بۇگىنگى تاڭدا الماتى وبلىسى بالقاش كولىنىڭ اۋماعىنداعى سۋ قويمالارىندا بالىق اۋلاۋمەن اينالىساتىن 73 تەلىمدە تەك 3 زاۋىت قانا ناقتى جۇمىس ىستەپ تۇر. وزگەلەرى اۋماقتى جالعا بەرۋمەن عانا اينالىسادى. بۇل جاعداي، تۇپتەپ كەلگەندە، بالىق اۋلاۋعا بەرىلەتىن ءليميتتى الۋدا كوپ قيىندىق تۋدىرىپ وتىر.

 اتالعان ماسەلە جايلى، «قازاگرو» ۇبح» اق باعدارلامالارىن جۇزەگە اسىرۋ جانە الماتى قالاسىنىڭ اينالاسىنداعى ازىق-تۇلىك بەلدەۋى اياسىندا ينۆەستيتسيالىق جوبالاردى قارجىلاندىرۋ تۇيتكىلدەرى بويىنشا كاسىپكەرلەرمەن وتكەن كەڭەستە، «باقاناس» اۋىلدىق تۇتىنۋ كووپەراتيۆىنىڭ  توراعاسى ومىرزاق سارسەنوۆ جەتكىزدى. جيىنعا الماتى قالاسىنىڭ اكىمى احمەتجان ەسىموۆ، قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ جانە اۋىل شارۋاشىلىعى ءمينيسترى اسىلجان مامىتبەكوۆ قاتىستى.

بۇگىنگى تاڭدا الماتى وبلىسى بالقاش كولىنىڭ اۋماعىنداعى سۋ قويمالارىندا بالىق اۋلاۋمەن اينالىساتىن 73 تەلىمدە تەك 3 زاۋىت قانا ناقتى جۇمىس ىستەپ تۇر. وزگەلەرى اۋماقتى جالعا بەرۋمەن عانا اينالىسادى. بۇل جاعداي، تۇپتەپ كەلگەندە، بالىق اۋلاۋعا بەرىلەتىن ءليميتتى الۋدا كوپ قيىندىق تۋدىرىپ وتىر.

 اتالعان ماسەلە جايلى، «قازاگرو» ۇبح» اق باعدارلامالارىن جۇزەگە اسىرۋ جانە الماتى قالاسىنىڭ اينالاسىنداعى ازىق-تۇلىك بەلدەۋى اياسىندا ينۆەستيتسيالىق جوبالاردى قارجىلاندىرۋ تۇيتكىلدەرى بويىنشا كاسىپكەرلەرمەن وتكەن كەڭەستە، «باقاناس» اۋىلدىق تۇتىنۋ كووپەراتيۆىنىڭ  توراعاسى ومىرزاق سارسەنوۆ جەتكىزدى. جيىنعا الماتى قالاسىنىڭ اكىمى احمەتجان ەسىموۆ، قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى باقىتجان ساعىنتاەۆ جانە اۋىل شارۋاشىلىعى ءمينيسترى اسىلجان مامىتبەكوۆ قاتىستى.

ومىرزاق سارسەنۇلىنىڭ سوزىنە سۇيەنسەك، اتالعان تەلىمدەردىڭ كوپتىگىنەن، قر قورشاعان ورتا جانە سۋ رەسۋرستارى مينيسترلىگىنەن بالىق اۋلاۋعا بولىنەتىن ليميت بارلىعىنا تەڭ بەرىلەدى. «سونىڭ سالدارىنان ناقتى جۇمىس ىستەپ تۇرعان ءبىزدىڭ زاۋىتتىڭ ۇلەسىنە 100 ليميت قانا تيەدى»، – دەيدى كووپەراتيۆ توراعاسى. ايتۋىنشا، بالقاش اۋدانىنداعى كووپەراتيۆ جۇمىسىنىڭ اياقتان تۇرۋىنا «اگرارلىق نەسيە كورپوراتسياسى» اق بەرگەن نەسيە ەداۋىر كومەك بولعان. «مەنىڭ كەپىلگە قويعان مۇلىكتەرىم مەن ءتيىستى قۇجاتتارىمدى قاراعان كورپوراتسيا وكىلدەرى جىلدام ءارى ازعانا ۋاقىت ىشىندە نەسيە الۋعا كومەك بەردى»، – دەپ اتاپ ءوتتى ومىرزاق سارسەنوۆ. العان نەسيەگە كووپەراتيۆ گەرمانيالىق بالىق ونىمدەرىن وڭدەۋمەن اينالىساتىن ارنايى قۇرال-جابدىق، توڭازتقىشتار ساتىپ العان. بۇگىندە بالقاشتاعى سۋ قويمالارىنان سازان، كوكسەركە، جايىن سەكىلدى بالىقتاردى اۋلاپ جانە ونى وڭدەۋمەن اينالىساتىن زاۋىت جىلىنا 1000 توننا بالىق وندىرەدى. «ءبىز اۋلانعان بالىقتاردى الماتى قالاسىنداعى ساۋدا نۇكتەلەرى ارقىلى ساۋداعا شىعارىپ، ايماقتاعى ازىق-تۇلىك بەلدەۋىن دامىتۋعا ءوز ۇلەسىمىزدى قوسىپ وتىرمىز»، – دەپ تۇيىندەدى كووپەرەتيۆ توراعاسى.

Abai.kz