتۋ مەن اۋىل شارۋاشىلىعى جوبالارىن تەحنيكالىق سۇيەمەلدەۋ ماسەلەلەرىن تالقىلايدى.

ىسكەرلىك كەڭەستەن باسقا مىناداي ءۇش پانەلدىك سەسسيا وتكىزۋ جوسپارلانعان: «قازىرگى جاعدايدا ازىق-تۇلىك قاۋىپسىزدىگىن قامتاماسىز ەتۋ»، «اگروونەركاسىپ كەشەنىندەگى تسيفرلىق تەحنولوگيالار»، «جاستار جانە اۋىل شارۋاشىلىعى: ءبىلىم بەرۋدەگى جاڭا ۇردىستەر».

فورۋم قورىتىندىسى بويىنشا وڭىرارالىق جانە كوممەرتسيالىق قۇجاتتارعا قول قويىلادى دەپ كۇتىلۋدە.

رەسەي فەدەراتسياسى قازاقستاننىڭ نەگىزگى ساۋدا سەرىكتەستەرىنىڭ ءبىرى بولىپ تابىلادى. 2022 جىلدىڭ قورىتىندىسى بويىنشا قازاقستان مەن رەسەي اراسىنداعى ەكىجاقتى ساۋدا كولەمى 27 ملرد. (ەكسپورت – 9 9,1 ملرد.، يمپورت – 1 17,9 ملرد.) قۇرادى، بۇل - قازاقستاننىڭ جالپى تاۋار اينالىمىنىڭ 20%-ى (19,9%).

اعىمداعى جىلدىڭ قاڭتار-تامىز ايلارىندا ساۋدا كولەمى $17 ملرد. بولدى، بۇل وتكەن جىلعى كورسەتكىشتەن 1,1% جوعارى.

Abai.kz