قر تۇڭعىش پرەزيدەنتى كۇنى مەرەكەسى قارساڭىندا قر دەنساۋلىق ساقتاۋ ءمينيسترى س.قايىربەكوۆا جاڭاوزەن قالاسىندا مەديتسينا قىزمەتكەرلەرىمەن كەزدەستى.

كەزدەسۋدە ساليدات قايىربەكوۆا ەلىمىزدىڭ دەنساۋلىق ساقتاۋ جۇيەسىندەگى وزگەرىستەر جانە قر پرەزيدەنتىنىڭ «قازاقستان-2050» ستراتەگياسى - قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا ايتىلعان مىندەتتەردى شەشۋ ءۇشىن قانداي ءىس-شارالار اتقارىلىپ جاتقانىن اڭگىمەلەدى.

قر دەنساۋلىق ساقتاۋ مينيسترلىگى ءوز قىزمەتىن سالانىڭ باستى مىندەتتەرىن شەشۋگە جۇمىلدىردى. جۇيەلى ءىس-شارالار قابىلداۋ ناتيجەسىندە بىرقاتار وڭ ناتيجەلەرگە قول جەتكىزىلدى: قازاقستاندىقتاردىڭ ورتاشا ءومىر ءسۇرۋ جاسى ارتۋدا، اعىمداعى جىل قورىتىندىسىندا بۇل كورسەتكىش 70 جاستان اسادى. 2013 جىلدىڭ 9 ايى قورىتىندىسىندا انا ءولىمى 24%، نارەستەلەر ءولىمى 18% ازايدى. بۇۇ ساراپشىلار بۇل سالاداعى ستاتيستيكالىق مالىمەتتەردىڭ دۇرىس جۇرگىزىلەتىنىن راستادى. سكرينينگتەر وتكىزۋ جانە جوعارى تەحنولوگيالاردى ەنگىزۋ ناتيجەسىندە قان اينالىمى جۇيەسى اۋرۋلارىنان بولاتىن ءولىم كورسەتكىشتەرى 8,3% تومەندەدى.

قر تۇڭعىش پرەزيدەنتى كۇنى مەرەكەسى قارساڭىندا قر دەنساۋلىق ساقتاۋ ءمينيسترى س.قايىربەكوۆا جاڭاوزەن قالاسىندا مەديتسينا قىزمەتكەرلەرىمەن كەزدەستى.

كەزدەسۋدە ساليدات قايىربەكوۆا ەلىمىزدىڭ دەنساۋلىق ساقتاۋ جۇيەسىندەگى وزگەرىستەر جانە قر پرەزيدەنتىنىڭ «قازاقستان-2050» ستراتەگياسى - قالىپتاسقان مەملەكەتتىڭ جاڭا ساياسي باعىتى» اتتى قازاقستان حالقىنا جولداۋىندا ايتىلعان مىندەتتەردى شەشۋ ءۇشىن قانداي ءىس-شارالار اتقارىلىپ جاتقانىن اڭگىمەلەدى.

قر دەنساۋلىق ساقتاۋ مينيسترلىگى ءوز قىزمەتىن سالانىڭ باستى مىندەتتەرىن شەشۋگە جۇمىلدىردى. جۇيەلى ءىس-شارالار قابىلداۋ ناتيجەسىندە بىرقاتار وڭ ناتيجەلەرگە قول جەتكىزىلدى: قازاقستاندىقتاردىڭ ورتاشا ءومىر ءسۇرۋ جاسى ارتۋدا، اعىمداعى جىل قورىتىندىسىندا بۇل كورسەتكىش 70 جاستان اسادى. 2013 جىلدىڭ 9 ايى قورىتىندىسىندا انا ءولىمى 24%، نارەستەلەر ءولىمى 18% ازايدى. بۇۇ ساراپشىلار بۇل سالاداعى ستاتيستيكالىق مالىمەتتەردىڭ دۇرىس جۇرگىزىلەتىنىن راستادى. سكرينينگتەر وتكىزۋ جانە جوعارى تەحنولوگيالاردى ەنگىزۋ ناتيجەسىندە قان اينالىمى جۇيەسى اۋرۋلارىنان بولاتىن ءولىم كورسەتكىشتەرى 8,3% تومەندەدى.

سونىمەن قاتار، مينيستر ازاماتتاردىڭ ءوز دەنساۋلىقتارىنا ورتاق جاۋاپكەرشىلىكتى قالىپتاستىرۋدىڭ ماڭىزدىلىعىن ايتىپ، «قازاقستاننىڭ الەۋمەتتىك جاڭعىرتىلۋى: جالپىعا ورتاق ەڭبەك قوعامىنا قاراي 20 قادام» اتتى باعدارلامالىق ماقالاسىندا ايتىلعان ەلباسىنىڭ «ءوزىنىڭ جەكە باسىنىڭ دەنساۋلىعىن الدىمەن ادامنىڭ ءوزى ويلاۋى كەرەك. ەگەر دەنساۋلىقتى ويلاۋ ءار وتباسىنىڭ شارۋاسى بولسا، وندا مەملەكەت جۇزەگە اسىرىپ جاتقان قادامدار الدەقايدا ءتيىمدى شىعار ەدى» دەگەن ءسوزىن كەلتىردى.

بۇكىل قوعامنىڭ كۇش-جىگەرىن بىرىكتىرۋ ارقىلى عانا ازاماتتاردىڭ دەنساۋلىعىن نىعايتۋعا بولادى. سوندىقتان سالاۋاتتى ءومىر سالتىن ناسيحاتتاۋ، دەنە شىنىقتىرۋ مەن سپورتتى دامىتۋ، دۇرىس تاماقتانۋ ماشىعىن قالىپتاستىرۋ باسىم باعىتتاردىڭ بىرىنە اينالىپ وتىر.