مەملەكەت باسشىسى مىسىر اراب رەسپۋبليكاسى پارلامەنتى سەناتىنىڭ توراعاسى ابدەلۋاحاب ابدەلرازەقتى قابىلدادى، دەپ حابارلايدى Abai.kz.

پرەزيدەنت قاسىم-جومارت توقاەۆ مىسىر پارلامەنتى سەناتىنا قازاقستانعا جاساعان ساپارى ەكىجاقتى پارلامەنتارالىق بايلانىستى نىعايتۋعا تىڭ سەرپىن بەرەتىنىن ايتىپ، سپيكەرگە ءىلتيپات ءبىلدىردى.

«ءبىز اراب مەملەكەتتەرى اراسىنان، ەڭ الدىمەن، مىسىرمەن ديپلوماتيالىق قاتىناس ورناتتىق. بۇگىندە مىسىر – قازاقستاننىڭ يسلام جانە اراب الەمىندەگى باستى سەرىكتەستەرىنىڭ ءبىرى. سىندارلى ساياسي ديالوگ جولعا قويىلدى. كوپتەگەن ەكىجاقتى شارت پەن كەلىسىم جاسالدى. وسى قارقىندى باسەڭدەتپەي، ىنتىماقتاستىقتى نىعايتا ءتۇسۋ ءۇشىن بىرلەسىپ جۇمىس ىستەۋگە دايىنبىز. ساۋدا-ەكونوميكالىق بايلانىستار ەكىجاقتى قارىم-قاتىناستارىمىزدىڭ باستى نەگىزى بولۋعا ءتيىس. بۇعان قوس مەملەكەتتىڭ الەۋەتى تولىق جەتەدى»، – دەدى پرەزيدەنت.

ابدەلۋاحاب ابدەلرازەق مىسىر پرەزيدەنتى ابدەل فاتتاح اس-ءسيسيدىڭ ىزگى تىلەگى مەن سالەمىن جەتكىزدى.

«ءبىز ەكى ەل اراسىنداعى قارىم-قاتىناستى، سونىڭ ىشىندە پارلامەنتارالىق بايلانىستاردى ودان ءارى نىعايتۋعا مۇددەلىمىز. بۇل العا قويعان ماقساتتارىمىزدى ءتيىمدى جۇزەگە اسىرۋ ءۇشىن جاسالعان دۇرىس قادام دەپ ەسەپتەيمىن. مىسىرلىقتاردىڭ قازاقستانعا دەگەن قۇرمەتى مەن ىقىلاسى ەرەكشە. ەكى ەلدى بىرىكتىرەتىن ورتاق دۇنيەلەر كوپ. جۋىق ارادا قوس تاراپقا دا ءتيىمدى شارالار قابىلداناتىنىنا سەنىمدىمىن»، – دەدى مىسىر سەناتىنىڭ سپيكەرى.

Abai.kz