باقىتجان ساعىنتاەۆ ەۋرازيالىق ەكونوميكالىق كوميسسيا (ەەك) القاسىنىڭ توراعاسى قىزمەتىنە كىرىستى، دەپ حابارلايدى Qaz365.kz.

كوميسسيانىڭ ءباسپاسوز قىزمەتى مالىمەتىنشە، 1 اقپاندا سانكت-پەتەربۋرگتە 25 جەلتوقساندا جوعارى ەۋرازيالىق ەكونوميكالىق كەڭەستىڭ وتىرىسىندا ەۋرازيالىق ەكونوميكالىق وداق مەملەكەتتەرىنىڭ باسشىلارى بەكىتكەن ەۋرازيالىق ەكونوميكالىق كوميسسيا القاسىنىڭ جاڭا قۇرامى جۇمىسقا كىرىستى.

«بۇگىننەن باستاپ ەەك القاسىنىڭ توراعاسى – قازاقستان رەسپۋبليكاسىنىڭ وكىلى باقىتجان ساعىنتاەۆ»، – دەلىنگەن حابارلامادا.

ايتا كەتەيىك، باقىتجان ساعىنتاەۆ 2022 جىلدىڭ 1 ماۋسىمىنان باستاپ ەۋرازيالىق ەكونوميكالىق كوميسسيا القاسىنىڭ مۇشەسى (مينيستر) قىزمەتىن اتقاردى.

فوتو: ەگەمەن قازاقستان

Abai.kz