كولەمى 150 شارشى مەتردەن اساتىن پاتەرلەر مەن 300 شارشى مەتردەن اساتىن جەكە تۇرعىن ۇيلەرگە سالىناتىن سالىق كولەمى 3 ەسەگە دەيىن ءوسۋى مۇمكىن. سونداي-اق «قانشا لاستاساڭ، سونشا تولەيسىڭ» دەگەن قاعيدامەن 3-4 مىڭ.تەكشە.سم كولەمنەن اساتىن كولىكتەرگە سالىناتىن سالىق ءتۇرى دە ۇلعايماقشى. سالىق كودەكسىنە ۇسىنىلاتىن تۇزەتۋلەردىڭ سىقپىتى وسىنداي. الايدا ەكونوميكا جانە بيۋدجەتتى جوسپارلاۋ ءمينيسترى ەربولات دوساەۆ اكەلىپ تانىستىرعان جوباعا ءماجىلىس دەپۋتاتتارى ءىشىنارا قارسىلىق ءبىلدىردى. مىسالى «اق جول» پارتياسىنىڭ جەتەكشىسى، ماجىلىستەگى پارتيا فراكتسياسىنىڭ باسشىسى  ازات پەرۋاشەۆ: «سالىق كودەكسىنە ۇسىنىلاتىن تۇزەتۋلەر قازاقستاندىقتاردىڭ ءومىر ءسۇرۋ ساپاسىنىڭ السىرەۋىنە اكەپ سوعادى» دەپ اشىق ايتتى.    

كولەمى 150 شارشى مەتردەن اساتىن پاتەرلەر مەن 300 شارشى مەتردەن اساتىن جەكە تۇرعىن ۇيلەرگە سالىناتىن سالىق كولەمى 3 ەسەگە دەيىن ءوسۋى مۇمكىن. سونداي-اق «قانشا لاستاساڭ، سونشا تولەيسىڭ» دەگەن قاعيدامەن 3-4 مىڭ.تەكشە.سم كولەمنەن اساتىن كولىكتەرگە سالىناتىن سالىق ءتۇرى دە ۇلعايماقشى. سالىق كودەكسىنە ۇسىنىلاتىن تۇزەتۋلەردىڭ سىقپىتى وسىنداي. الايدا ەكونوميكا جانە بيۋدجەتتى جوسپارلاۋ ءمينيسترى ەربولات دوساەۆ اكەلىپ تانىستىرعان جوباعا ءماجىلىس دەپۋتاتتارى ءىشىنارا قارسىلىق ءبىلدىردى. مىسالى «اق جول» پارتياسىنىڭ جەتەكشىسى، ماجىلىستەگى پارتيا فراكتسياسىنىڭ باسشىسى  ازات پەرۋاشەۆ: «سالىق كودەكسىنە ۇسىنىلاتىن تۇزەتۋلەر قازاقستاندىقتاردىڭ ءومىر ءسۇرۋ ساپاسىنىڭ السىرەۋىنە اكەپ سوعادى» دەپ اشىق ايتتى.    

«نەگە ءسىز، تۇرعىن ۇيدە قانشا ادام تۇراتىندىعىنان گورى، تۇرعىلىقتى اۋدانىن عانا ەسەپكە الىپ وتىرسىز؟ – دەپ تانىستىرىلۋ بارىسىندا ازات پەرۋاشەۆ ەربولات دوساەۆقا سۇراق قويدى. 150 شارشى.م دەگەن 4-6 بالاسى بار وتباسىعا نە بولادى؟ قازاق وتباسىلارىندا ءۇش ۇرپاق: بالالارى مەن اكە-شەشەسى عانا ەمەس، سونىمەن بىرگە  اتا-اجەلەرى دە بىرگە ءومىر ءسۇرىپ جاتادى. استانا مەن الماتىعا، وبلىس ورتالىقتارىنا تۋعان-تۋىسقانداردىڭ بالالارى  وقۋعا، نە جۇمىس ىستەۋگە كەلەتىندەرى تاعى بار. نەگە وسى ءمان-جايدى ەسكەرمەيسىز؟ بۇگىندەرى وتباسىنداعى كوپبالالىق پەن دەموگرافيانى قولداۋ كەرەكتىگىن ايتىپ ءجۇرمىز. ولارعا كومەكتەسۋدىڭ ورنىنا كەرىسىنشە ۇكىمەتكە الاقان جايماي  اياقتارىنا تۇرعان وتباسىلارعا قالايشا مەنشىك سالىعىن 3-ەسەگە كوبەيتەمىز؟! 

