قىرعىزستان قازاقستانعا 550 ملن تەكشە مەتردەن استام سۋارمالى سۋ جىبەرەدى
قىرعىزستان ماۋسىم ايىنىڭ ءۇشىنشى ونكۇندىگىنىڭ باسىنان باستاپ بەرى جىبەرەتىن سۋ كولەمىن ۇلعايتاتىنىن قازاقستاننىڭ سۋ رەسۋرستارى جانە يرريگاتسيا مينيسترلىگى حابارلادى.
ەكى ەل شۋ مەن تالاس وزەندەرى ارقىلى كەلەتىن سۋدىڭ مولشەرىن ۇلعايتۋ تۋرالى ۋاعدالاستىققا قول جەتكىزدى. ءمينيستردىڭ ايتۋىنشا، سۋارۋ ماۋسىمىنا دايىندىق بارىسىندا ەلدىڭ وڭتۇستىگىندەگى فەرمەرلەردى سۋدىڭ قاجەتتى كولەمىمەن قامتاماسىز ەتۋ ءۇشىن ۇلكەن جۇمىس جۇرگىزىلگەن. كورشى مەملەكەتتەرمەن ماڭىزدى كەلىسسوزدەر بولعان.
"بۇگىن قىرعىزستان سۋ رەسۋرستارى مينيسترلىگىنىڭ باسشىلىعىمەن ماۋسىمنىڭ ءۇشىنشى ونكۇندىگىنىڭ باسىنان باستاپ شۋ جانە تالاس وزەندەرى بويىنشا سۋ بەرۋدى ۇلعايتۋ تۋرالى ۋاعدالاستىققا قول جەتكىزىلدى. قازىرگى ۋاقىتتا قىرعىز ارىپتەستەرىمەن بىرلەسىپ سۋ بەرۋ كەستەسىن ۇلعايتۋ باعىتىندا تۇزەتۋ جۇمىستارى جۇرگىزىلۋدە", - دەدى نۇرجىگىتوۆ.
Abai.kz
