ورالحان بوكەيدىڭ 70 جىلدىق مەرەيتويى تۋعان جەرىندە تويلاندى
التايدىڭ باۋرايىندا جازۋشى ورالحان بوكەيدىڭ 70 جىلدىڭ مەرەيتويى ءوتتى. توي جازۋشىنىڭ تۋعان اۋىلى شىڭعىستايداعى قالامگەردىڭ مۇراجايىنا ساياحات جاساۋدان باستالدى.
وندا ورالحان بوكەيدىڭ تۇتىنعان زاتتارى، كيگەن كيىمدەرى، كوزىنىڭ قاراشىعىنداي ساقتاپ وتكەن سىرشىل سۋرەتتەرى، ەسكى دە ەستى كىتاپتارى ساقتالعان.
مەرەيتويعا ەۆرازيا ۋنيۆەرسيتەتىنەن كەلگەن عالىم راحمەتقاجى بەرسىمباي كوپشىلىك الدىندا ارنايى تاپسىرىسپەن جاسالعان كادەسىي مەن كىتاپتى مۇراجايعا سىيعا تارتتى.
سونداي-اق، كەزىندە وسى ولكەدەن كەتكەن، بۇگىندە قىتاي ەلىندە ىرگەلى اۋلەتكە اينالعان قانداستار دا ورالحان مۇراجايىنا ەستەلىكتەرىن تاپسىردى. سونداعى بەلگىلى راديو جۇرگىزۋشىسى سەرىك ءابىل ءوز داۋسىمەن جازىلعان و.بوكەي شىعارمالارىنىڭ اۋديوديسكىسىن، جازۋشىنىڭ قىتايداعى قازاقتارعا ارنالىپ توتە جازۋمەن باسىلعان شىعارمالار جيناقتارىن تابىس ەتتى. ال اقىن ءاليا ماعىپەرقىزى توگىلتىپ ولەڭ وقىدى. جازۋشىنىڭ جيەنى قانات تويبازاروۆ «تاۋ تۇلعا» اتتى ءتورت كەلى تارتاتىن ءمۇسىن-كادەسىيلاردى تارتۋ ەتتى.
التايدىڭ باۋرايىندا جازۋشى ورالحان بوكەيدىڭ 70 جىلدىڭ مەرەيتويى ءوتتى. توي جازۋشىنىڭ تۋعان اۋىلى شىڭعىستايداعى قالامگەردىڭ مۇراجايىنا ساياحات جاساۋدان باستالدى.
وندا ورالحان بوكەيدىڭ تۇتىنعان زاتتارى، كيگەن كيىمدەرى، كوزىنىڭ قاراشىعىنداي ساقتاپ وتكەن سىرشىل سۋرەتتەرى، ەسكى دە ەستى كىتاپتارى ساقتالعان.
مەرەيتويعا ەۆرازيا ۋنيۆەرسيتەتىنەن كەلگەن عالىم راحمەتقاجى بەرسىمباي كوپشىلىك الدىندا ارنايى تاپسىرىسپەن جاسالعان كادەسىي مەن كىتاپتى مۇراجايعا سىيعا تارتتى.
سونداي-اق، كەزىندە وسى ولكەدەن كەتكەن، بۇگىندە قىتاي ەلىندە ىرگەلى اۋلەتكە اينالعان قانداستار دا ورالحان مۇراجايىنا ەستەلىكتەرىن تاپسىردى. سونداعى بەلگىلى راديو جۇرگىزۋشىسى سەرىك ءابىل ءوز داۋسىمەن جازىلعان و.بوكەي شىعارمالارىنىڭ اۋديوديسكىسىن، جازۋشىنىڭ قىتايداعى قازاقتارعا ارنالىپ توتە جازۋمەن باسىلعان شىعارمالار جيناقتارىن تابىس ەتتى. ال اقىن ءاليا ماعىپەرقىزى توگىلتىپ ولەڭ وقىدى. جازۋشىنىڭ جيەنى قانات تويبازاروۆ «تاۋ تۇلعا» اتتى ءتورت كەلى تارتاتىن ءمۇسىن-كادەسىيلاردى تارتۋ ەتتى.
مۇراجايدىڭ قورىن وسى كۇنى تۇساۋى اۋىلدىڭ مادەنيەت ۇيىندە كەسىلگەن ءتورت كىتاپ تولىقتىرا ءتۇستى. سول ءتورت كىتاپتىڭ ءبىرىنشىسى – «ەل-جۇرت» باسپاسىنان جارىق كورگەن جەتى تومدىق شىعارمالار جيناعى. اتالمىش جيناقتى قۇراستىرىپ، جارىققا شىعارعان ديداحمەت ءاشىمحان بۇل قۇندى دۇنيە مادەنيەت جانە اقپارات ءمينيسترى مۇحتار قۇل-مۇحاممەدتىڭ تىكەلەي ۇسىنىسىمەن جارىق كورگەنىن ەرەكشە اتادى.
ال كاتونقاراعاي اۋدانى ەل بولىپ كەڭەسىپ، جۇرت بولىپ جۇمىلا وتىرىپ جەرلەستەرىنە ارناپ، «ءبىزدىڭ ورالحان» اتتى ەرەكشە كىتاپ شىعارىپتى. ديداحمەت ءاشىمحان قازىرگى كۇندە بارىنەن دە وسى كىتاپقا دەگەن سۇرانىستىڭ ارتقانىن ەسكەرە كەلە، الداعى ۋاقىتتا ءوز قاراجاتىنا تاعى دا مىڭ داناسىن باستىرتاتىنىن مالىمدەدى. ءبىر ايتا كەتەرلىگى، وعان ورالحان بوكەيدىڭ بۇرىن ەش جەردە جاريالانباعان شىعارمالارى ەنگىزىلىپتى.
«قازاقپارات» باسپاسىنان «ادەبيەت الەمى» سەرياسىمەن 1050 بەتتىك «ورالحان بوكەي» اتتى كىتاپ 2000 دانامەن جارىق كورگەن.
تۇساۋى كەسىلگەن ءتورتىنشى كىتاپ – رەسەيدىڭ قوساعاشىنان ارنايى كەلگەن پيونەر مۇقتاساروۆتىڭ «بايتەرەكتىڭ وقشاۋ شىققان بۇتاعى» اتتى ەڭبەگى. جازۋشى ءوز كىتابىندا شەكارانىڭ ارعى بەتىندە قالعان قوساعاش قازاقتارىنىڭ شەجىرەلى تاعدىرى، بۇگىنگى تىنىس-تىرشىلىگى قامتىلعانىن ايتادى.
اباي-اقپارات
