جۇما, 29 ناۋرىز 2024
جاڭالىقتار 2533 0 پىكىر 5 قىركۇيەك, 2013 ساعات 11:06

وركەندەگەن وڭىرلەر

كەشە وبلىس اكىمىنىڭ ءبىرىنشى ورىنباسارى ەرمەك كوشەرباەۆتىڭ قاتىسۋىمەن وڭىرارالىق ينتەگراتسيا بويىنشا بەلگىلەنگەن ءىس-شارالار جوسپارىن تالقىلاعان جيىن ءوتتى.

ەستەرىڭىزگە سالساق، شىلدەنىڭ 12-ءسى كۇنى وسكەمەندە الماتى، قاراعاندى، پاۆلودار جانە شىعىس قازاقستان وبلىستارىنىڭ قاتىسۋىمەن ەلىمىزدە تۇڭعىش رەت وڭىرارالىق ينتەگراتسيا فورۋمى وتكەن-ءدى. سول فورۋمدا ءتورت ايماقتىڭ وكىلدەرى ءبىر-بىرىمەن ساۋدا-ەكونوميكالىق، ونەركاسىپ، اۋىل شارۋاشىلىق، ەنەرگەتيكا، تۋريزم، ءبىلىم، دەنساۋلىق ساقتاۋ سياقتى سالالاردا تىعىز بايلانىس ورناتىپ، الىس-بەرىستى، بارىس-كەلىستى جۇيەلى جۇزەگە اسىرۋ ءۇشىن بىرقاتار ماڭىزدى قۇجاتتارعا قول قويعان. اتاپ ايتقاندا، ءتورت ءوڭىردىڭ باسشىسى 20 ميلليارد تەڭگە قارجىعا 40 كەلىسىمشارت جاساسقان.

اتالعان جيىندا وسى كەلىسىم قۇجاتتار نەگىزىندە جاسالعان ءىس-شارالار جوسپارى بويىنشا وبلىستىق باسقارمالاردىڭ كورشىلەس ايماقتارداعى ارىپتەستەرىمەن تىزە قوسىپ قانداي جۇمىستار اتقارىپ جاتقانى، الداعى ۋاقىتتا قاي باعىتتا ارەكەت ەتۋ قاجەتتىگى تىڭدالدى.

كەشە وبلىس اكىمىنىڭ ءبىرىنشى ورىنباسارى ەرمەك كوشەرباەۆتىڭ قاتىسۋىمەن وڭىرارالىق ينتەگراتسيا بويىنشا بەلگىلەنگەن ءىس-شارالار جوسپارىن تالقىلاعان جيىن ءوتتى.

ەستەرىڭىزگە سالساق، شىلدەنىڭ 12-ءسى كۇنى وسكەمەندە الماتى، قاراعاندى، پاۆلودار جانە شىعىس قازاقستان وبلىستارىنىڭ قاتىسۋىمەن ەلىمىزدە تۇڭعىش رەت وڭىرارالىق ينتەگراتسيا فورۋمى وتكەن-ءدى. سول فورۋمدا ءتورت ايماقتىڭ وكىلدەرى ءبىر-بىرىمەن ساۋدا-ەكونوميكالىق، ونەركاسىپ، اۋىل شارۋاشىلىق، ەنەرگەتيكا، تۋريزم، ءبىلىم، دەنساۋلىق ساقتاۋ سياقتى سالالاردا تىعىز بايلانىس ورناتىپ، الىس-بەرىستى، بارىس-كەلىستى جۇيەلى جۇزەگە اسىرۋ ءۇشىن بىرقاتار ماڭىزدى قۇجاتتارعا قول قويعان. اتاپ ايتقاندا، ءتورت ءوڭىردىڭ باسشىسى 20 ميلليارد تەڭگە قارجىعا 40 كەلىسىمشارت جاساسقان.

