قايرات بورانباەۆ ۇلتتىق پاراليمپيادا كوميتەتىنىڭ پرەزيدەنتى بولىپ قايتا سايلاندى, دەپ حابارلايدى Abai.kz.

كاسىپكەر 2024 جىلدىڭ سوڭىنا دەيىن استانادا پاراپورتسمەندەرگە ارنالعان جاڭا وقۋ ورتالىعىنىڭ قۇرىلىسىن باستاۋعا ۋادە بەرىپ وتىر.

– مەن ءۇشىن بۇل وتە ماڭىزدى لاۋازىم. ءبىز قازاقستاندا پاراليمپيادا قوزعالىسىن دامىتۋ جونىندەگى اۋقىمدى ستراتەگيامىزدى ىسكە اسىرۋ پروتسەسىندەمىز. كەيىنگى جىلدارى قول جەتكىزگەن بارلىق جەتىستىكتەرىمىزگە قاراماستان، بىزدە كوپ جوسپار بار، سونىڭ ارقاسىندا قازاقستان پاراسپورتتاۋشىلاردى كاسىبي تۇردە دايىنداي الاتىن، ولارعا جوعارى كوڭىل بولەتىن، سونداي-اق مۇگەدەكتىگى بار ادامدارعا قولداۋ كورسەتەتىن ەلدىڭ بەدەلىن ودان ءارى نىعايتا تۇسەدى، - دەپ اتاپ ءوتتى كاسىپكەر ءوزىنىڭ Instagram پاراقشاسىندا.

ءومىر بويىنا مەملەكەتتىك قىزمەتتە قىزمەت اتقارۋعا تىيىم سالىنىپ، التى جىلعا باس بوستاندىعىنان ايىرىلعان كاسىپكەردىڭ 14,5 ملرد تەڭگە كولەمىندە ماتەريالدىق شىعىندى وتەگەنى انىقتالدى. سونداي-اق بورانباەۆتىڭ كومپانيالارى ءبىلىم بەرۋ ينفراقۇرىلىمىن قولداۋ قورىنا 66 ميلليون دوللاردان استام قارجى اۋدارعانى بەلگىلى بولدى.

2023 جىلعى 20 قازاندا اقمولا وبلىسى زەرەندى اۋداندىق سوتىندا بورانباەۆتىڭ جازاسىن باس بوستاندىعىن شەكتەۋگە اۋىستىرعانى انىقتالىپ، كوپ وتپەي بوستاندىققا شىقتى.

Abai.kz