توتەنشە جاعدايعا بايلانىستى تالدىكول ەلدى مەكەنىندەگى اۋىل تۇرعىندارىن جالپى تۇردە ەۆاكۋاتسيالاۋ 25 مامىردان باستاپ جۇرگىزىلدى. ولار حالەل وسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ جانە APEC Petrotechnic جوعارى كوللەدجىنىڭ جاتاقحاناسىنا ورنالاستىرىلدى، دەپ حابارلادى Abai.kz.

"قازىرگى ۋاقىتتا ح.دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىنىڭ ءبىرىنشى جاتاقحاناسىنا 19 بالا، 11 ەرەسەك، بارلىعى 30 تۇرعىن ورنالاستى. تۇرعىندار 3 مەزگىل تاماقپەن، قاجەتتى زاتتارمەن قامتاماسىز ەتىلدى. بۇلاردان بولەك تاعى ەۆاكۋاتسيالاناتىن حالىق ءۇشىن وسى جاتاقحانادا 450 ورىن دايىن تۇر", – دەدى اتىراۋ وبلىسى ءبىلىم بەرۋ باسقارماسىنىڭ ءبولىم باسشىسى دۋلات حامزين.

بۇگىندە ۋنيۆەرسيتەت جاتاقحاناسىندا ورنالاسقان 219 تۇرعىندارعا تاڭعى ساعات 8-دەن تۇڭگى 12-گە دەيىن 2 دارىگەر، 2 فەلدشەردەن قۇرىلعان دارىگەرلىك بريگادا مەد.كومەك كورسەتۋدە.

Abai.kz