اتالعان جيىندا وسى كەلىسىم قۇجاتتار نەگىزىندە جاسالعان ءىس-شارالار جوسپارى بويىنشا وبلىستىق باسقارمالاردىڭ كورشىلەس ايماقتارداعى ارىپتەستەرىمەن تىزە قوسىپ قانداي جۇمىستار اتقارىپ جاتقانى، الداعى ۋاقىتتا قاي باعىتتا ارەكەت ەتۋ قاجەتتىگى تىڭدالدى.

وبلىستىق كاسىپكەرلىك جانە يندۋستريالىق-يننوۆاتسيالىق دامۋ باسقارماسىنىڭ باسشىسى شاكارىم بۇقتۇعۇتوۆتىڭ مالىمدەۋىنشە، بۇل سالادا جيىرماعا جۋىق باعىتتا ءىس-شارا بەلگىلەنگەن ەكەن. تارقاتىپ ايتار بولساق، ولاردىڭ قاتارىندا سىرتتان كەلەتىن يمپورتتىڭ كولەمىن ازايتىپ، ەكسپورتتىڭ ۇلەسىن ارتتىرۋ، جەرگىلىكتى ءوندىرىس ورىندارىنىڭ ونىمدەرىن وتكىزۋ، جۇيەقۇراۋشى كاسىپورىندارداعى قازاقستاندىق قۇرامنىڭ مولشەرىن ەسەلەۋ، ءوندىرىس بالانسىن جاساۋ جانە باسقا وزەكتى ماسەلەلەر باستى نازارعا الىنعان.

باسقارما باسشىسىنىڭ دەرەكتەرىنە دەن قويعان وبلىس اكىمىنىڭ ءبىرىنشى ورىنباسارى ەرمەك كوشەرباەۆ ءوندىرىس بالانسىن جاساعان كەزدە، «ءبىزدىڭ ايماقتاعى كاسىپورىندار باسقالارعا قانداي ءونىم ۇسىنا الادى جانە وزدەرى نەنى قاجەت ەتەدى»، مىنە، وسى تۇرعىدا ساراپتاما جۇرگىزىپ، زەرتتەپ الۋ قاجەتتىگىنە توقتالدى.

اۋىل شارۋاشىلىق سالاسىندا ءبىرسىپىرا جۇمىستار قولعا الىنىپتى. ايتالىق، گلۋبوكوە اۋدانىنىڭ شارۋا قوجالىقتارى ءوز ونىمدەرىمەن تەمىرتاۋ، قاراعاندى قالالارىنا بارىپ، جارمەڭكە وتكىزىپ قايتقان. جاقىن كەلەشەكتە پاۆلوداردىڭ بىرنەشە اۋدانىندا وسىنداي جارمەڭكەلەر ۇيىمداستىرۋ جوسپارلانعان. الايدا وبلىس اكىمىنىڭ ءبىرىنشى ورىنباسارى جاۋاپتى باسقارماعا تەك جارمەڭكەمەن عانا شەكتەلىپ قالماي، ازىق-تۇلىك بەلدەۋىن قۇرۋ، ساپالى تۇقىم تۇرلەرىن ءوندىرۋ، الماتى وبلىسىنىڭ ماماندارىمەن عىلىمي جۇمىستار جۇرگىزۋ سەكىلدى ناقتى باعىتتاردا ارەكەت ەتۋ قاجەتتىگىن ەسكەرتتى.

– عىلىمي باعىتتاعى جۇمىستارعا كەلسەك، ساپالى كارتوپ تۇقىمىن ساتىپ الۋ بويىنشا پاۆلودار جانە الماتى وبلىستارىمەن بايلانىس ورناتىلعان. سول سياقتى ولاردىڭ تاراپىنان بىزدەن كۇنباعىس تۇقىمىن ساتىپ الۋعا كەلىسىم جاسالدى. بۇل شارۋالار ارى قاراي دا جالعاسىن تابا بەرەتىن بولادى، – دەدى اۋىل شارۋاشىلىعى باسقارماسى باسشىسىنىڭ ورىنباسارى اسۋات ناسىروۆ.

