كوكتەمگى ۋىلدىرىق شاشۋعا بايلانىستى سالىنعان قاتاڭ تىيىمدى ەسكەرمەي، زاڭسىز بالىق اۋلاعان براكونەرلەردەن 2 ميلليون 952 تەڭگە ايىپپۇل ءوندىرىلىپ الىندى، دەپ حابارلادى ىشكى ىستەر مينيسترلىگىنەن ولەگ يۆاشەنكو.
ۋىلدىرىق شاشۋ كەزىندە بالىق ۇستاۋ ۇلكەن كۇنا ەكەنىن بىلە تۇرا، قىناشا قىراتىن بالىقشىلار بولادى. كەيبىرەۋلەرى باعالى تۇقىمدى بالىقتى ۋىلدىرىعىن الۋ ءۇشىن اۋلايدى. وسى جولى جۇرگىزىلگەن رەيد بارىسىندا زاڭ بۇزۋشىلاردان 28 توننا بالىق، ونىڭ ىشىندە 1,8 توننادان استامى بەكىرە تۇقىمداس، 8 كەلى جۋىق ۋىلدىرىق، 879 بالىق اۋلاۋ قۇرالى، 55 ءجۇزۋ قۇرالى تاركىلەنگەن. قۇندى بالىقتار وسىرىلەتىن تەك قانا ورال-كاسپي باسسەينى اۋماعىندا جۇرگىزىلگەن «بەكىرە» جەدەل-پروفيلاكتيكالىق ءىس-شاراسى بارىسىندا اتىراۋ، ماڭعىستاۋ جانە باتىس قازاقستان وبلىستارىندا ىشكى ىستەر ورگاندارى زاڭسىز بالىق اۋلاۋ، بالىق ونىمدەرىن زاڭسىز ساتىپ الۋ، ساتۋ سياقتى 202 ءتارتىپ بۇزۋشىلىق انىقتالدى. كەلتىرىلگەن شىعىن 5 ميلليوننان استام تەڭگەنى قۇراعان ەكەن.

كوكتەمگى ۋىلدىرىق شاشۋعا بايلانىستى سالىنعان قاتاڭ تىيىمدى ەسكەرمەي، زاڭسىز بالىق اۋلاعان براكونەرلەردەن 2 ميلليون 952 تەڭگە ايىپپۇل ءوندىرىلىپ الىندى، دەپ حابارلادى ىشكى ىستەر مينيسترلىگىنەن ولەگ يۆاشەنكو.
ۋىلدىرىق شاشۋ كەزىندە بالىق ۇستاۋ ۇلكەن كۇنا ەكەنىن بىلە تۇرا، قىناشا قىراتىن بالىقشىلار بولادى. كەيبىرەۋلەرى باعالى تۇقىمدى بالىقتى ۋىلدىرىعىن الۋ ءۇشىن اۋلايدى. وسى جولى جۇرگىزىلگەن رەيد بارىسىندا زاڭ بۇزۋشىلاردان 28 توننا بالىق، ونىڭ ىشىندە 1,8 توننادان استامى بەكىرە تۇقىمداس، 8 كەلى جۋىق ۋىلدىرىق، 879 بالىق اۋلاۋ قۇرالى، 55 ءجۇزۋ قۇرالى تاركىلەنگەن. قۇندى بالىقتار وسىرىلەتىن تەك قانا ورال-كاسپي باسسەينى اۋماعىندا جۇرگىزىلگەن «بەكىرە» جەدەل-پروفيلاكتيكالىق ءىس-شاراسى بارىسىندا اتىراۋ، ماڭعىستاۋ جانە باتىس قازاقستان وبلىستارىندا ىشكى ىستەر ورگاندارى زاڭسىز بالىق اۋلاۋ، بالىق ونىمدەرىن زاڭسىز ساتىپ الۋ، ساتۋ سياقتى 202 ءتارتىپ بۇزۋشىلىق انىقتالدى. كەلتىرىلگەن شىعىن 5 ميلليوننان استام تەڭگەنى قۇراعان ەكەن.
– ىشكى ىستەر ورگاندارى بالىقتار ۋىلدىرىق شاشاتىن كەزەڭدە بەلسەندى براكونەرلىك ءىس-ارەكەت بايقالاتىنىن ەسكەرە وتىرىپ، اقمولا، الماتى، شىعىس قازاقستان، جامبىل، قاراعاندى، قىزىلوردا جانە وڭتۇستىك قازاقستان وبلىستارىنداعى جانە رەسپۋبليكانىڭ باسقا دا سۋ قويمالارىندا بالىق قورىن قورعاۋ بويىنشا وبلىسارالىق باسسەيندىك باسقارمالار قىزمەتكەرلەرىمەن بىرلەسكەن براكونەرلىككە قارسى رەيدتىك ءىس-شارالار جۇرگىزدى. اتالعان وبلىستاردا بالىق شارۋاشىلىعى سالاسى بويىنشا 895 زاڭ بۇزۋشىلىق ايقىندالدى، زاڭسىز بالىق اۋلاۋعا قاتىستى قىلمىستىق كودەكستىڭ 287-بابى بويىنشا 19 قىلمىستىق ءىس قوزعالدى، ال 183-بابى (زاڭسىز ساتىپ الۋ نەمەسە بالىقتى جانە ونىڭ ونىمدەرىن ساتۋ) بويىنشا 34 قىلمىستىق ءىس قوزعالدى. 830 براكونەر مەن زاڭ بۇزۋشىلار اكىمشىلىك جاۋاپكەرشىلىككە تارتىلدى. مىسالى، اتىراۋ وبلىسى ءىىد-ءنىڭ قىزمەتكەرلەرى «اتىراۋ-ورال» تاس جولىندا 5 توننا بەكىرە بالىعىن تيەگەن «كاماز-5320» اۆتوماشيناسىن ۇستادى. بۇلاردىڭ ءتيىستى قۇجاتتارى بولماعان. كاسپي تەڭىزىنىڭ جاعاسىندا بەكىرە تۇقىمداس بالىقتى زاڭسىز اۋلاعانى ءۇشىن فورت-شەۆچەنكو قالاسىنىڭ تۇرعىنى ۇستالدى، ودان 27 كەلى بەكىرە تۇقىمداس بالىق تابىلىپ، تاركىلەندى. شىعىس قازاقستان وبلىسىنىڭ كاتون-قاراعاي ءاىىب تابيعاتتى قورعاۋ پوليتسيا قىزمەتكەرلەرى رەيدتىك ءىس-شارا بارىسىندا «بۇقتىرما» وزەنىنىڭ جاعاسىنا قازاقستان رەسپۋبليكاسىنىڭ قىزىل كىتاپقا ەنگىزىلگەن «تايمەن» بالىعىن زاڭسىز اۋلاعان ءۇشىن كاتون اۋىلىنىڭ تۇرعىنىن ۇستادى. وسى فاكتىلەر بويىنشا قر قك 290-بابى بويىنشا (جانۋارلار مەن وسىمدىكتەردىڭ سيرەك كەزدەسەتىن جانە قۇرىپ كەتۋ قاۋپى تونگەن تۇرلەرىن زاڭسىز اۋلاۋ) قىلمىستىق ءىس قوزعالدى، – دەيدى ولەگ يۆاشەنكو.

قايىرجان تورەجان
«ايقىن» گازەتى 20 مامىر 2009 جىل