پرەزيدەنت قاسىم-جومارت توقاەۆقا پرەمەر-مينيستر ولجاس بەكتەنوۆ سۋ تاسقىنى سالدارىن جويۋ جانە تابيعات اپاتىنان زارداپ شەككەن، ەڭ الدىمەن، ەۆاكۋاتسيالىق پۋنكتتەردەگى ازاماتتارعا كومەك كورسەتۋ جونىندەگى جۇمىستار تۋرالى باياندادى. بۇل تۋرا Abai.kz Akorda.kz-كە سىلتەمە جاساپ، حابارلايدى.

مەملەكەت باسشىسى بۇل باعىتتاعى شارالاردى كۇشەيتۋگە، زارداپ شەككەن تۇرعىنداردى ساپالى باسپانامەن قامتاماسىز ەتۋگە، قالالار مەن ەلدى مەكەندەردەگى ينفراقۇرىلىمداردى جوندەۋگە جانە قۇرىلىس جۇمىستارىنا كىرىسۋگە قاتىستى تاپسىرما بەردى.

پرەزيدەنتتىڭ ايتۋىنشا، جەرگىلىكتى اتقارۋشى ورگانداردىڭ باسشىلارى حالىقپەن ەتەنە ءارى ءتيىمدى جۇمىس ىستەۋگە مىندەتتى. سونداي-اق تۋىنداعان ماسەلەلەردى شەشۋ جانە جۇرتشىلىقتىڭ ورىندى تالاپ-تىلەگىن ورىنداۋ جونىندەگى مەملەكەتتىك ساياسات پەن قابىلدانىپ جاتقان شارالاردى ناقتى تۇسىندىرۋگە ءتيىس.

سونىمەن قاتار ۇكىمەت، اكىمدىكتەر قۇقىق قورعاۋ ورگاندارىمەن بىرلەسىپ، زاڭعا سايكەس قوعامدىق ءتارتىپتى قامتاماسىز ەتۋى كەرەك.

Abai.kz