ءباسپاسوز بەتتەرى مەن راديو-تەلەۆەدەنيادان كۇنى بويى «ماعان بارۋعا بولمايدى»، «ماعان دەم الۋ كەرەك»، «ونىڭ بۇل ۇيدەن كەتۋى كەرەك»، «مەنىڭ ءبىر نارسە ساتىپ الۋىم كەرەك»، «ماعان دەرەۋ پاتشاعا حابارلاپ ايتۋ كەرەك» دەگەن سياقتى كوزگە سۇيەل بوپ قادالىپ، قۇلاققا تۇرپىدەي تيەتىن سويلەمدەردى وقىپ، ەستىگەندە، وندا جۇمىس ىستەپ وتىرعان رەداكتورلار مەن اۋدارماشىلار «ايعا قاراپ، جۇلدىز ساناپ» وتىر ما دەگەن ويعا قالامىن. ءتىپتى، ولاردىڭ قازاق تىلىنەن جۇرداي ساۋاتسىزدىعى - قازاق ءتىلىنىڭ سەپتىك جالعاۋلارىن ءوز ورنىندا قولدانا المايتىن دۇمبىلەزدىگى جان-جۇيكەمە جەبە بولىپ قادالادى دا تۇرادى.

ءباسپاسوز بەتتەرى مەن راديو-تەلەۆەدەنيادان كۇنى بويى «ماعان بارۋعا بولمايدى»، «ماعان دەم الۋ كەرەك»، «ونىڭ بۇل ۇيدەن كەتۋى كەرەك»، «مەنىڭ ءبىر نارسە ساتىپ الۋىم كەرەك»، «ماعان دەرەۋ پاتشاعا حابارلاپ ايتۋ كەرەك» دەگەن سياقتى كوزگە سۇيەل بوپ قادالىپ، قۇلاققا تۇرپىدەي تيەتىن سويلەمدەردى وقىپ، ەستىگەندە، وندا جۇمىس ىستەپ وتىرعان رەداكتورلار مەن اۋدارماشىلار «ايعا قاراپ، جۇلدىز ساناپ» وتىر ما دەگەن ويعا قالامىن. ءتىپتى، ولاردىڭ قازاق تىلىنەن جۇرداي ساۋاتسىزدىعى - قازاق ءتىلىنىڭ سەپتىك جالعاۋلارىن ءوز ورنىندا قولدانا المايتىن دۇمبىلەزدىگى جان-جۇيكەمە جەبە بولىپ قادالادى دا تۇرادى.

بۇنداعى باستى قاتەلىك اتاۋ سەپتىگى مەن ىلىك سەپتىگى جانە بارىس سەپتىگىن ءبىرىنىڭ ورنىنا ءبىرىن قالاي بولسا سولاي قولدانا بەرەتىندىگىدە جاتىر. مىسالى: «ماعان دەم الۋ كەرەك» دەگەن سويلەمنىڭ دۇرىسى «مەن دەم الۋىم كەرەك». ويتكەنى مۇنداعى سويلەمنىڭ ماعناسى «كىمگە؟» دەگەن سۇراۋعا ەمەس، «كىم؟» دەگەن سۇراۋعا جاۋاپ بەرىپ وتىر. سول سياقتى «ونىڭ بۇل ۇيدەن كەتۋى كەرەك» دەگەن سويلەم «كىم؟» دەگەن سۇراۋعا جاۋاپ بەرەتىن بولعاندىقتان، بۇل سويلەم «ول بۇل ۇيدەن كەتۋى كەرەك» دەپ ايتىلسا دۇرىس بولار ەدى. ال «ماعان بارۋعا بولمايدى» دەگەن سويلەم «كىمنىڭ؟» دەگەن سۇراۋعا جاۋاپ بەرەتىن بولعاندىقتان، «كىمگە؟» دەگەن سۇراۋعا جاۋاپ بەرەتىن بارىس سەپتىگىندە ەمەس، ىلىك سەپتىگىندە «مەنىڭ بارۋىما بولمايدى» دەپ دۇرىس جازىلۋى ءتيىس. مىنە، وسىنداي سەپتىك جالعاۋلارىنىڭ ءوزارا جىگىن تولىق اجىراتا بىلمەۋدىڭ سەبەبىنەن قانشاما ۋىلجىعان ۇرپاعىمىزدىڭ ءتىلى شۇبارلانىپ، سويلەم قۇرىلىمى قۇلازىپ بارا جاتقاندىعىن مەجەلەۋ قيىن ەمەس.

بۇدان دا سوراقىسى بىلدەي-بىلدەي مەكەمەلەردىڭ كەي بولمەلەرىنىڭ ەسىگىندە «بوتەن ادامدارعا كىرۋگە بولمايدى» نەمەسە «بوگدە ادامعا كىرۋگە بولمايدى»  دەگەن سەكىلدى سويلەمدەردى كورگەندە، بۇندا قاي عالامشاردان كەلگەن بوگدە قوناقتار وتىر ەكەن ءا دەگەن ويدا قالاسىڭ. ءبىرازدان سوڭ بارىپ ەسىڭدى جيناعان كەزدە، ە، قازاقتىڭ سەپتىك جالعاۋىنان حابارسىز ماڭگۇرتتەردىڭ «بوتەن ادامداردىڭ كىرۋىنە بولمايدى» دەگەن ويىنىڭ وراشولاق جارناماسى ەكەن عوي دەپ ىشتەن تىناسىڭ دا، قازاق ءتىلىن قورلاعاندارعا قارعىس جاۋدىرۋدان باسقا نە ىستەرىڭدى بىلمەي دال بولاسىڭ. كەيدە، ءتىپتى، سەپتىك جالعاۋى ورنىن تاپپاعان وسىنداي سويلەمدەردى بادىرايتىپ بولمەلەرىنىڭ ەسىگىنە ءىلىپ قويعان مەملەكەتتىك مەكەمەلەردى ەلىمىز ەگەمەندىك العالى باقانداي 22 جىلعا اياق باسقان تاۋەلسىزدىك مەرەكەسى قارساڭىندا سوتقا بەرسەم قايتەر ەدى دەگەن ويعا كەلەمىن! راسىندا دا، مەن وسى ماسەلە تۋرالى سوتقا جۇگىنسەم قالاي بولار ەدى؟

Abai.kz