سونىمەن قاتار، ءبىزدىڭ ءوڭىر ءۇشىن اۋىل شارۋاشىلىق ونىمدەرىنىڭ ىشىندە بيدايدى وتكىزەتىن ۇلكەن نارىق ول – قىتاي. بالدى دا، باسقانى دا توننالاپ ساتىپ الۋعا دايىن وتىرعان شەتەلدىك كورشىلەرىمىزگە كۇزگى جيىن-تەرىن اياقتالعان سوڭ، قامباداعى ارتىق بيدايدى جونەلتۋگە تاماشا مۇمكىندىك بار. ءتىپتى شىعىستىڭ عانا ەمەس پاۆلودار مەن قاراعاندى وبلىستارىنىڭ ارتىلعان استىعىن كادەگە جاراتۋعا بار ولار. ەندەشە كورشىلەس ايماقتار ءوز بيدايىن ءبىز ارقىلى قىتاي نارىعىنا شىعارۋىنا ەشقانداي كەدەرگى جوق.

تامىز ايىندا ءتورت ايماقتىڭ وقۋشىلارى شىعىسقا جينالىپ، ا.ماتروسوۆ اتىنداعى دەمالىس لاگەرىندە بالالاردىڭ ءبىرىنشى وڭىرارالىق سلەتى وتكەن. سول كەزدە التايدىڭ تاماشا تابيعاتىن كوزبەن كورىپ، تاڭداي قاققان وزگە وبلىستىڭ وكىلدەرى مۇندا قىسقى دەمالىستى دا ۇيىمداستىرسا دەگەن نيەت-تىلەكتەرىن بىلدىرگەن. بۇگىندە بۇل ماسەلە جۇيەلەنىپ، جەكەلەگەن تۇستارى پىسىقتالۋ ۇستىندە. ودان بولەك، ءبىلىم سالاسىندا ءدۋالدى وقىتۋ تاجىريبەسىن تاراتۋ، وقۋشىلاردىڭ وليمپيادالارىن، سپورتتىق ويىندارىن وتكىزۋ جاعى دا نازارعا الىنعان.

ءتۋريزمدى دامىتۋ بويىنشا دا جوبالار جوق ەمەس سياقتى. ماسەلەن، بۇل تۇرعىدا اسا بەلسەندىلىك تانىتىپ وتىرعان ريددەر قالاسىنىڭ اكىمى ج.مۇراتوۆ وسكەمەننەن تۋريستەردى تاسىمالدايتىن پويىز شىعارۋدى ۇسىنعان. ەرمەك كوشەرباەۆتىڭ ايتۋىنا قاراعاندا، پويىز وبلىس ورتالىعىنان ساياحاتشىلاردى مىنگىزىپ، بەلگىلى ءبىر بەكەتكە دەيىن جەتكىزەدى. ال ول جەردە دەمالۋشىلاردى اۆتوبۋستار كۇتىپ الىپ، بازاعا جەتكىزەدى. كەرى قايتاتىن كەزدە دە ءدال وسىلاي. بۇل ازىرگە ەلىمىزدىڭ ەش وڭىرىندە جوق تۋريستەردى دەمالدىرۋ ءتاسىلى بولماق.

سونىمەن قاتار، جيىندا ءبىلىم، دەنساۋلىق ساقتاۋ، جولاۋشى كولىگى جانە اۆتوموبيل جولدارى، ەنەرگەتيكا جانە تۇرعىن ءۇي-كوممۋنالدىق شارۋاشىلىعى، ساۋلەت جانە قالاقۇرىلىسى باسقارمالارىنىڭ باسشىلارى مەن جاۋاپتى وكىلدەرى اقپارات بەردى.

اباي-اقپارات

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563