2013 جىلدىڭ 20-نشى جەلتوقسانىندا الماتىداعى رەسپۋبليكا سارايىندا «جۇلدىزدار وتباسى» مەن «اڭىز ادام» جۋرنالىنىڭ (باس رەداكتورى جارىلقاپ قالىباي) ون جىلدىق مەرەكەسى اتاپ ءوتىلدى. قازاقتىڭ ەركە قىزى ماقپال ءجۇنىسوۆا، دارىندى ءانشى رامازان ستامعازيەۆ، جازيرا، زاتتىبەك، «جىگىتتەر توبى»، ت.ب. بەلگىلى ونەر شەبەرلەرى كونتسەرت بەردى. ون جىلقى، ەكى تۇيە، ءبىر جەڭىل اۆتوكولىك جۋرنالدى جازدىرىپ الۋشىلار اراسىندا ۇتىسقا ءتۇستى.

بەلگىلى ساياساتكەرلەر: بالتاش تۇرسىمباەۆ، جارماحان تۇياقباي جانە عالىمدار، جازۋشىلار، قوعام قايراتكەرلەرى: امالبەك تشان، اشىربەك سىعاي، كادىربەك سەگىزباي، جۇسىپبەك قورعاسبەك، جۇماش كوكبورى، دارىندى اقىن قىز اسىلزات، ت.ب. بەلگىلى تۇلعالاردىڭ بىرقانشاسى ۇتىس ويىنىنا قازىلىق ەتتى. جالپى العاندا، اتالمىش جۋرنالدىڭ ون جىلدىعى جامان وتكەن جوق.

2013 جىلدىڭ 20-نشى جەلتوقسانىندا الماتىداعى رەسپۋبليكا سارايىندا «جۇلدىزدار وتباسى» مەن «اڭىز ادام» جۋرنالىنىڭ (باس رەداكتورى جارىلقاپ قالىباي) ون جىلدىق مەرەكەسى اتاپ ءوتىلدى. قازاقتىڭ ەركە قىزى ماقپال ءجۇنىسوۆا، دارىندى ءانشى رامازان ستامعازيەۆ، جازيرا، زاتتىبەك، «جىگىتتەر توبى»، ت.ب. بەلگىلى ونەر شەبەرلەرى كونتسەرت بەردى. ون جىلقى، ەكى تۇيە، ءبىر جەڭىل اۆتوكولىك جۋرنالدى جازدىرىپ الۋشىلار اراسىندا ۇتىسقا ءتۇستى.

بەلگىلى ساياساتكەرلەر: بالتاش تۇرسىمباەۆ، جارماحان تۇياقباي جانە عالىمدار، جازۋشىلار، قوعام قايراتكەرلەرى: امالبەك تشان، اشىربەك سىعاي، كادىربەك سەگىزباي، جۇسىپبەك قورعاسبەك، جۇماش كوكبورى، دارىندى اقىن قىز اسىلزات، ت.ب. بەلگىلى تۇلعالاردىڭ بىرقانشاسى ۇتىس ويىنىنا قازىلىق ەتتى. جالپى العاندا، اتالمىش جۋرنالدىڭ ون جىلدىعى جامان وتكەن جوق.

مەنىڭ ايتايىن دەگەنىم، قازاقتىڭ ەركە قىزى، قر مەملەكەتتىك سىيلىعىنىڭ لاۋرەاتى، جەزتاڭداي ءانشى، مارقۇم زامانبەك نۇرقادىلوۆتىڭ ورنىندا ونىڭ شاڭىراعىنىڭ ءتۇتىنىن تۇتەتىپ وتىرعان ماقپال ءجۇنىسوۆا ساحناعا شىعادى دەپ حابارلاعاندا جۇرتتىڭ قول سوعىسى، انشىگە دەگەن قۇرمەتى ەرەكشە بولدى. كورەرمەندەر ماقپالدى زالدان جىبەرمەي، ەكىنشى رەت ءان سالعىزدى.  ماقپال قارىنداسىمىزدىڭ  «كەشىرىڭدەر، ادامدار!» اتتى ەكىنشى ورىنداعان ءانى كورەرمەندەرگە قاتتى اسەر ەتتى. ەركە قىزىمىز بۇل ءاندى جىلاپ تۇرىپ ايتتى دەسە دە بولادى. قارىنداستىڭ زامانبەك مارقۇمنىڭ بۇرىنعى سەرىكتەرى: بالتاش تۇرسىمباەۆ، جارماحان تۇياقباي جانە وسى جولداردىڭ اۆتورى جۇماش كوكبورى جانە ت.ب. ازاماتتار وتىرعان جاققا قاراپ قويىپ، ىشتەگى شەرى مەن مۇڭىن اقتارعانداي، كوكىرەگى قارس ايرىلا، ەكى كوزىنەن اققان جاستى ءجيى ءسۇرتىپ، قاتتى قامىققانداي بولعانى، وتىرعاندارى قالىڭ ويعا قالدىردى. ماقپال قارىنداس ساحنادان كەتەردە زالعا قاراپ:

- مەنى تەك «31» ارنادان عانا كورەسىزدەر،  - دەگەن ءسوزى جۇرەگىمىزدى ءدىر ەتكىزدى.

سوندا قازاقتىڭ ەركە قىزى ماقپال ءجۇنىسوۆانى جىلاتىپ جۇرگەن كىمدەر بولدى ەكەن؟ ولار كىم بولسا دا،ماقپالداي ءانشىنىڭ كوز جاسى وندايلاردى جىبەرمەس...

جۇماش كوكبورى

Abai.kz