ءال-فارابي اتىنداعى قازاق ۇلتتىق ۋنيۆەرسيتەتىنىڭ فيلولوگيا فاكۋلتەتىنىڭ ماگيسترانتتارىنا تۇلعاارالىق قاتىناس پەن ۇجىمدىق ەڭبەكتە جەتەكشى ءرول اتقاراتىن باسقارۋدىڭ ماڭىزى مەن ءمانىن ايقىنداپ، ءتۇرلى ءادىس-تاسىلدەرىن تەوريالىق جانە پراكتيكالىق تۇرعىدان تەڭ تالداي وتىرىپ تۇسىندىرەتىن «باسقارۋ پسيحولوگياسى» اتتى ارناۋلى ءپان جۇرگىزىلۋدە.

ادام تانىمى مەن مىنەز-قۇلقىنداعى كوپكە بەيمالىم قالىڭ قاتپارلار مەن قۇپيا قالتارىستارداعى وزگەشەلىكتەر، تۇلعا بولمىسىنداعى دارالىق قاسيەت، ەرەكشەلىكتەر باستى زەرتتەۋ نىسانىنا اينالعان پسيحولوگيا بۇگىندە ىرگەلى عىلىم سالاسى. ول جەكە تۇلعالىق بولمىستان باستاپ، تۇتاس قوعامدىق سانا مەن مىنەز-قۇلىقتىڭ تابيعاتىن تانىپ، زەردەلەۋ ىسىندە ءبىرشاما جەتىستىكتەرگە جەتتى. سونىڭ ناتيجەسىندە، قازىرگى تاڭدا ادام بولمىسىن تۇزەپ، ىشكى-سىرتقى جايسىزدىقتاردان ارىلۋ، قوعامدىق كەلەڭسىزدىكتەرگە سانالى وزگەرىس ناتيجەسىندە جول بەرمەۋ  ءىسى مۇمكىن بولىپ وتىر. ال ءال-فارابي اتىنداعى قازاق ۇلتتىق ۋنيەرسيتەتىنىڭ ماگيسترانتتارىمەن جۇيەلى تۇردە جۇرگىزىلىپ كەلە جاتقان «باسقارۋ پسيحولوگياسى» ءدارىسى بۇگىنگى عىلىمداعى وسى جەتىستىكتەردى جاس عالىمداردىڭ تانىپ بىلۋىنە، يگەرۋىنە جول اشۋدا.

ءال-فارابي اتىنداعى قازاق ۇلتتىق ۋنيۆەرسيتەتىنىڭ جاس عالىمدارعا ارنالعان ءبىلىم بەرۋ جۇيەسىنە ءداستۇرلى ءپان رەتىندە ەنگىزىلگەن بۇل ءدارىس قازىرگى تاڭدا پسيحولوگيا عىلىمدارىنىڭ كانديداتى، دوتسەنت ن.س.جۇبانازاروۆانىڭ جەتەكشىلىگىمەن (لەكتور، سەميناريست) فيلولوگيا فاكۋلتەتىنىڭ 1-كۋرس ماگيسترانتتارىنا وتىلۋدە.

«باسقارۋ پسيحولوگياسى» ءدارىسى جاس عالىمدار مەن كەلەشەك جوعارعى وقۋ ورىندارى مۇعالىمدەرىنىڭ ءبىلىم، بىلىگىن قاتار كوتەرۋدى كوزدەگەن ارناۋلى ءپان. سوندىقتان ساباق بارىسىندا تەوريالىق بىلىممەن قاتار پراكتيكالىق تاجىريبە جۇمىسىنا دا باسا نازار اۋدارىلادى. ناتيجەسىندە، ماگيسترانتتار جاڭا بىلىمدەردى يگەرىپ قانا قويماي، ءىس جۇزىندە تاجىريبە جۇرگىزىپ، شەبەرلىكتەرىن شىڭداي الادى.

بۇل ارناۋلى ءپان ل.ا.ۆاينشتەين، ل.د.ستوليارەنكو، ت.س.كاباچەنكو سىندى عالىمداردىڭ پسيحولوگياداعى ىرگەلى عىلىمي زەرتتەۋ ەڭبەكتەرى مەن ن.س.احتاەۆانىڭ «باسقارۋ پسيحولوگياسى» اتتى ارنايى وقۋ قۇرالى نەگىزىندە جۇرگىزىلەدى. سونداي-اق، وزگە دە عىلىمي ەمەس پسيحولوگيالىق ەڭبەكتەر مەن تاجىريبە جۇمىستارىنىڭ ناتيجەسىن كورسەتەتىن جيناقتار، باسقا دا اقپارات كوزدەرى پايدالانىلادى.

جۋبانازاروۆا ن.س.،
ءال-فارابي اتىنداعى قازۇۋ پسيحولوگيا عىلىمدارىنىڭ كانديداتى، پروفەسسور.
ايازباەۆا ب.،
اعا وقىتۋشى.
ت.ق. ەشىموۆ،
قازۇۋ، فيلولوگيا فاكۋلتەتى، 1-كۋرس ماگيسترانتى.

Abai.kz