ۇلتتىق ەكونوميكا مينيسترلىگى الداعى ۋاقىتتا جەرگىلىكتى حالىقتىڭ كوپتەپ كەتۋىنە بايلانىستى قازاقستانداعى كەيبىر قالالار رەسمي تۇردە اۋىلعا اينالۋى مۇمكىن ەكەندىگىن ەسكەرتتى.

 «ەلدى مەكەندەردىڭ مارتەبەسىن وزگەرتۋ ماسەلەلەرىن ءتيىستى ەلدى مەكەن تۇرعىندارىنىڭ پىكىرىن ەسكەرە وتىرىپ، اۋداندىق وكىلدى جانە اتقارۋشى ورگانداردىڭ ۇسىنىسى بويىنشا وبلىستىق وكىلدى جانە اتقارۋشى ورگاندار ء(ماسليحاتتار مەن اكىمدىكتەر - شامامەن) قارايدى»، - دەلىنگەن جاۋاپتا.

اۋىلعا اينالۋى مۇمكىن قالالاردىڭ قاتارىندا اقمولا، اقتوبە، قاراعاندى، قىزىلوردا، ماڭعىستاۋ وبلىستارىنداعى، اباي وبلىسىنداعى، سونداي-اق سولتۇستىك قازاقستان جانە شىعىس قازاقستان وبلىستارىنداعى قالالار بار. ولار:

- شار (اباي وبلىسى، جارما اۋدانى) – 6500-دەي ادام;

- ستەپنياك (اقمولا وبلىسى ءبىرجان سال اۋدانىنىڭ اكىمشىلىك ورتالىعى) – 4 مىڭنان استام ادام;

- دەرجاۆينسك (اقمولا وبلىسى، جارقايىڭ اۋدانى، اۋدان ورتالىعى) – 7 مىڭعا جۋىق ادام;

- جەم (اقتوبە وبلىسى مۇعالجار اۋدانى) – 1 مىڭنان استام ادام;

- تەمىر (اقتوبە وبلىسى تەمىر اۋدانى) – 2207 ادام;

- قارقارالى (قاراعاندى ​​وبلىسى قارقارالى اۋدانىنىڭ اكىمشىلىك ورتالىعى) – 9 مىڭنان استام ادام;

- قازالى (قىزىلوردا وبلىسى، قازالى اۋدانى) – 7 مىڭنان استام ادام;

- فورت-شەۆچەنكو (ماڭعىستاۋ وبلىسى تۇپقاراعان اۋدانىنىڭ اكىمشىلىك ورتالىعى) – 9 مىڭعا جۋىق ادام;

- بۋلاەۆو (سولتۇستىك قازاقستان وبلىسى ماعجان جۇماباەۆ اۋدانىنىڭ اكىمشىلىك ورتالىعى) – 8567 ادام;

- مامليۋتكا (سولتۇستىك قازاقستان وبلىسى مامليۋت اۋدانىنىڭ اكىمشىلىك ورتالىعى) – 6976 ادام;

- سەرگەەۆكا (اكىمشىلىك ورتالىعى، سولتۇستىك قازاقستان وبلىسى، شال اقىن اۋدانى) – 8126 ادام;

- سەرەبريانسك (شىعىس قازاقستان وبلىسى، التاي اۋدانى) – 7005 ادام.

Abai.kz