وبلىستىق دەنساۋلىق ساقتاۋ باسقارماسىندا قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسىنىڭ جانە قر پرەزيدەنتى نۇرسۇلتان نازارباەۆتىڭ «قازاقستان-2050» ستراتەگياسى–قالىپتاسقان مەملەكەتتىڭ جاڭا ساياسي باعىتى» اتتى حالىققا جولداۋىن جۇزەگە اسىرۋ ماقساتىندا وبلىس اكىمدىگى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى ايماقتىق كوميسسيانىڭ شەشىمىمەن قوعامدىق كەڭەس قۇرىلىپ، جۇمىس جۇرگىزۋدە.
وتكەن جىلى قۇرىلعان قوعام-دىق كەڭەستە ەمدەۋ-ساۋىقتىرۋ مەكەمەلەرىندە سىبايلاس جەمقورلىقتىڭ الدىن الۋ ماقساتىندا اتقارىلعان جۇمىستار قارالعان بەس ءماجىلىس وتكىزىلدى. قوعامدىق كەڭەس قۇرامىنا وبلىس اكىمدىگىنەن، قۇقىق قورعاۋ ورگاندارىنان مۇشەلەر ەنگىزىلگەن. وبلىستىق ەمدەۋ ساۋىقتىرۋ مەكەمەلەرى باسشىلارىنىڭ قاتىسۋىمەن وبلىستىق اۋرۋحانانىڭ بولىمشەلەرىندە تەكسەرۋ جۇرگىزىپ، زاڭ بۇزۋشىلىقتى بولدىرماۋ، بيۋدجەت قارجىسىن ماقساتتى پايدالانۋ، مەزگىلىندە يگەرۋ، تاعى وسىنداي ماسەلەلەرگە ەرەكشە ءمان بەرىلەدى.

وبلىستىق دەنساۋلىق ساقتاۋ باسقارماسىندا قازاقستان رەسپۋبليكاسىنىڭ دەنساۋلىق ساقتاۋ سالاسىن دامىتۋدىڭ 2011-2015 جىلدارعا ارنالعان «سالاماتتى قازاقستان» مەملەكەتتىك باعدارلاماسىنىڭ جانە قر پرەزيدەنتى نۇرسۇلتان نازارباەۆتىڭ «قازاقستان-2050» ستراتەگياسى–قالىپتاسقان مەملەكەتتىڭ جاڭا ساياسي باعىتى» اتتى حالىققا جولداۋىن جۇزەگە اسىرۋ ماقساتىندا وبلىس اكىمدىگى جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى ايماقتىق كوميسسيانىڭ شەشىمىمەن قوعامدىق كەڭەس قۇرىلىپ، جۇمىس جۇرگىزۋدە.
وتكەن جىلى قۇرىلعان قوعام-دىق كەڭەستە ەمدەۋ-ساۋىقتىرۋ مەكەمەلەرىندە سىبايلاس جەمقورلىقتىڭ الدىن الۋ ماقساتىندا اتقارىلعان جۇمىستار قارالعان بەس ءماجىلىس وتكىزىلدى. قوعامدىق كەڭەس قۇرامىنا وبلىس اكىمدىگىنەن، قۇقىق قورعاۋ ورگاندارىنان مۇشەلەر ەنگىزىلگەن. وبلىستىق ەمدەۋ ساۋىقتىرۋ مەكەمەلەرى باسشىلارىنىڭ قاتىسۋىمەن وبلىستىق اۋرۋحانانىڭ بولىمشەلەرىندە تەكسەرۋ جۇرگىزىپ، زاڭ بۇزۋشىلىقتى بولدىرماۋ، بيۋدجەت قارجىسىن ماقساتتى پايدالانۋ، مەزگىلىندە يگەرۋ، تاعى وسىنداي ماسەلەلەرگە ەرەكشە ءمان بەرىلەدى.
بىرىڭعاي دەنساۋلىق ساقتاۋ جۇيەسىنە كوشۋگە بايلانىستى مەديتسينالىق قىزمەت كورسەتۋ سالاسىندا سىبايلاس جەمقورلىققا جول بەرمەۋ ماقساتىندا جەمقورلىقپەن كۇرەس جۇمىستارى جۇيەلى تۇردە جالعاسا بەرمەك. جاقىندا مۇنىڭ ءبىر كورىنىسى ىسپەتتى بولعان شارا ۇيىمداستىرىلدى. «دەنساۋلىق ساقتاۋ سالاسىنداعى سىبايلاس جەمقورلىقتىڭ الدىن الۋ» باعىتىنداعى الەۋمەتتىك تاپسىرىستى جەڭىپ العان «تەنگري» جاستار قوعامدىق قورى وبلىستىق اۋرۋحانادا اتالمىش جوبانىڭ تانىستىرىلىمىن وتكىزدى.
– سىبايلاس جەمقورلىق – ەلىمىزدىڭ ەكونوميكالىق دامۋىنا دا، ازاماتتاردىڭ مورالدىق جاعدايىنا دا كەرى اسەر ەتەتىن پروبلەما، - دەيدى قور ءتورايىمى جاننا الماكاەۆا. - ءبىزدىڭ ەلىمىزدە دە بۇل ماسەلە وتە وتكىر بوپ تۇر. وتكەن جىلى «تەنگري» قورى جۇرگىزگەن الەۋمەتتىك ساۋالناما قورىتىندىسىندا وبلىس ورتالىعى تۇرعىندارىنىڭ 49,6% اقتاۋدا دا جەمقورلىق كورسەتكىشى جوعارى ەكەندىگىن بايقاتتى. ال 40,8% ورتاشا دەڭگەيدە ەكەندىگىن ايتقان بولاتىن. مەنىڭشە، ولاردىڭ بارلىعى سىبايلاس جەمقورلىق جاعدايلارىنا تاپ بولعاندار. سونداي-اق ولاردىڭ كورسەتۋلەرىنە قاراعاندا، جەمقورلىقتىڭ 18,3% دەنساۋلىق ساقتاۋ سالاسىنا ءتيىستى. ءبىز وبلىس اۋماعىنداعى كوپتەگەن مەديتسينالىق مەكەمەلەردە ساۋالناما جۇرگىزۋدى باستادىق. وسى ساۋالنامانىڭ قورىتىندىسى بويىنشا «سىبايلاس جەمقورلىقسىز ۇزدىك مەديتسينالىق مەكەمە» بايقاۋىنىڭ جەڭىمپازىن انىقتاپ، جىل اياعىندا ماراپاتتاماقپىز. بۇل شارا وزگە مەديتسينالىق مەكەمەلەردى دە ىنتالاندىرادى دەپ سەنەمىز. سىبايلاس جەمقورلىققا قارسى بۇدان دا باسقا ءىس-شارالارىمىز از ەمەس. جوبا اياسىندا قۇقىق قورعاۋ ورگاندارى، قوعامدىق كەڭەستەر، ەمدەۋ-ساۋىقتىرۋ مەكەمەلەرى وكىلدەرىنىڭ قاتىسۋىمەن كەزدەسۋلەر، دوڭگەلەك ۇستەلدەر وتكىزۋدى جوسپارلاپ وتىرمىز.
جوبا تانىستىرىلىمى بارىسىندا قوعامدىق قور وكىلدەرى ناۋقاستارمەن كەزدەسىپ، مەديتسينالىق كومەكتىڭ ساپاسى جونىندە ساۋالناما جۇرگىزدى. ال ونىڭ ناتيجەسى وزگە مەديتسينالىق مەكەمەلەردە ءوتىپ جاتقان ساۋالنامالارمەن بىرگە انىقتالماق.
Abai.kz