مەملەكەتكە 72 ملرد تەڭگە زيان كەلتىرگەن اتىراۋ وبلىسىنىڭ ەكس-اكىمى بەرگەي رىسقاليەۆتىڭ نەگە ۇستالماي جۇرگەنى انىقتالدى. ول تۋرالى باس پروكۋروردىڭ ورىنباسارى اسەت شىنداليەۆ ايتتى.

"بەرگەي رىسقاليەۆكە سىرتتاي شىعارىلعان سوت ۇكىمى بار. وكىنىشكە قاراي، بىزدە لوندونمەن سوتتالعانداردى بەرۋ جانە الماسۋ تۋرالى كەلىسىم جوق. ءبىزدىڭ قۇقىق قورعاۋ ورگاندارى ءتيىستى كەلىسىم بولماسا، ەشتەڭە ىستەي المايدى", - دەدى شىنداليەۆ.

بەرگەي رىسقاليەۆ 2006 جىلى اتىراۋ وبلىسىنىڭ اكىمى قىزمەتىنە كىرىسىپ، ۇيىمداسقان قىلمىستىق توپ قۇرىپ، العاشقى كۇننەن-اق گازداندىرۋ، ەلەكترلەندىرۋ، سۋمەن جابدىقتاۋ نىساندارىن سالۋ، سونداي-اق تۇرعىن ۇيلەردى سالۋ كەزىندە اقشا ۇرلاي باستاعان. عيماراتتار، كوپىرلەر، اعىندى سۋلاردى تازارتۋ قوندىرعىلارى جانە ت.ب. مەملەكەتكە كەلتىرىلگەن جالپى شىعىن 72 ملرد تەڭگە بولدى.

Abai.kz