قازاقستان وڭتۇستىك كورەيانىڭ Employment permit System جۇيەسىنە قوسىلۋى مۇمكىن، ونىڭ ارقاسىندا قازاقستاندىقتار بۇل ەلدە زاڭدى تۇردە جۇمىسقا تۇرا الادى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنە حابارلايدى.

ۆەدومستۆو حابارىنا قاراعاندا، قازاقستان مەن وڭتۇستىك كورەيانىڭ ەڭبەك مينيسترلىكتەرىنىڭ وكىلدەرى ونلاين-فورماتتا كەلىسسوز جۇرگىزگەن.

"ونىڭ بارىسىندا قازاقستاندى وڭتۇستىك كورەيانىڭ Employment permit System جۇيەسىنە (بۇدان ءارى - EPS) ەنگىزۋ ماسەلەسىن تالقىلادى. بۇل قازاقستاندىقتارعا وڭتۇستىك كورەيادا زاڭدى تۇردە جۇمىسقا ورنالاسۋعا، سونداي-اق ولارعا تەڭ ەڭبەك جاعدايلارى مەن قۇقىقتاردى قورعاۋدى قامتاماسىز ەتۋگە مۇمكىندىك بەرەدى", - دەلىنگەن مينيسترلىك حابارىندا.

كەزدەسۋگە ەڭبەكمينى كوشى-قون كوميتەتىنىڭ توراعاسى اسقاربەك ەرتاەۆ، ەڭبەكمينى حالىقارالىق ىنتىماقتاستىق جانە ينتەگراتسيا دەپارتامەنتىنىڭ ديرەكتورى ساادات اسانسەيتوۆا جانە كورەيا رەسپۋبليكاسى ەڭبەك جانە جۇمىسپەن قامتۋ مينيسترلىگىنىڭ شەتەلدىك جۇمىس ەڭبەگى جونىندەگى باسقارماسى ديرەكتورىنىڭ ورىنباسارى ميۋنگ سۋنگ حون قاتىسقان. اسقاربەك ەرتاەۆ كەزدەسۋگە قاتىسۋشىلارعا EPS جۇيەسى شەڭبەرىندە كورەيالىق دايىندىق ورتالىعىن اشۋ بويىنشا جۇرگىزىلىپ جاتقان جۇمىستار تۋرالى حابارلادى. قازاقستاندا EPS ورتالىعىن اشۋ مۇمكىندىگىن تالقىلاي وتىرىپ، تاراپتار جەمىستى جانە سىندارلى ءوزارا ءىس-قيمىلعا، سونداي-اق ەڭبەك كوشى-قونى شەڭبەرىندە ەكىجاقتى ىنتىماقتاستىقتى كەڭەيتۋگە دايىن ەكەنىن ءبىلدىردى.

Abai.kz