مەملەكەتتىك دۋما بىرقاتار باپتار بويىنشا سوتتالعانداردىڭ مۇلكىن تاركىلەۋ جونىندەگى زاڭ جوباسىن بىردەن ەكىنشى جانە ءۇشىنشى وقىلىمدا ماقۇلدادى.

قۇجاتتا "ورىس ارمياسى تۋرالى فەيك تاراتۋ", "اسكەردەن قاشۋ", "اسكەري بۇيرىقتى اتقارۋدان باس تارتۋ" جانە "لايىقسىز ۇيىمداردىڭ جۇمىسىنا قاتىسۋ" سەكىلدى باپتار بويىنشا سوتتالعانداردىڭ مۇلكىن تاركىلەۋ جانە بارلىق اتاقتارىنان ايىرۋ جونىندە جازىلعان. بۇل باپتىڭ كوبى رەسەي ۋكرايناعا شابۋىل جاساعاننان كەيىن ەنگىزىلدى.

مەملەكەتتىك دۋما توراعاسى ۆياچەسلاۆ ءۆولوديننىڭ سوزىنشە، قابىلدانعان شەشىم ء"وز ەلىنە قارسى جۇمىس ىستەپ جاتقانداردى جازالاپ، اتاعىن، مۇلكىن، قاراجاتىن جانە باسقا بايلىقتارىنان ايىرۋعا مۇمكىندىك بەرەدى".

رەسەي سوتتارى ۋكرايناداعى سوعىس تۋرالى قورعانىس مينيسترلىگىنىڭ رەسمي مالىمەتىنە سايكەس كەلمەگەن اقپاراتتاردى فەيك دەپ ەسەپتەپ، مۇنداي مالىمەت تاراتقانداردى ەركىنەن ايىرىپ كەلەدى.

"وۆد-ينفونىڭ" مالىمەتىنە سايكەس، رەسەيدە سوعىسقا قارسى ۇستانىمى ءۇشىن 830 ادامعا قىلمىستىق ءىس قوزعاعان. ولاردىڭ كەم دەگەندە 250-نە "رەسەي ارمياسى تۋرالى فەيك تاراتۋ" بابىمەن ايىپتارعا تاعىلعان.

فوتو: ANADOLU AGENCY

Abai.kz