ءال-فارابي اتىنداعى قازاق ۇلتتىق ۋنيۆەرسيتەتى – قازاقستاننىڭ جەتەكشى كلاسسيكالىق ۋنيۆەرسيتەتى مارتەبەسىنە يە،قازاقستاندا  بىلىم مەن عىلىمنىڭ ءىرى ورتالىعى، يننوۆاتسيالىق دامۋىنىڭ ۇلتتىق كوشباسشىسى. قازۇۋ-دى ەلىمىزدىڭ بارلىق جوعارى ءبىلىم بەرۋ جۇيەسىنىڭ تىرەگى، بىلىكتى ماماندار ورداسى دەۋگە بولادى. قازۇۋ - سىيلاستىق پەن شىنايى دوستىقتىڭ مەكەنى، وتە اۋقىمدى ءبىلىم ورداسى. قازۇۋ - تالانتتى جانە دارىندى جاستاردىڭ باسىن قوساتىن قۇتتى مەكەن. قازۇۋ - ستۋدەنتتەردىڭ تۇلعالىق دامۋىنا زور اسەرىن تيگىزەتىن، جان جاقتى قابىلەتتەرىن اشاتىن مۇمكىندىكتەر مەكەنى. مۇندا وقۋعا تۇسكەن ستۋدەنت ءوزىن بارلىق جاعىنان دامىتۋعا تولىق جاعداي جاسالعان.  ۋنيۆەرسيتەت اۋماعىندا: ءو.ا.جولداسبەكوۆ اتىنداعى ستۋدەنتتەر سارايى، عىلىمي كىتاپحانا، ينتەرنەت ورتالىعى، سپورت كەشەنى مەن ستاديون، سونداي-اق «كەرەمەت» ستۋدەنتتەرگە قىزمەت كورسەتۋ ورتالىعى ورنالاسقان. سونىمەن قاتار، «سۇڭقار» ستۋدەنتتەر مەن ماگيسترانتتار كاسىپوداعىنىڭ قوعامدىق بىرلەستىگى, «ستۋدەنتتەر كەڭەسى»، «ستۋدەنتتەر سەناتى»، «كومەك ۇيىمى»، «قۇقىقتىق ءتارتىپ ساقتاۋ جاساعى» سىندى ءتۇرلى ۇيىمدار بار.

    قازۇۋ زاڭ فاكۋلتەتى وقۋ وردامىزدىڭ ستۋدەنتتەرىن ارقاشان قولدايدى.ءبىلىم بەرۋ باعدارلامالارى بويىنشا مامان دايارلاۋ جوعارى بىلىكتى پروفەسسورلار مەن وقىتۋشىلار ارقىلى جۇزەگە اسىرىلادى. فاكۋلتەتتە ستۋدەنتتەردىڭ شىعارماشىلىق الەۋەتىن ىسكە اسىرۋ ءۇشىن بارلىق جاعداي جاسالعان. كافەدرالاردا ستۋدەنتتىك عىلىمي ۇيىرمەلەر جۇمىس ىستەيدى. فاكۋلتەت ستۋدەنتتەرى جىل سايىن ۋنيۆەرسيتەتتە وتكىزىلەتىن عىلىمي-پراكتيكالىق كونفەرەنتسيالارعا، سونداي-اق رەسپۋبليكالىق جانە ايماقتىق كونفەرەنتسيالارعا، وليمپيادالارعا، كونكۋرستارعا بەلسەندى قاتىسادى. ۋنيۆەرسيتەتىمىز  سىيلاستىق پەن شىنايى دوستىقتىڭ مەكەنى، وتە اۋقىمدى ءبىلىم ورداسى،تالانتتى جانە دارىندى جاستاردىڭ باسىن قوساتىن قۇتتى مەكەن.

