"مەملەكەت باسشىسى ەڭبەك كوشى-قونى سالاسىنداعى مەملەكەتتىك ساياساتتى جەتىلدىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى" (http://akorda.kz/kz/page/page_215507_ )

وسىمەن ءبارى ءبىتتى. 22 جىلعا جالعاسقان قازاق كوشىنىڭ اياعىنا شىدەر سالىندى. قول قويىلىپ، كۇشىنە ەنگەن زاڭ بويىنشا تاريحي وتانى - قازاقستانعا كوشىپ كەلەتىن قازاقتار ءتورت جىلدان كەيىن عانا ازاماتتىق الا الادى. «اتالعان زاڭعا پرەزيدەنت نازارباەۆ قول قويمايتىن شىعار، كەرى قايتارار، ءوزى باستاعان قازاق كوشىنە قاتىستى ستراتەگيالىق ساياساتتىڭ تامىرىنا بالتا شاپپاس» دەگەن قوعامنىڭ ءۇمىتى كەسىلدى. بۇل زاڭدا شەتەلدەن كوشىپ كەلەتىن قازاقتاردىڭ ازاماتتىق الۋىنا قاتىستى تۇسى نەلىكتەن ءتورت جىلعا وسكەندىگىنىڭ سەبەبىن تۇسىندىرگەن جان بالاسى جوق. ءار نارسەنىڭ قانداي دا ءبىر سەبەبى بولۋى ءتيىس قوي. ءتىپتى مال سوياردا دا «سەن دە جازىق جوق، ءبىز دە ازىق جوق» دەپ مال ەكەش مالدىڭ دا نە سەبەپتى پىشاققا ىلىنگەن سەبەبىن ايتپاۋشى ما ەدى؟! بيلىكتى كوشى-قونعا قاتىستى زاڭ جۇزىندە مۇنداي قاتاڭ شاراعا بارۋعا نە ماجبۇرلەدى؟ جاۋاپ جوق.

سەبەبىن ءوزىم شە ىزدەپ الەك بولامىز تاعى.

"مەملەكەت باسشىسى ەڭبەك كوشى-قونى سالاسىنداعى مەملەكەتتىك ساياساتتى جەتىلدىرۋگە باعىتتالعان «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ەڭبەك كوشى-قونى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويدى" (http://akorda.kz/kz/page/page_215507_ )

وسىمەن ءبارى ءبىتتى. 22 جىلعا جالعاسقان قازاق كوشىنىڭ اياعىنا شىدەر سالىندى. قول قويىلىپ، كۇشىنە ەنگەن زاڭ بويىنشا تاريحي وتانى - قازاقستانعا كوشىپ كەلەتىن قازاقتار ءتورت جىلدان كەيىن عانا ازاماتتىق الا الادى. «اتالعان زاڭعا پرەزيدەنت نازارباەۆ قول قويمايتىن شىعار، كەرى قايتارار، ءوزى باستاعان قازاق كوشىنە قاتىستى ستراتەگيالىق ساياساتتىڭ تامىرىنا بالتا شاپپاس» دەگەن قوعامنىڭ ءۇمىتى كەسىلدى. بۇل زاڭدا شەتەلدەن كوشىپ كەلەتىن قازاقتاردىڭ ازاماتتىق الۋىنا قاتىستى تۇسى نەلىكتەن ءتورت جىلعا وسكەندىگىنىڭ سەبەبىن تۇسىندىرگەن جان بالاسى جوق. ءار نارسەنىڭ قانداي دا ءبىر سەبەبى بولۋى ءتيىس قوي. ءتىپتى مال سوياردا دا «سەن دە جازىق جوق، ءبىز دە ازىق جوق» دەپ مال ەكەش مالدىڭ دا نە سەبەپتى پىشاققا ىلىنگەن سەبەبىن ايتپاۋشى ما ەدى؟! بيلىكتى كوشى-قونعا قاتىستى زاڭ جۇزىندە مۇنداي قاتاڭ شاراعا بارۋعا نە ماجبۇرلەدى؟ جاۋاپ جوق.

سەبەبىن ءوزىم شە ىزدەپ الەك بولامىز تاعى.

قىزىلاعاشتاعى سۋ تاسقىننان كەيىن قۇرباندارعا ەسكەرتكىش قويىلدى. اشىلۋعا بارعان پرەزيدەنت ورالماندار تۋرالى قيعاش پىكىر ايتىپ قالدى. ءبىر اۋىز پىكىر كەيىن جاڭاوزەن وقيعاسىنان كەزىندە لاۋازىمدى ادامداردىڭ وقيعاعا ورالماندار كىنالى دەگەن پىكىر ايتۋىنا جولاشار جاسادى. ءسويتىپ، شەتەلدەن كەلگەن قازاقتار ماسىل بولىپ وتىر دەگەن سۋىق ءسوز قوعام ءىشىن كەۋلەپ كەتتى. وتكەندە الدەبىر شەنەۋنىك ەسەپتىك بايانداماسىندا حالىق سانى وسە بەرەتىن بولسا، ەلدە جۇمىسسىزدار سانى وسەدى دەدى. ياعني، حالىق سانىن ءوسىرۋ – ءتيىمسىز. جۇمىسسىزدىق الەۋمەتتىك تۇراقسىزدىققا الىپ كەلەدى. تۇراقسىزدىق تىنىشتىقتى بۇزادى. ونىڭ ارتى شەرۋلەر، تالاپتار، تولقۋلارعا ۇلاسادى. دەمەك، حالىق سانىنىڭ ءوسۋى مەن جۇمىسسىزدىقتان بيلىك قورقىپ، سونىڭ الدىن الۋ شارالارىنىڭ ءبىرى رەتىندە شەتەلدەن كەلەتىن قازاقتاردىڭ ازاماتتىق الۋىنا كەدەرگى جاساۋى ىقتيمال. ەكىنشىدەن، بيلىكتىڭ حالىق سانىنىڭ ءوسۋى مەن جۇمىسسىزدىقتان قورقۋى – ەكونوميكانىڭ اناۋ ايتقانداي دامۋى مەن ءوسىمى جوق ەكەنىن، ياعني، حالىقتى جۇمىسپەن قامىتۋعا قاۋقارسىز ەكەنىن ايعاقتايدى. بۇل ءوز كەزەگىندە قارىشتاپ دامۋ تۋرالى ەرتەگىگە نۇكتە قويادى.

بىزدىكى جورامال عانا. بالكىم، ءبىز بىلمەيتىن باسقا ءبىر بۇلتارتپاس سەبەبى بار شىعار...

Abai.kz