شارا اياسىندا قازاقتىڭ ءبىرتۋار تۇلعالارى – قانىش ساتباەۆتىڭ قابىرىنە بەلگىلى عالىمدار مەن عىلىم قايراتكەرلەرى، مۇحتار اۋەزوۆتىڭ قابىرىنە كورنەكتى اقىن – جازۋشىلار، احمەت جۇبانوۆ پەن شاكەن ايمانوۆتىڭ قابىرىنە مادەنيەت جانە ونەر سالاسىنىڭ مايتالماندارى گۇل شوقتارىن قويىپ، ولاردىڭ رۋحىنا باعىشتاپ قۇران وقىدى.

قازاقستان جازۋشىلار وداعى باسقارماسىنىڭ توراعاسى مەرەكە قۇلكەنوۆ ءسوز سويلەپ، كورنەكتى جازۋشى قالمۇقان يساباەۆتىڭ «قانىش اعا وسىنداي ەدى...» اتتى كىتابىنىڭ قايتا باسىلىپ، وقىرمانعا جول تارتقان حابارىن جۇرتقا سۇيىنشىلەپ جەتكىزدى. عالىمنىڭ ءجۇرىپ وتكەن جولى مەن ەڭبەگى باياندالاتىن كىتاپتان ءۇزىندى وقىلدى.

ءىس-شارا ايگىلى اكادەميككە ارنالعان اسقا جالعاسىپ، كىتاپتىڭ تۇساۋكەسەر ءراسىمى جاسالدى. قوناقتار ەستەلىكتەرىن ايتىپ، اقىندار ساتباەۆقا ارناعان  ولەڭدەرىن وقىدى.

ۇلىبريتانيانىڭ بۇرىنعى پرەمەر-ءمينيسترى ۋينستون چەرچيلل قانىش يمانتايۇلىنان «قازاقتارتىڭ ءبارى  ءسىز سياقتى ۇزىن بويلى، باتىر تۇلعالى ما؟» -دەپ سۇراپتى. سوندا اكادەميك «و، جوق، چەرچيلل مىرزا، قازاقتاردىڭ ىشىندەگى ەڭ كىشىسى مەن، حالقىم مەنەن دە بيىك»،-دەپ جاۋاپ بەرگەن ەكەن. سانالى عۇمىرىن عىلىم مەن بىلىمگە ارناپ، ەلى ءۇشىن ايانباي ەڭبەك ەتكەن قانىش ساتباەۆتىڭ بىزگە قالدىرعان مول مۇراسى ۇلتىمىزعا ماڭگىلىك ازىق بولارى ءسوزسىز.

جازۋشىلار وداعىنىڭ ۇيىسداستىرۋىمەن تۇڭعىش رەت ادەبيەت، عىلىم، ونەر سالاسىنىڭ ايتۋلى تۇلعالارىنىڭ باسىن قوسقان بۇل يگى شارا ۇلىلارعا تاعزىم، ۇرپاققا تاعىلىم بولادى دەپ سەنەمىز.

Abai.kz