"جۇمىس ىستەپ جۇرگەن جاستارعا ساتىپ الۋ قۇقىعىنسىز جالعا بەرىلەتىن تۇرعىنجاي بەرۋ قاعيدالارىنىڭ" جاڭا مازمۇنى اشىق نقا پورتالىندا جاريالاندى. جاستار ەندى بۇل پاتەرلەردى جەكەشەلەندىرە المايدى.

اتالمىش باعدارلاماعا 35 جاسقا تولماعان، ورتا نە جوعارى ءبىلىمى بار جانە قازىرگى ۋاقىتتا رەسمي جۇمىس ىستەيتىن ەل ازاماتتارى قاتىسا الادى.

سونداي-اق، جالعا بەرىلەتىن تۇرعىن ءۇيدىڭ 60 پايىزى – نەكەدە تۇرعان، ال 40 پايىزى – نەكەدە تۇرماعان جاستارعا ۇلەستىرىلەتىن بولادى.

ۇمىتكەرگە قويىلاتىن وزگە دە تالاپتار: 

• وبلىستىق، رەسپۋبليكالىق ماڭىزى بار قالالار جانە استانا قالاسىندا ساتىپ الۋ قۇقىعىنسىز جالعا بەرىلەتىن تۇرعىنجاي باعدارلاماسى ورنالاسقان مەكەندە، ءوتىنىم بەرەر الدىندا سوڭعى 3 جىلدان كەم ەمەس تۇراقتى تىركەۋىنىڭ بولۋى;
• وبلىستىق، رەسپۋبليكالىق ماڭىزى بار قالالار جانە استانا قالاسىندا ساتىپ الۋ قۇقىعىنسىز جالعا بەرىلەتىن تۇرعىنجاي باعدارلاماسى ورنالاسقان مەكەندە، ءوتىنىش بەرۋشىنىڭ وتباسى مۇشەلەرىنىڭ تۇراقتى تىركەۋىنىڭ بولۋى;
• ءوتىنىش بەرۋشىنىڭ، جۇبايىنىڭ، كامەلەتكە تولماعان بالالارىمەن، اپاتتى جاعدايدا تۇرعان، قۇلاۋ قاۋپى بار تۇرعىن ۇيلەردى قوسپاعاندا، ءوتىنىش بەرەر الدىندا سوڭعى 5 جىل ىشىندە قراۋماعىندا تۇرعىن ءۇيىنىڭ بولماۋى;
• سوڭعى 6 ايدا كەمىندە 40 ايلىق ەسەپتىك كورسەتكىش مولشەرىندە اي سايىنعى تابىسىنىڭ بولۋى;
• وبلىستىق،  رەسپۋبليكالىق ماڭىزى بار قالالار جانە استانا قالاسىندا ساتىپ الۋ قۇقىعىنسىز جالعا بەرىلەتىن تۇرعىنجاي باعدارلاماسى ورنالاسقان مەكەندە، ءوتىنىش بەرەر الدىندا سوڭعى 3 جىلدان كەم ەمەس ەڭبەك ءوتىلىنىڭ بولۋى;
• بانكتە جيناق شوتىنىڭ (دەپوزيتتىڭ) بولۋى.

بۇل رەتتە، ءوتىنىش بەرۋشى نەمەسە وتباسى مۇشەلەرى كامەلەتكە تولعانعا دەيىن العان تۇرعىن ۇيدە ۇلەسىنىڭ بولۋى قاتىسۋعا كەدەرگى كەلتىرمەيدى.

Abai.kz