مەملەكەت باسشىسىنىڭ تاپسىرماسى بويىنشا قر مادەنيەت جانە اقپارات مينيسترلىگى مادەني مۇرانى ناسيحاتتاۋ جانە ۇلتتىق بىرەگەيلىكتى نىعايتۋ بويىنشا جۇمىستى كۇشەيتتى.

تاريح پەن مادەنيەتتىڭ بىرەگەي ەسكەرتكىشتەرىن الىەمدىك كەڭىستىككە ىقپالداستىرۋ بويىنشا ءتيىستى جۇمىستار جۇرگىزىلدى. قازاقستان يۋنەسكو-نىڭ بۇكىلالەمدىك مۇرا تىزىمىنە 10 تاريحي جانە مادەنيەت ەسكەرتكىشتەرىن ۇسىندى. 2025 جىلعا قاراي مينيسترلىك ولاردىڭ سانىن 16-عا جەتكىزۋدى جوسپارلاپ وتىر.
مادەنيەتتى دامىتۋ ماقساتىندا وڭىرلەردە مادەنيەت وبەكتىلەرىنىڭ، ونىڭ ىشىندە اۋىلدىق جەرلەردەگى مادەنيەت ۇيلەرىنىڭ كەزەڭ-كەزەڭىمەن قۇرىلىسى باستالىپ، جوندەۋ جۇمىستارى جۇرگىزىلدى. وتكەن جىلى 22 مادەنيەت نىسانى سالىنىپ، 189 – نا جوندەۋ جۇمىستارى جاسالدى.
تاۋەلسىز قازاقستان تاريحىندا ەڭبەگى سىڭگەن جازۋشىلارعا تۇڭعىش رەت «قازاقستاننىڭ حالىق جازۋشىسى» قۇرمەتتى اتاعى بەرىلىپ، 8 مادەنيەت قايراتكەرى ماراپاتتالدى.

مادەنيەت جانە ارحيۆ ۇيىمدارىنىڭ 65 مىڭ قىزمەتكەرلەرىنىڭ جالاقىسى ءوستى. 30 جىلدا العاش رەت بيۋدجەت قاراجاتى ەسەبىنەن ەكى مۋزىكالىق ۇيىم مەن ءۇش ءبىلىم بەرۋ مەكەمەسىندە مۋزىكالىق اسپاپتار جاڭارتىلدى. بۇل مۋزىكانتتاردىڭ كاسىبي جانە شىعارماشىلىق ءوسۋى ءۇشىن جاعدايدى جاقسارتۋعا مۇمكىندىك بەرەدى.
قازاقستان تەاترلارى حالىقارالىق فەستيۆالدەرگە بەلسەندى قاتىسىپ، بەدەلدى ماراپاتتارعا يە بولىپ ءجۇر. مەملەكەتتىك تەاترلار ءار ءتۇرلى جانرلار مەن باعىتتارداعى 10 مىڭنان استام سپەكتاكلدەردى ساحنالادى. 200-گە جۋىق جاڭا قويىلىم ۇسىنىلدى. تەاترلارعا 2 ميلليونعا جۋىق كورەرمەن كەلدى. ەل بويىنشا جانە شەتەلدەردە 800-دەن استام گاسترولدىك ساپارلار وتكىزىلدى. ەلىمىزدىڭ بارلىق تەاترلارىنىڭ رەپەرتۋارىن ۇلتتىق اۆتورلاردىڭ شىعارمالارىمەن تولىقتىرۋ جونىندەگى جۇمىستار جالعاساتىن بولادى. بۇل وتاندىق كومپوزيتورلار مەن دراماتۋرگتەردىڭ شىعارمالارىن ناسيحاتتاپ قانا قويماي، كورەرمەندەردىڭ رۋحاني جانە ادامگەرشىلىك تاربيەسىن ارتتىرۋعا سەبىن تيگىزەدى.

وتاندىق كينەماتوگرافيا دامۋ بارىسىندا قۋاتتى سەرپىن الىپ كەلەدى. 2023 جىلى مەملەكەتتىك قولداۋمەن 18 ءفيلمنىڭ ءتۇسىرىلىمى اياقتالدى. ودان بولەك، 19 جاڭا كينوجوبا ىسكە قوسىلدى. مەملەكەتتىك قارجىلىق قولداۋ العان فيلمدەردى دامىتۋ جانە پروكاتقا شىعارۋ، بەدەلدى ماراپاتتتارعا وتاندىق فيلمدەردى قوسۋ بويىنشا شارالاردى قامتاماسىز ەتۋ بويىنشا قولدانىستاعى «كينەماتوگرافيا تۋرالى» زاڭعا تۇزەتۋلەر ەنگىزىلۋدە.

كرەاتيۆتى يندۋستريا سالاسىندا دامۋ الەۋەتى بار: مەملەكەتتىك قولداۋدىڭ جەكەلەگەن پاكەتىن ازىرلەۋگە جانە وسى سالانى دامىتۋعا باعىتتالعان شارالار قابىلدانۋدا، «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كرەاتيۆتى يندۋستريانى قولداۋ جانە دامىتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قر زاڭىنىڭ جوباسى دايىندالۋدا. كرەاتيۆتى يندۋستريانى دامىتۋ قورىن قۇرۋ بويىنشا جۇمىستار جۇرگىزىلۋدە، ونىڭ ماقساتى سالانى دامىتۋعا قولداۋ، تالانتتىلاردى ىزدەۋ، ينفراقۇرىلىمدى دامىتۋ، ونىمدەردى ەكسپورتتاۋعا جاردەمدەسۋ جانە كوممەرتسيالاندىرۋ بولىپ تابىلادى.

فوتو: اشىق دەرەككوزدەن

Abai.kz