بۇرىنعى ادىلەت ءمينيسترى مارات بەكەتاەۆتىڭ قاماۋعا الۋ مەرزىمى 21 اقپانعا دەيىن ۇزارتىلدى، دەپ حابارلايدى Abai.kz استانا سوتىنىڭ ءباسپاسوز قىزمەتىنە سىلتەمە جاساپ.

«2024 جىلعى 12 قاڭتاردا استانا قالاسىنىڭ مامانداندىرىلعان اۋدانارالىق تەرگەۋ سوتى كۇدىكتى م.بەكەتاەۆقا قاتىستى قاماۋعا الۋ تۇرىندەگى بۇلتارتپاۋ شاراسىن 2024 جىلدىڭ 21 اقپانىنا دەيىن ۇزارتۋعا سانكتسيا بەردى» دەپ حابارلادى ەلوردا سوتىنىڭ ءباسپاسوز قىزمەتى.

ەستەرىڭىزگە سالا كەتەيىك، بەكەتاەۆ 21 قازاندا پرەزيدەنت قاسىم-جومارت توقاەۆ جاريالاعان زاڭسىز تاركىلەنگەن اكتيۆتەردى قايتارۋ ناۋقانى اياسىندا سىبايلاس جەمقورلىق ءىسى بويىنشا ۇستالعان بولاتىن. سونداي-اق، ول قاڭتار وقيعاسى بويىنشا كىنالى دەپ تانىلىپ، قازىر جازاسىن وتەپ جاتقان ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ماسىموۆكە جاقىن بولىپ سانالادى. كەيىن ونىڭ ەلدەن قاشپاق بولعان جەرىندە ۇستالعانى بەلگىلى بولدى.

23 قازاندا قازاقستان سىبايلاس جەمقورلىققا قارسى اگەنتتىگى دۇيسەنبى كۇنى بەكەتاەۆتىڭ ۇستالعانىن رەسمي تۇردە راستادى. سول كۇنى ەكس-ءمينيستردىڭ ەكى اي مەرزىمگە قاماۋعا الىنعانى بەلگىلى بولدى.

داريعا ەرجانقىزى

Abai.kz