ۇلتتىق قۇرىلتايدىڭ جۇمىسىنا جۇرتشىلىقتىڭ جاڭا وكىلدەرى ەندى جانە بىرقاتار بۇرىنعى مۇشەلەر شىعارىلدى، دەپ حابارلايدى اقوردانىڭ ءباسپاسوز قىزمەتى. 

​ۇلتتىق قۇرىلتايدىڭ جۇمىسىنا جۇرتشىلىقتىڭ جاڭا وكىلدەرى – قر بالا قۇقىقتارى جونىندەگى ۋاكىل دينارا زاكيەۆا، «قازاقستان كارىستەر قاۋىمداستىعى» زتب توراعاسى يۋري شين، قازاقستاننىڭ ەڭبەك ەرى، سەمەي قالاسىنداعى № 7 مەكتەپ-ليتسەيىنىڭ مۇعالىمى الما شۇقىجانوۆا، قر پارلامەنت ءماجىلىسىنىڭ دەپۋتاتتارى نۇرلان اۋەسباەۆ، نيكيتا شاتالوۆ، Zhubanov university باسقارما-توراعاسى، رەكتور لاۋرا قاراباسوۆا، پارا جەڭىل اتلەتيكا بويىنشا سپورتشى ايسۇلۋ سۇلەيمەنوۆا، دۇنگەن ەتنوسىنىڭ كوشباسشىسى لۋگمار بۋلاروۆ، «ازاتتىق رۋحى» اقپاراتتىق اگەنتتىگىنىڭ تەلەجۇرگىزۋشىسى، جۋرناليست كريستينا گرينكو تارتىلدى.​

بۇدان بولەك قۇرامعا بىرنەشە ايماقتان قوعامدىق كەڭەس مۇشەلەرى كىردى.​

ۇلتتىق قۇرىلتاي قۇرامىنان ب. التەەۆ، ا. تولامىسوۆ، گ. قاناي، س. وگاي، ج. دايراباەۆ، ق. مايگەلدىنوۆ، ب. ءۋالي، ا. تيموششەنكو-بوروۆيكوۆا، س. سارىباي، د. تۇرلىحانوۆ، ا. لودوچنيكوۆ، س. قۇرانبەك، ە. سۋلاروۆ شىعارىلدى.​

قازىرگى ۋاقىتتا مەملەكەت باسشىسىنىڭ «Egemen Qazaqstan» گازەتىنە بەرگەن سۇحباتىندا حابارلانعانداي كوكتەمدە وتەتىن ۇلتتىق قۇرىلتايدىڭ ءۇشىنشى وتىرىسىنا دايىندىق جۇمىستارى جۇرگىزىلۋدە.

فوتو: turkystan.kz

Abai.kz