الماتىدا توپىراقتىڭ لايلانۋى ساپدارىنان تەحنوگەندىك سيپاتتاعى لاي كوشكىنى ءجۇردى، - دەپ حابارلايدى Abai.kz ءتىلشىسى.

وقيعا ورنىنا قالا اكىمى ەربولات دوساەۆ بارىپ، بۇلىنگەن عيماراتتاردى ارالاپ، شۇعىل كوشپەلى كەڭەس وتكىزدى.

"باستى باسىمدىق - ىزدەۋ-قۇتقارۋ جۇمىستارى. الدىن الا اقپارات بويىنشا ۇيدە تۇراتىن ادامداردى ىزدەۋ بويىنشا بارلىق جۇمىلدىرۋ توپتارىنىڭ جۇمىسىن ۇزدىكسىز قامتاماسىز ەتۋ قاجەت", - دەدى ەربولات دوساەۆ.

لاي كوشكىنى 4 ادامنان تۇراتىن وتباسىنىڭ ءۇيىن باسىپ قالعان. اۋدان اكىمى وقيعا ورنىنان ءبىر ادامنىڭ ءمايىتى تابىلعانىن جەتكىزدى.

"شىنىمەن دە، ونداي اقپارات بار. ەكى بالا اۋداندىق 8-مەكتەپتە وقىعان بولاتىن. 16 جاستاعى بالالار. مەكتەپ ديرەكتورى وسىندا. بۇگىن مەكتەپكە كەلمەدى. اناسىمەن، وگەي اكەسىمەن. قازىر ءبىر ادام تابىلدى. قالعاندارىن ىزدەستىرۋ جۇمىستارى جالعاستىرىپ جاتىر", - دەدى اكىم.

فوتو: الماتى اكىمدىگىنىڭ ءباسپاسوز قىزمەتى

Abai.kz