2013 جىلدىڭ 15 قازانى – قۇربان ايت مەرەكەسى!

ەرجان قاجى مالعاجىۇلى،

قازاقستان مۇسىلماندارى ءدىني

باسقارماسىنىڭ توراعاسى، باس ءمۇفتي

قۇربان ايت قۇتتى بولسىن، اعايىن!

مەيىرىمدى، راقىمدى اللانىڭ اتىمەن باستايمىن!

قادىرمەندى مۇسىلمان باۋىرلار، قۇرمەتتى وتانداستار!

بارشامىزدى قۋانىش-شاتتىققا بولەيتىن، قۇت-بەرەكەلى، مۇسىلمان قاۋىمىنىڭ ۇلىق مەرەكەسى – قۇربان ايتقا امان-ەسەن جەتكىزگەن اللا تاعالاعا سانسىز شۇكىرلەر مەن ماقتاۋلار بولسىن!

الەمنىڭ ءار تۇكپىرىن مەكەندەگەن مۇسىلماندار بۇل كۇنى جاراتۋشى يەمىزدىڭ رازىلىعى ءۇشىن قۇربان شالىپ، اللانىڭ مەيىرىم-شاپاعاتىنا بولەنۋگە تىرىسادى. ادام وسىنداي ىزگى امالى ارقىلى راببىسىنا جاقىنداي تۇسەدى. ال «قۇربان» ءسوزى «جاقىن بولۋ»، «جاقىنداۋ» دەگەن ماعىنانى بىلدىرەدى. بۇل كۇنى قاجىلىققا اتتانعان مۇسىلمان باۋىرلارىمىز، وتانداستارىمىز جۇزدەرىن قاعباعا قاراتىپ، ارافات تاۋىندا ەلىمىزدىڭ يگىلىگى مەن حالقىمىزدىڭ بىرلىگىن تىلەپ، ەكى دۇنيەنىڭ باقىتىن سۇراپ، جاراتقانعا جالبارىنا دۇعا جاسايدى.

2013 جىلدىڭ 15 قازانى – قۇربان ايت مەرەكەسى!

ەرجان قاجى مالعاجىۇلى،

قازاقستان مۇسىلماندارى ءدىني

باسقارماسىنىڭ توراعاسى، باس ءمۇفتي

قۇربان ايت قۇتتى بولسىن، اعايىن!

مەيىرىمدى، راقىمدى اللانىڭ اتىمەن باستايمىن!

قادىرمەندى مۇسىلمان باۋىرلار، قۇرمەتتى وتانداستار!

بارشامىزدى قۋانىش-شاتتىققا بولەيتىن، قۇت-بەرەكەلى، مۇسىلمان قاۋىمىنىڭ ۇلىق مەرەكەسى – قۇربان ايتقا امان-ەسەن جەتكىزگەن اللا تاعالاعا سانسىز شۇكىرلەر مەن ماقتاۋلار بولسىن!

الەمنىڭ ءار تۇكپىرىن مەكەندەگەن مۇسىلماندار بۇل كۇنى جاراتۋشى يەمىزدىڭ رازىلىعى ءۇشىن قۇربان شالىپ، اللانىڭ مەيىرىم-شاپاعاتىنا بولەنۋگە تىرىسادى. ادام وسىنداي ىزگى امالى ارقىلى راببىسىنا جاقىنداي تۇسەدى. ال «قۇربان» ءسوزى «جاقىن بولۋ»، «جاقىنداۋ» دەگەن ماعىنانى بىلدىرەدى. بۇل كۇنى قاجىلىققا اتتانعان مۇسىلمان باۋىرلارىمىز، وتانداستارىمىز جۇزدەرىن قاعباعا قاراتىپ، ارافات تاۋىندا ەلىمىزدىڭ يگىلىگى مەن حالقىمىزدىڭ بىرلىگىن تىلەپ، ەكى دۇنيەنىڭ باقىتىن سۇراپ، جاراتقانعا جالبارىنا دۇعا جاسايدى.

تاۋەلسىز ەلىمىزدىڭ تۇڭعىش پرەزيدەنتى، اسىل ءدىنىمىزدىڭ جاناشىرى نۇرسۇلتان ءابىشۇلى نازارباەۆ قۇربان ايت مەيرامىن قازاقستان جۇرتشىلىعى ءۇشىن دەمالىس كۇنى دەپ جاريالادى. بۇل – ۇلىق مەرەكەنى حالىقتىق دەڭگەيدە اتاپ وتۋگە، كوپۇلتتى وتانىمىزدى مەكەن ەتكەن حالىقتار دوستىعى مەن بىرلىگىن نىعايتا تۇسۋگە سەپتىگىن تيگىزىپ كەلەدى. ەڭ باستىسى، ءبىز مۇنى ءداستۇرلى ءدىنىمىز يسلامعا كورسەتىلگەن قۇرمەت دەپ بىلەمىز.

قۇربان ايتتى اتاپ ءوتۋدىڭ ءمانى مەن ماعىناسى زور. اللانى ءبىر، پايعامباردى حاق دەپ بىلگەن مۇسىلماندار مەشىتتەرىمىزدە ايت نامازىن وقىپ، دۇعا جاساپ، ءبىر-ءبىرىن مەرەكەمەن قۇتتىقتاپ، مارە-سارە بولعاننان كەيىن قۇرباندىق شالادى. قۇرباندىق ەتى اعايىن-تۋىس، كورشى-قولاڭ، تۇرمىسى تومەن وتباسىلارىنا، جەتىم مەن جەسىرلەرگە، مۇگەدەكتەرگە تاراتىلادى. وسىلايشا ادامدا مەيىرىم، قامقور، كەشىرىم، قايىر-شاپاعات، سابىر سىندى كوركەم مىنەز قالىپتاسادى.

