بۇگىن مەملەكەتتىك قىزمەت ىستەرى اگەنتتىگى توراعاسىنىڭ ورىنباسارى ازامات جولمانوۆ مەملەكەتتىك قىزمەتكە ىرىكتەۋ جانە ونى وتكەرۋ ماسەلەلەرى تۋرالى ايتتى.

بۇگىندە مەملەكەتتىك قىزمەتشىلەردىڭ 56% ايەلدەر، جاستاردىڭ ۇلەسى – 35,2%، ورتاشا جاس – 40,2, سونىمەن قاتار شەتەلدىك جوو-نىڭ تۇلەكتەرى – 3 مىڭ ادامدى قۇراپ وتىر.

جىل سايىن 25,5 مىڭعا جۋىق مەملەكەتتىك قىزمەتشى بىلىكتىلىگىن ارتتىرۋ جانە قايتا دايارلاۋدان وتەدى.

"ونلاين فورماتتاعى كونكۋرستار بويىنشا ءبىر لاۋازىمعا قاتىسۋشى ۇمىتكەرلەردىڭ ورتاشا ۇلەسى 4,6 ادامدى قۇراپ، 1 000-نان اسا ادام جەڭىمپاز رەتىندە تانىلدى. ىرىكتەۋدىڭ جاڭا اۆتوماتتاندىرىلعان جۇيەسى 22 مەملەكەتتىك ورگاندا ىسكە اسىرىلۋدا جانە 1 شىلدەدەن باستاپ ول قوسىمشا 22 مەملەكەتتىك ورگاندا ەنگىزىلەدى. مەملەكەتتىك قىزمەتكە كىرۋدەگى ارتىق كەدەرگىلەردى جويۋ ماقساتىندا  مامانداردىڭ بىلىكتىلىگى مەن سالالىق تاجىريبەسىنە سايكەس ولاردى «ب» كورپۋسىنىڭ جوعارى لاۋازىمدارىنا، ال جوعارى وقۋ ورىندارىنىڭ گرانتپەن وقىعان ۇزدىك تۇلەكتەرى ءۇشىن اۋداندىق جانە اۋىلدىق جەرلەردەگى تومەنگى لاۋازىمدارعا كونكۋرسسىز ورنالاسۋ مۇمكىندىگى بەرىلدى. وسىلايشا، جەكەلەگەن جوعارى لاۋازىمدارعا 442 تاجىريبەلى مامان، ال تومەنگى لاۋازىمدارعا 186 جاس تۇلەك كونكۋرسسىز تاعايىندالدى. 2023 جىلى مەملەكەتتىك قىزمەتشىلەردى دايارلاۋ، قايتا دايارلاۋ جانە ولاردىڭ بىلىكتىلىگىن ارتتىرۋ قاعيدالارىنا سايكەس كەيىنگى ەكى جىل بويى  جوعارى باعالاۋ ناتيجەلەرىن العان قىزمەتشىلەر ءۇشىن ءوز قالاۋى بويىنشا سەمينارلار تاقىرىبىن جانە وقىتۋ ۇيىمىن تاڭداۋ قۇقىعىن بەرۋ بويىنشا تۇزەتۋلەر ەنگىزىلدى. وسىلايشا، مەملەكەتتىك قىزمەتشىلەر مقىا جانىنداعى ۇيلەستىرۋ كەڭەسى ايقىنداعان 43 ءبىلىم بەرۋ ۇيىمدارىندا دا مەملەكەتتىك ورگاننىڭ قىزمەت بەيىنى بويىنشا وقۋدان وتە الادى. مەملەكەتتىك قىزمەتشىلەردىڭ تۇراقتى جۇمىس ورنىنان تىس جەردە كاسىبي ءبىلىم مەن تاجىريبە الۋ ماقساتىندا ولاردىڭ تاعىلىمداماسى وتكىزىلەدى. قىزمەتشىلەر مەملەكەتتىك ورگاندارمەن قاتار ۇلتتىق كومپانيالار مەن مەملەكەتتىك ەمەس سەكتور كاسىپورىنداردا دا تاعىلىمدامادان وتە الادى. 2024 جىلعى 1 ساۋىردەگى جاعداي بويىنشا تاعىلىمدامادان 329 قىزمەتشى ءوتتى", – دەلىنگەن حابارلامادا.

 Abai.kz