ا.پەرۋاشەۆ مينيسترگە تۇرعىن ءۇي قۇرىلىسىن دامىتۋ مەن ءومىر ءسۇرۋ ستاندارتتارىنىڭ  دەڭگەيىن جاقسارتۋ تۋرالى  ەلباسىنىڭ تاپسىرمالارىن ەسىنە سالىپ ءوتتى.  «ءسىز ساپالى ءومىر سۇرۋگە ىنتالاندىرۋدىڭ ورنىنا كەدەيشىلىككە يتەرمەلەپ،  تۇرعىندارىمىزدى قايتادان «حرۋشەۆكالارعا» تىعۋدى ۇسىنىپ وتىرسىز؟  «اق جول» فراكتسياسىنىڭ دەپۋتاتتارى كەدەيلەردى ازايتۋ، اۋقاتتى قازاقستاندىق وتباسىلاردى كوبەيتۋ ءۇشىن تاباندى كۇرەسۋدە – دەدى دەپۋتات، - تۇرعىن ءۇي قۇرىلىسى، جاقسى ۇيگە سۇرانىس - بۇل جۇمىس ورىندارى، بۇل بيۋدجەتكە سالىق ءتۇسىرۋ، بۇل قۇرىلىس ماتەريالدارىن ءوڭدىرۋ. سوندا ءسىز، ءىس-جۇزىندە وسىلاردى قىسقارتۋدى ۇسىنىپ وتىرعانىڭىزدى تۇسىنەسىز بە؟»

كولىككە سالىناتىن سالىقتى ۇلعايتۋ تۋرالى ازات پەرۋاشەۆ: «بۇل تىكەلەي رەسەي اۆتوموبيلدەرىنىڭ مۇددەسىن قورعاۋ،  «مەرسەدەس» نەمەسە «تويوتالارعا» قاراعاندا كولەمى شاعىن بولعانىمەن، رەسەي اۆتوموبيلدەرىنىڭ گاز قالدىقتارىن شىعارۋى كوپ»،- دەدى. ونىڭ پىكىرىنشە،  ۇكىمەت ەكولوگيا ءۇشىن  كۇرەس دەگەندى جەلەۋ ەتىپ، رەسەيلىك ەمەس ونىمنەن گورى ساپالى زاماناۋي كولىكتەردى ساتىپ الۋشىلارعا شۇيلىگۋدە: «ءبىز رەسەيدىڭ قىسىمىمەن ونسىز دا سىرتتان كەلەتىن كولىكتەرگە باج الىمىن وسىردىك.  رەسەي اۆتوموبيل ءونىدىرىسىنىڭ قازاقستاندىق نارىقتاعى مۇددەسىن ودان ءارى تىقپالاماي، ءوزىمىزدىڭ ازاماتتارىمىزدىڭ ءوز قارجىلارىنا العىسى كەلەتىن تاڭداۋ قۇقىقتارىن قورعاۋىمىز كەرەك» دەپ ءسوزىن تۇيىندەدى ول.

«اق جول» پارتياسى جانە ونىڭ دەپۋتاتتارى قولدانىستاعى سالىق ساياساتىن ۇلتتىق يندۋستريا مۇددەلەرىنە ساي جاڭعىرتۋ كەرەكتىگىن ايتۋمەن كەلەدى. ققس-نىڭ  سالالىق مولشەرلەمەلەرىن ەنگىزۋ تۋرالى ۇسىنىس سالىق زاڭناماسىن الدىڭعى تالقىلاۋدا «اق جول» پارتياسىنىڭ دەپۋتاتتارىنىڭ كۇشىمەن ەنگىزىلگەن، بىراق كەرى قايتارىلعان بولاتىن.

مينيستر ەربولات دوساەۆ وسى جولى «اقجولدىقتارمەن» جاقتاس بولىپ تابىلاتىنىنا سەندىردى: «مەن كەلەشەگى بار باعىتتاعى سالالىق قولداۋ جاعىندامىن. تەكسەرۋ اياقتالعان سوڭ، قارجىنىڭ ءبىر بولىگىن تيپتىك جەڭىلدىكتەردەن بوساتامىز، ال بۇل 1 تريلليون 251 ميلليارد تەڭگە، ءبىز بۇنى سالالىق باعىتقا جىبەرەمىز جانە وندىرىستىك كاسىپورىنداردى، يننوۆاتسيالاردى قولدايمىز»، - دەدى مينيستر.

Abai.kz