بۇل – اعايىن اراسىن جاقىنداتا تۇسەتىن كۇن. ارازداسقان ادامدار تاتۋلاسىپ، ءوزارا كەشىرىم جاساپ، تۋىسقاندىق بايلانىستى كۇشەيتۋگە يتەرمەلەيتىن ۇلىق مەيرام. ويتكەنى، اللا تاعالا:«سەن كەشىرىم جولىن ۇستان، جاقسىلىققا بۇيىر، ناداندىقتان بەت بۇر» («اعراف» سۇرەسى، 199-ايات) دەپ مۇسىلمانداردى بارىنشا كەشىرىمدى بولا تۇسۋگە شاقىرعان. قۇربان ايت كۇنى اعايىن-تۋىستىردى، دوس-جاراندار مەن كورشىلەردى ايتپەن قۇتتىقتاپ، اق داستارقان باسىندا اللانىڭ بۇيىرعان ريزىق-نەسىبەسىنەن، قۇرباندىق ەتىنەن ءدام تاتقان ابزال.

قۇربان ايت – وتباسى قۇندىلىعىن ارتتىراتىن مەرەكە. اتا-اناعا، قۇداي قوسقان جارىمىزعا، بالا-شاعامىزعا ارنايى سىيلىق بەرۋ، جاڭا كيىم اپەرۋ – مەيرامنىڭ ءسانىن كەلتىرىپ، ءمانىن ارتتىرادى. مۇندايدا وسكەلەڭ ۇرپاق قۇربان ايتتىڭ قادىرى مەن ساۋابىن سەزىنىپ، ىزگىلىككە ۇمتىلادى، مەرەكەنى اسىعا كۇتەدى.

قۇربان ايتتىڭ مۇسىلمان جاماعاتىن، ۇلىستار مەن ۇلتتاردى بىرىكتىرۋدەگى، ءوزارا باۋىرمالدىقتى ارتتىرۋداعى ءرولى وراسان زور. ادامدار ءبىر-بىرىنە: «ايت قۇتتى بولسىن!» ايتىسىپ، امان-ساۋلىق سۇراسىپ جاتادى.

بۇل كۇنى ەرتە تۇرىپ، عۇسىل قۇيىنىپ، حوش ءيىس سەبىنىپ، مەشىتتە ايت نامازىن وقۋ – ساۋاپتى ءىس. قۇرباندىق ەتىنەن ءدام تاتۋ، اللاعا ماداق، پايعامبارعا (س.ع.س.) سالاۋات ايتۋ – سۇننەت امال.

قازاقستان مۇسىلماندارى ءدىني باسقارماسى مۇباراك مەرەكەنى جوعارى دەڭگەيدە وتكىزۋ ءۇشىن بىرقاتار يگى شارالار مەن ىزگى ىستەردى جۇزەگە اسىرۋ ۇيعارىلدى. ۋاعىزداردا ءدىني تۇراقتىلىق پەن بەيبىتشىلىك، حالقىمىزدىڭ بىرلىگى مەن ىنتىماعىن نىعايتۋ ماسەلەلەرىنە ءمان بەرىلىپ كەلەدى.

قۇربان شالۋ ايت نامازىنان كەيىن ايتتىڭ ءۇشىنشى كۇنى اقشام نامازىنا از ۋاقىت قالعانعا دەيىن جالعاسادى. ەگەر بۇل تالاپ ورىندالماسا، وندا ول ساداقا سانالادى. قوي، ەشكى، سيىر جانە تۇيەنى قۇرباندىققا شالۋعا بولادى. سيىر نەمەسە تۇيەنى جەتى كىسى بىرىگىپ، ورتاق شالۋدى شاريعاتىمىز قۇپتايدى. پايعامبارىمىز (س.ع.س.) ءبىر حاديسىندە: «سوقىرلىعى انىق بەلگىلى سوقىر، اۋرۋى بەلگىلى اۋرۋشاڭ، (جۇرە المايتىنداي دارەجەدە) اقساقتىعى بەلگىلى بولعان اقساق جانە (جىلىك مايى جوق) وتە ارىق مالدار قۇرباندىققا جارامايدى»، - دەگەن.

قادىرمەندى اعايىن، باۋىرلار!

اللا تاعالا شىنايى نيەتتەرىڭىزدى، ىزگى امالدارىڭىزدى جانە شالعان قۇرباندىقتارىڭىزدى قايىرىمەن قابىل ەتكەي! جاراتۋشى يەمىز بارشامىزعا ەكى دۇنيەنىڭ باقىتىن ءناسىپ ەتىپ، ءجۇزىمىزدى جارىق ەتكەي! ەلىمىزدىڭ مەرەيى ۇستەم، تاۋەلسىزدىگىمىز تۇعىرلى ءارى تىنىشتىعى ماڭگىلىك بولعاي!

بەيبىت ءومىردى مۇرات تۇتقان مۇسىلمان قاۋىمىنىڭ ۇلىق مەرەكەسى قۇتتى بولسىن، اعايىن!

قازاقستان مۇسىلماندارى ءدىني باسقارماسى ءباسپاسوز قىزمەتى

Abai.kz