پاۆلودار وبلىسىنىڭ بۇرىنعى اكىمى بولات باقاۋوۆ پاۆلودار قالاسىندا “اناعا تاعزىم” ەسكەرتكىشىن ورناتۋدى تاعى دا ۇسىندى، دەپ حابارلايدى Dalanews.kz.

ول الەۋمەتتىك جەلىدەگى جازباسىندا بۇعان دەيىن ايتقان ۇسىنىس قايتادان ورتاعا سالدى.

“قازاقتا “اناڭدى ءۇش رەت مەككەگە ارقالاپ اپارساڭ دا، پارىزىڭنان قۇتىلمايسىڭ” دەگەن دانالىق ءسوزى بار. بۇنىڭ استارىندا تەرەڭ ماعىنا جاتىر. انا ءسابيىن دۇنيەگە اكەلىپ، ءتۇن ۇيقىسىن ءتورت ءبولىپ ءوسىرىپ، وعان تاربيە، ءبىلىم بەرىپ، ۇيادان ۇشقانشا بۇكىل ماحابباتىن سىيلايدى.

انالارىمىز اشتىق، سوعىس، توقىراۋ جىلدارىندا كوپ قيىندىق كوردى. باسقا كۇن تۋعاندا ەرلەرىنە قولداۋ بولىپ، تىڭباي ەڭبەكتەنىپ، بالا-شاعاسىڭ اسىرادى. انالارىمىزدىڭ ارقاسىندا قازىر ەر جەتىپ، ءبىلىم الىپ، ادام بولدىق. ەندى ءبىز انالارىمىزعا تاعزىم ەتىپ، ولاردىڭ اق ءسۇتىن اقتاۋ - پارىزىمىز”، - دەپ جازدى ەكس-اكىم.

ايتۋىنشا، بۇل جوسپار كوپتەن بەرى ويىندا بولعان. ءتىپتى ايماقتىڭ زيالى قاۋىمدارى دا قولداۋ كورسەتكەن كورىنەدى.

“وسىدان بىرنەشە جىل بۇرىن پاۆلودار قالاسىنىڭ ورتالىعىندا بارشا انالارعا ارناپ “اناعا تاعزىم” اتتى ەسكەرتكىش ورناتۋ جوسپارىمدا بار بولاتىن. ايماقتىڭ بۇكىل زيالى قاۋىمى وسى ويىمدى قۇپتاپ، قولداۋ كورسەتكەن ەدى. ەسكەرتكىشتىڭ جوباسىن ءمۇسىنشى اسقار نارتوۆ دايىنداپ ۇلگەردى.  بۇل جاقسى ءىستى تاعى ءبىر مارتە كوتەرگەندى ءجون دەپ سانادىم. قالانىڭ ادەمى ساياباعىندا دەمەۋشىلىك قاراجاتقا انالارىمىزعا ارناپ ەسكەرتكىش ورناتۋ قاجەت. بىرىنشىدەن بۇل ارقىلى اناعا قۇرمەت، ءىلتيپات بىلدىرەمىز، ەكىنشىدەن وسكەلەڭ ۇرپاققا دۇرىس ءتالىم-تاربيە بەرەمىز. ەسكەرتكىش انانى قۇرمەتتەۋ، سىيلاۋ ۇلگىسى بولسىن دەگەن ويىم بار”، - دەدى بولات باقاۋوۆ.

ەستەرىڭىزگە سالا كەتەيىك، 2020 جىلدىڭ مامىر ايىندا پاۆلودار وبلىسىنىڭ ەكس-اكىمى بولات باقاۋوۆ اۋىر زارداپتارعا اكەپ سوققان لاۋازىمدىق وكىلەتتىگىن اسىرا پايدالانعانى ءۇشىن 3,5 جىلعا باس بوستاندىعىن شەكتەۋ جازاسىنا كەسىلگەن بولاتىن. بۇرىنعى شەنەۋنىك تەرگەۋمەن مامىلەگە كەلگەن.

Abai.kz