قارا شاڭىراق اتانعان قازۇۋ - ستۋدەنتتەردىڭ تۇلعالىق دامۋىنا زور اسەرىن تيگىزەتىن، جان-جاقتى قابىلەتتەرىن اشاتىن،مادەني مۇرالار  مەكەنى. سونىڭ ءبىرى-قازۇۋ مۋزەيى. مۋزەي قايتا جوندەۋدەن كەيىن 2013 جىلدىڭ 13 ءساۋىر كۇنى ۋنيۆەرسيتەتىمىزدىڭ عىلىمي كىتاپحاناسىمەن بىرگە سالتاناتتى تۇردە اشىلعان ەدى.مۋزەي تاريح گالەرەياسى، داڭق زالى، ۋنيۆەرسيتەتتىڭ تۇراقتى دامۋى اتتى 3 زالىندا ۋنيۆەرسيتەتتىڭ قۇرىلۋ تاريحى 120 ۆيترينالاردا جۇيەلى جيناقتالىپ، 5 مىڭنان استام تاريحي قۇندى جانە سيرەك كەزدەسەتىن قۇجاتتار مۇراجاي ەكسپوناتتارى ار­قىلى كورسەتىلگەن. مۋزەيدىڭ نەگىزگى مازمۇندىق قۇرىلىمى – ديورامدىق كەشەندەرى مەن جايماسورەلەرى تاقىرىپتىق ەكسپوزيتسيالارعا بولىنگەن. ولار: «كونە وتىرار – ەستەلىكتەر قازىناسى. ءال-ءفارابيدىڭ جاستىق شاعى»; «ۇلى جىبەك جولى بويىمەن»; «ءال-فارابي. شىعىس پەن باتىس سۇحباتى»; «ءال-فارابي ەڭبەكتەرى – ادامزاتتىڭ اسىل قازىناسى. ءال-فارابي جانە تۇركى الەمىنىڭ ويشىلدارى»; «ءال-ءفارابيدىڭ رۋحاني مۇراسى جانە قازىرگى قازاقستان» سىندى مۇرالار ساقتالعان. مۇراجاي قورىندا - 12000 ارتىق قۇندى دەرەكتەر جينالعان، ولاردىڭ ىشىندە 9800 - فوتوقۇجات، 30 - قولجازبا، 155 - سىيلىق، سۋۆەنير، پورترەت جانە كارتينالار، 1250 - كىتاپ، اقپاراتتىق باسىلىمدار مەن تاعى دا باسقا قۇندى مۇراجاي زاتتارى بار.مۇراجاي ۋنيۆەرسيتەتتىڭ قالىپتاسۋى مەن دامۋىنداعى نەگىزگى كەزەڭدەر، ءبىلىم بەرۋ جۇيەسىنىڭ جەتىلگەندىگى، حالىقارالىق بايلانىستاردىڭ نىعايعاندىعى، ستۋدەنتتەردىڭ قىزىقتى كەزدەرى، جالپى ۋنيۆەرسيتەتتىك كافەدرالار مەن كىتاپحانالاردىڭ  قازىرگى زامانعا ساي يننوۆاتسيالىق وسۋىمەن تانىسۋعا بولادى. قازۇۋ مۇراجايى قالا مادەنيەتىنىڭ عانا ەمەس، بۇكىل قازاقستان بويىنشا ماڭىزدى نىسان دەپ ويلايمىن.قازۇۋ-دىڭ مادەني وشاعىنىڭ تاعى بىرەۋى- ءال-فارابي كىتاپحاناسى — ورتا ازياداعى جوعارى وقۋ ورىندارى اراسىنداعى ەڭ ۇلكەن كىتاپ قورىنا يە مەكەمە. بۇگىنگى تاڭدا كىتاپحانا قورى 2 ميلليوننان اسا كىتاپقا جەتكەن. عىلىم ورداسىنىڭ العاشقى ىرگەتاسىن ەلباسىمىز نۇرسۇلتان ءابىشۇلى قالاعان. ونىڭ اشىلۋ سالتاناتى 2013 جىلدىڭ ناۋرىز ايىندا وتكەن بولاتىن. كىتاپحانامىزدا كونتسەرتتەر، كورمەلەر، بىتىرۋشىلەردى ديپلوممەن تابىستاۋ، قۇتتىقتاۋ بي كەشتەرى ت.ب. عىلىمي جانە قوعامدىق ماڭىزى بار جينالىستار وتكىزىلىپ تۇرادى.كىتاپحانادا ستۋدەنتتەرگە بارلىق جاعداي جاسالعان. مۇندا ابونەمەنت جانە جىلى وقۋ زالدارىمەن قاتار، كونفەرەنتسيا زالدارى، ەلەكەتروندى ءبولىم جۇمىس ىستەيدى. جابدىقتاردىڭ بارلىعى زاماناۋي تالاپتارعا ساي كەلەدى. مۇندا كەلگەن ستۋدەنت كومپيۋتەر ارقىلى ىزدەگەن كىتابىنىڭ بار جوقتىعىن بىرنەشە مينۋتتا عانا تەكسەرىپ الۋىنا بولادى.ۋنيۆەرسيتەتتە ءداستۇرلى تۇردە وتكىزىلىپ وتىراتىن ءتۇرلى ءىس-شارالار بار. «انا ءتىلى ارۋى-جىگىت سۇلتانى»، «كۆن ويىندارى»، «ەڭ ۇزدىك ستۋدەنتتىك توپ»، «سپورتتىق جارىستار» ت.ب.

قورىتىندىلاي كەلە،ۋنيۆەرسيتەتتىڭ اشىلۋىنان باستاپ، بۇگىنگى كۇنگە دەيىن قازۇۋ قازاقستاننىڭ كوپتەگەن رەيتينگتەرىندە ءوزىنىڭ پوزيتسياسىن ساقتاپ كەلەدى. ءال-فارابي اتىنداعى قازاق ۇلتتىق ۋنيۆەرسيتەتىنىڭ تۇلەكتەرى مەملەكەتتىك اپپاراتتا جوعارى قىزمەت اتقارادى، مەملەكەتىمىزدىڭ بارلىق سالالارىندا، كوپتەگەن تانىمال كومپانيالاردا ەلىمىزدىڭ وركەندەۋى ءۇشىن ەڭبەك ەتۋدە.

سارتاەۆ س.ا

ءال-فارابي اتىنداعى قازاق ۇلتتىق ۋنيۆەرسيتەتىنىڭ زاڭ فاكۋلتەتى مەملەكەت جانە قۇقىق تەورياسى مەن تاريحى،كونستيتۋتسيالىق جانە اكىمشىلىك قۇقىق كافەدراسىنىڭ زاڭ عىلىمدارىنىڭ كانديداتى

 قاسىمبەك ءا.ج ءال-فارابي اتىنداعى قازاق ۇلتتىق ۋنيۆەرسيتەتى زاڭ فاكۋلتەتىنىڭ ماگيسترانتى

Abai.kz