قىزىلشا اسقىندى: قازاقستان الەم بويىنشا 3-ورىندا
اقش-تىڭ اۋرۋلاردى باقىلاۋ ورتالىعى الەمدە قىزىلشا جۇقتىرۋ بويىنشا ستاتيستيكانى جاريالادى، دەپ حابارلايدى Ulysmedia.kz-كە سىلتەمە جاساپ.
بۇل تىزىمدە قازاقستان ءۇشىنشى ورىندا تۇر. ورتالىقتىڭ مالىمەتىنشە، ەلىمىزدە 2023 جىلدىڭ مامى ايىنان قازان ايىنا دەيىن قىزىلشا جۇقتىرۋدىڭ 12 985 جاعدايى تىركەلگەن. ەڭ كوپ جۇقتىرۋ جاعدايى يەمەن ەلىندە - 25 261 ادام. ودان كەيىن ءۇندىستان (14 927) جايعاسقان.
ايتا كەتەيىك، ەلىمىزدە سوڭعى مالىمەت بويىنشا قىزىلشا جۇقتىرعاندار سانى جيىرما مىڭنان استى. قازاقستاندا قىزىلشاعا قاتىستى ەپيدەميولوگيالىق جاعداي ءالى دە كۇردەلەنىپ تۇر.
بۇعان دەيىن اۋرۋدىڭ ەڭ جوعارى دەڭگەيى شىمكەنت، الماتى قالالارىندا، الماتى جانە جامبىل وبلىستارىندا تىركەلدى.
فوتو: gov.kz
Abai.kz
