قىتاي قازاقتارىنىڭ تۇرمىس-تىرشىلىگى جايلى «مەنىڭ التايىم» دوراماسى قازاقستاندىق كورەرمەنگە ۇسىنىلادى.

جاڭا تەلەحيكايانى «جەتىنشى ارنا» كورسەتەدى. تەلەحيكايا 8 بولىمنەن تۇرادى.

باستى ءرولدى قىتايدىڭ تانىمال اكتەرى يۋي شي سومداعان. ول بۇل تەلەحيكاياعا ءتۇسۋ ءۇشىن ارنايى قازاق ءتىلى ساباقتارىنا قاتىسىپ، سەريالدا باتاي ەسىمدى قازاق جىگىتىگىنىڭ ءرولىن سومداعان. بۇدان بولەك تەلەحيكاياعا شىڭجاڭدا تۇراتىن قانداستار دا تۇسكەن.

«مەنىڭ التايىم» تەلەحيكاياسى التايدا شاعىن دۇكەن اشقان حان قىزى لي ۆەنسيۋ مەن ونىڭ جانۇياسىنىڭ جەرگىلىكتى قازاقتارمەن بايلانىسى تۋرالى.

وندا التاي ايماعىندا تۇراتىن قانداستارىمىزدىڭ باي جانە قايتالانباس مادەنيەتى، تۇرمىس-تىرشىلىگى كورىنىس تاپقان. iQIYI ونلاين پلاتفورماسى تۇسىرگەن «مەنىڭ التايىم» سەريالىنىڭ الەمدىك تۇساۋكەسەرى كانن تەلەفەستيۆالى اياسىندا ءوتىپ، ءساراپشىلاردىڭى جوعارى باعاسىن الدى.

«سەريال جاقىن كۇندەرى «جەتىنشى ارنا» ەفيرىنەن ۇسىنىلادى. بۇل تۋرالى بۇگىن تەلەارنا باسشىلىعى جانە قىتاي مەملەكەتتىك تەلەۆيدەنيە، راديو اكىمشىلىگى مەن iQIYI كومپانياسى وكىلدەرىمەن بولعان كەزدەسۋدە كەلىسىم جاسالدى», - دەپ حابارلايدى «جەتىنشى ارنانىڭ» ءباسپاسوز قىزمەتى.

Abai.kz