سەنات سپيكەرى ماۋلەن اشىمباەۆ ءانۇران اۆتورلىعىنا قاتىستى سۇراققا جاۋاپ بەردى.

«الەۋمەتتىك جەلىدە ەكس-پرەزيدەنت نۇرسۇلتان نازارباەۆتى ءانۇران اۆتورلىعىنان الىپ تاستاۋعا قاتىستى اقپارات جاريالانىپ جاتىر. 2024 جىلى «اۆتورلىق قۇقىقتى قورعاۋ تۋرالى» زاڭ قاراستىرىلعاندا ءانۇران اۆتورلىعىنان نۇرسۇلتان نازارباەۆتىڭ اتىن الىپ تاستاۋ مۇمكىن بە؟» دەگەن ءجۋرناليستىڭ سۇراعىنا:

«بۇل (ەكس-پرەزيدەنت نۇرسۇلتان نازارباەۆتى ءانۇران اۆتورلىعىنان الىپ تاستاۋ – اۆتور) ماسەلەگە ارىپتەسىمىز بىرنەشە رەت جاۋاپ بەرگەن. بۇل – قازىر دەپۋتاتتار اينالىساتىن ەڭ وزەكتى ماسەلە ەمەس شىعار. رەفورماعا قاتىستى كوپتەگەن ماقسات بار... وسى قىستان دۇرىس ءوتۋىمىز كەرەك. بۇل ماسەلەگە ارىپتەسىمىز دە جاۋاپ بەردى عوي»،- دەپ جاۋاپ بەردى سەنات سپيكەرى ماۋلەن اشىمباەۆ.

بۇعان دەيىن ءدال وسى سۇراق ءماجىلىس سپيكەرى ەرلان قوشانوۆقا دا قويىلعان. قوشانوۆ «ءدال قازىر كۇن تارتىبىندە تۇرعان ماسەلە ەمەس» دەپ جاۋاپ بەردى.

فوتو: اشىق دەرەككوزدەن

Abai.kz