ەربولات دوساەۆ: ەرەكشە قاجەتتىلىگى بار ازاماتتاردى الەۋمەتتىك قولداۋ — ەرەكشە باقىلاۋدا. 

قالا اكىمى ەربولات دوساەۆ قالانىڭ ينكليۋزيۆتى ورتاسىن دامىتۋ جونىندەگى كەڭەستىڭ I وتىرىسىن وتكىزدى. جيىندا الەۋمەتتىك قورعاۋ جۇيەسىن جەتىلدىرۋ، قولجەتىمدى ورتا قۇرۋ مەن ەرەكشە قاجەتتىلىگى بار الماتىلىقتاردى قولداۋ ماسەلەلەرى قارالدى.

كەڭەسكە مۇمكىندىگى شەكتەۋلى ادامداردىڭ قۇقىعىن قورعاۋ سالاسىنداعى قوعامدىق بىرلەستىكتەردىڭ وكىلدەرى ەندى كەڭەس توراعاسى قالا اكىمى ەربولات دوساەۆ، توراعانىڭ ورىنباسارلارى – اسەم ءنۇسىپوۆا مەن اكىمنىڭ ينكليۋزيا ماسەلەلەرى جونىندەگى شتاتتان تىس كەڭەسشىسى قاسيەت وماروۆا بولىپ تابىلادى.

كەزدەسۋدە كەڭەس قاتىسۋشىلارى مۇمكىندىگى شەكتەۋلى جانداردى الەۋمەتتىك قورعاۋ، الماتىنىڭ 2025 جىلعا دەيىنگى دامۋ باعدارلاماسىنىڭ جول كارتاسى مەن 2030 جىلعا دەيىنگى ورتا مەرزىمدى پەرسپەكتيۆالاردى ىسكە اسىرۋ كەزىندە ينكليۋزيۆتى تاسىلدەردى قامتاماسىز ەتۋ، سونداي-اق الەۋمەتتىك قورعاۋ جۇيەسىندەگى وزگەرىستەر ماسەلەلەرىن قارادى.

«بۇگىندە الماتىدا ەرەكشە قاجەتتىلىگى بار 58 مىڭنان استام ادام تۇرادى. ونىڭ 9 مىڭى — ءبىزدىڭ بالالارىمىز. ءاربىر ازاماتتىڭ ەركىن دامۋىنا، وقۋعا، جۇمىس ىستەۋىنە جانە سۇيىكتى قالامىزدىڭ دامۋىنا ءوز ۇلەسىن قوسۋعا مۇمكىندىگى بولا وتىرىپ، ءوزىن قوعامنىڭ تولىققاندى مۇشەسى رەتىندە سەزىنۋى ماڭىزدى»، — دەدى ەربولات دوساەۆ.

قالا اكىمى ينكليۋزيا بويىنشا بەلسەندى جۇمىس وتكەن جىلى باستالعانىن اتاپ ءوتتى. قازىر اكىمدىك باسقارمالارى مەن ۇەۇ قاتىسۋشىلارىنان جينالعان اقپاراتتى ناقتىلاۋ جۇرگىزىلۋدە. كەڭەس قالالىق ورتانى جاقسارتۋ مەن قولداۋ شارالارىنىڭ تيىمدىلىگىن ارتتىرۋ بويىنشا ناقتى ۇسىنىستاردى ىسكە اسىرۋ جونىندەگى جۇمىس ورگانىنا اينالادى.

«ءبىزدىڭ ورتاق مىندەتىمىز — بارلىق كۇش-جىگەردى، ءبىلىم مەن مۇمكىندىكتەردى ينكليۋزيا ماسەلەلەرىن شەشۋگە باعىتتاۋ. سوندا ءبىز قالادا كوپ نارسەنى وزگەرتە الامىز ءارى ەرەكشە قاجەتتىلىگى بار قالا تۇرعىندارى ءۇشىن تەڭ جاعداي جاساي الامىز»، — دەپ اتاپ ءوتتى قالا اكىمى.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى

كەدەرگىسىز ورتا قۇرۋ جانە مۇمكىندىگى شەكتەۋلى تۇرعىنداردىڭ ۇتقىرلىعىن ارتتىرۋ ءۇشىن وتكەن جىلى الماتىدا العاش رەت 7,5 مىڭ ينفراقۇرىلىم نىساندارىنا پاسپورتتاۋ جۇرگىزىلدى. بيىل تاعى 15 مىڭ نىساندى زەرتتەۋ جوسپارلانۋدا. بيىل مۇمكىندىگى شەكتەۋلى جانداردىڭ قاجەتتىلىكتەرىنە 750 نىساندى بەيىمدەۋ جوسپارلانۋدا.

مەگاپوليس باسشىسى وكىلەتتىكتەردى ورتالىقسىزداندىرۋ اياسىندا اۋدان اكىمدىكتەرىنە قاجەتتى قاراجات، ونىڭ ىشىندە ينفراقۇرىلىمدى جەتىلدىرۋگە بولىنگەنىن اتاپ ءوتتى.

سۋرەت الماتى قالاسى اكىمدىگىنىڭ ءباسپاسوز قىزمەتىنەن الىندى

جيىنعا قاتىسۋشىلار كەڭەستىڭ بيىلعا ارنالعان جۇمىس جوسپارىن تالقىلادى. وعان مەديتسينالىق قىزمەتتەردىڭ قولجەتىمدىلىگى; ينكليۋزيۆتى ءبىلىم بەرۋ مەن سپورت ماسەلەلەرى كىرەدى. سونىمەن قاتار، كەڭەس مۇشەلەرى قالالىق ينفراقۇرىلىم نىساندارىنىڭ قولجەتىمدىلىگىن زەرتتەۋدى جالعاستىرادى، ينكليۋزيۆتى تۋريزم مەن قوعامدا ينكليۋزيۆتى مادەنيەتتى قالىپتاستىرۋ ماسەلەلەرىن زەرتتەيدى.

«ءبىزدىڭ جۇمىسىمىزدىڭ باستى قاعيداتى — ينكليۋزيۆتى قوعامدى قالىپتاستىرۋ يگىلىگى ءۇشىن كەڭەستىڭ ءاربىر مۇشەسىنىڭ اتسالىسۋى، كونسترۋكتيۆتىلىگى ءارى تيىمدىلىگى. مۇمكىندىكتەردى پايدالانۋعا جانە وكىلەتتىكتەردى عانا ەمەس، سونىمەن قاتار قالا تۇرعىندارىنىڭ الدىندا دامۋ، وقۋ، جۇمىس ءۇشىن تەڭ جاعداي جاساۋ جاۋاپكەرشىلىگىن بولۋگە شاقىرامىن. ءاربىر قالا تۇرعىنى الماتىنىڭ وركەندەۋىنە ءوز ۇلەسىن قوسۋ ءۇشىن ءوزىن-ءوزى جۇزەگە اسىرا الۋى ءتيىس», — دەپ قورىتىندىلادى ءسوزىن ەربولات دوساەۆ.

Abai.kz