2024 جىلى، قاڭتار ايىنىڭ 22-ءى كۇنى تاربيە، الەۋمەتتىك جۇمىستار جانە جاستار ساياساتى دەپارتامەنتىنىڭ قولداۋىمەن، اباي اتىنداعى قازۇپۋ، ونەر، مادەنيەت جانە سپورت ينستيتۋتىنىڭ PhD دوكتورى، ديزاين كافەدراسىنىڭ پروفەسسورى، قر ديزاينەرلەر وداعىنىڭ مۇشەسى قۇرالاي ماراتقىزى مەن - اباي اتىنداعى قازۇپۋ، ونەر، مادەنيەت جانە سپورت ينستيتۋتىنىڭ اعا وقىتۋشىسى گۇلنۇر بەرىكبايقىزىنىڭ ۇيىمداستىرۋىمەن «شىعارماشىلىق جوبالاردى جاساۋ مەن جۇرگىزۋدىڭ ەرەكشەلىكتەرى» تاقىرىبىنا ارنالعان كەلەلى كەزدەسۋ ءوتتى.

كەزدەسۋ قوناعى - Kazakhstan Fashion Week ۇلتتىق ءسان اپتالىعىنىڭ اتقارۋشى ديرەكتورى، «Sabon&K» بايلانىس اگەنتتىگىنىڭ ديرەكتورى، kfw.kz رەداكتسياسىنىڭ مەڭگەرۋشىسى، تۇران ۋنيۆەرسيتەتىنىڭ وقىتۋشىسى بوتاگوز شايمۇراتقىزى بولدى.

شارا بارىسىندا بوتاگوز شايمۇراتقىزى: «جۋرناليست ماماندىعىن تاڭداعاندا، بۇل مەنىڭ سۇيىكتى ىسىممەن اينالىسۋعا مۇمكىندىك بەرەتىنىن ءبىلدىم. مەن ۇلكەن مەرەكەلەردى، ءىس-شارالاردى جۇرگىزگەندى جاقسى كورەمىن. ەفيرگە شىققاندى ۇناتامىن. بالا كەزىمنەن ساحناعا شىقتىم، ادامداردىڭ ومىرىندە باقىتتى ساتتەرى بولۋى ءۇشىن نە ىستەۋ كەرەكتىگىن بىلەمىن. بىراق مۇنىڭ ءبارى تاجىربيەمەن كەلدى. الدىمەن مەن ادامدارمەن مۇمكىندىگىنشە كوپ سويلەسكىم كەلدى جانە الەمدە بولىپ جاتقان بارلىق وقيعالاردان ۇنەمى حاباردار بولۋدى ويلادىم. سوندىقتان جۋرناليستيكا ماعان كەرەك ەكەنىن ءتۇسىندىم. ماعان ءوزىمدى راديوجۇرگىزۋشى رەتىندە سىناپ كورۋدى ۇسىندى، مەن كەلىستىم. وسىلايشا مەن باق-پەن بىرگە ءوسىپ، دامىدىم. جۋرناليستيكادان كەيىن ادامدارمەن قارىم-قاتىناس جاساي وتىرىپ، ءىس-شارالار ۇيىمداستىرۋ ارقىلى Kazakhstan Fashion Week-ءتى ۇيىمداستىرۋعا دوستارىمنان شاقىرتۋ الدىم»، - دەپ، ەڭبەك جولىمەن ءبولىستى.

سونىمەن قاتار، كەزدەسۋ اياسىندا شىعارماشىلىق جوبالاردى ۇيىمداستىرۋ، ولاردىڭ تاقىرىپتىق-يدەيالىق ەرەكشەلىگى، تاربيەلىك ءمانى، كوركەمدىك ىزدەنىسى توڭىرەگىندە دە ءسوز قوزعالدى. ناتيجەسىندە ستۋدەنتتەر ماڭىزدى اقپاراتتارعا قول جەتكىزىپ، قىزىقتىرعان سۇراقتارىنا جاۋاپ الدى.

Abai.kz