"ادىلدىك جولى" قوعامدىق بىرلەستىگىنىڭ اتقارۋشى ديرەكتورى ديدار سماعۇلوۆ Facebook الەۋمەتتىك جەلىسىندەگى پاراقشاسىندا قازاقستاندىقتاردى مەملەكەتتىك قىزمەتكەرلەرگە قۇمار ويىندارعا تىيىم سالۋ تۋرالى پەتيتسياعا قول قويۋعا شاقىرادى.

"بۇل نورمادان باس تارتقىسى كەلەتىنى تۋرالى اقپارات العان كەزدە تاڭ قالدىم. تۇتاستاي لوببيستەر توبى جۇمىس ىستەيدى، ۇلكەن كولەمدە قاراجات جۇمسالادى. مەن شەنەۋنىكتەردىڭ كازينوعا بارۋدى قالاي اقتايتىنىن ەلەستەتە المايمىن. ەگەر ولار تەك ءوز قاراجاتىن ىسىراپ ەتكەن بولسا جارايدى، بىراق ولار مۇنى بيۋدجەت اقشاسىمەن جاسايدى", – دەپ جازادى قوعام بەلسەندىسى.

ماسەلەن، الماتى وبلىسىنداعى ويىنحانادا جۇرگىزىلگەن قىزمەتتىك تەكسەرۋ ناتيجەسىندە 305 شەنەۋنىكتىڭ 500 ميلليون تەڭگەسىن سول جەردە قالدىرعانىن كورسەتتى.

ال جۋرناليست سۇحباتىنا جاۋاپ بەرگەن اسحات ايماعامبەتوۆ ويىنعا تاۋەلدىلىك تۋرالى زاڭ جوباسىنىڭ ەكىنشى وقىلىمى ءالى وتپەگەندىكتەن، بۇل تۋرالى ەشقانداي مالىمەتى جوق ەكەنىن ايتتى.

"مەن مۇنداي اقپاراتتى ەستىگەن جوقپىن. بۇل زاڭ جوباسى ءبىرىنشى وقىلىمدا قابىلدانعان كەزدە، ءبىز بۇل نورمانى قاراستىرۋ كەرەكتىگى تۋرالى ازىرگە ەكىنشى وقىلىم بولعان جوق. جۇمىس توبى ءالى قورىتىندى شىعارعان جوق. مەندە بۇل تۋرالى اقپارات جوق", – دەدى ايماعامبەتوۆ.

Abai.kz