بولىستىق سايلاۋدا ابايعا قامشى ءتيدى. بۇل جايىندا تۇراعۇل بىلاي دەپ اشىنا دا تولعانا جازادى: «ءبىزدىڭ قازاق سورلى مانساپقا تالاسپاي جۇرە مە؟ 1898 جىلى سايلاۋ بولعاندا، بۇرىنعى مۇقىر اتانعان ەلدىڭ سايلاۋىنا مەنىڭ اكەم بارعان. ...مۇقىر بولىسىنىڭ ىشىندەگى مەنىڭ اكەمنىڭ تىلەۋلەستەرى ...جالىنىپ، جالپايىپ اپارعان.

اقىلى كوزىندە، ەلدىگى دە، جاۋلىعى دا قاس پەن كوزدىڭ اراسىندا تۇراتۇعىن سورلى قازاق، مەنىڭ اكەمدى كورگەن سوڭ، اكەمنىڭ دوسى جاققا قاراي اۋىسا باستاسا كەرەك. باستىعى ورازباي، جولداستارىمەن وسىنىڭ وزىنە قول تيگىزىپ ءبىر تاڭبا سالماساق، ەل ەسكى ادەتىمەن اۋا بەرەدى دەسىپ، ۋەزنويدىڭ قاسىندا اڭگىمەلەسىپ وتىرعان ابايعا قولدارىڭدى تيگىزىپ جانجال شىعارىڭدار دەپ جىبەرگەن. ...تاياق ءتيدى نە، تيمەدى نە، ايتەۋىر، «ابايدى ۇردىق!» دەگەن اتىن كوتەرىپ مۇراتىنا جەتتى».

ءسويتىپ، «اباي سابالدى، ابايدى جەڭدىك» دەگەن ءسوز قازاق دالاسىن شارلاپ كەتتى. سۇرىنگەنىن، جىعىلعانىن اڭساعاندار اقىرى مۇراتىنا جەتىپ تىندى.

اسان وماروۆ، ابايتانۋشى

Abai.kz