ءبىر اي بۇرىن ماڭعىستاۋ وبلىسىنىڭ اكىمى قىزمەتىنەن بوساتىلعان نۇرلان نوعاەۆ قازاقستاننىڭ تۇرىكمەنستانداعى توتەنشە جانە وكىلەتتى ەلشىسى لاۋازىمىنا تاعايىندالدى، دەپ حابارلايدى Abai.kz.  

قازاقستاننىڭ ەنەرگەتيكا ءمينيسترى قىزمەتىن اتقارعان ول 2021 جىلدىڭ قىركۇيەگىنەن بەرى ءوڭىر اكىمى بولىپ ءۇش جىلعا جۋىق جۇمىس ىستەدى.

نۇرلان نوعاەۆ 1967 جىلى تۋعان. ءبىلىمى جوعارى، ي.گۋبكين اتىنداعى ماسكەۋ مەملەكەتتىك مۇناي جانە گاز اكادەمياسىن، قازاق مەملەكەتتىك باسقارۋ اكادەمياسىن، رەسەي سىرتقى ىستەر مينيسترلىگى جانىنداعى "حالىقارالىق قاتىناستار ۋنيۆەرسيتەتى" ماسكەۋ مەملەكەتتىك ينستيتۋتىن تاۋ-كەن ينجەنەرى، ەكونوميست، حالىقارالىق قاتىناستار مامانى، اكىمشىلىك ىسكەرلىك جونىندەگى شەبەر ماماندىقتارى بويىنشا ءبىتىرىپ شىققان.

ەڭبەك جولىن اقتوبە وبلىسى، قاندىاعاش ستانتسياسىندا ەلەكتر شەبەرى بولىپ باستاعان.

1993-1995 جىلدارى - ماسكەۋ قالاسىنداعى "گيلي- پاسكەر" جشس-دە مۇناي ونىمدەرى جونىندەگى اعا ساراپشى، ءبولىم باستىعى، باس ديرەكتور.

1995-1996 جىلدارى - الماتى قالاسىنداعى "وترار لتد" شاعىن كاسىپورنى باس ديرەكتورىنىڭ ورىنباسارى.

1996-2006 جىلدارى - "قازاقتۇرىكمۇناي" جشس-دە ينجەنەر، باس ديرەكتور.

2006 جىلدىڭ اقپانىنان تامىزىنا دەيىن - "قازمۇنايگاز ۇلتتىق كومپانياسى" اق-نىڭ اتقارۋشى ديرەكتورى.

2006 جىلدىڭ تامىزىنان قر ەنەرگەتيكا جانە مينەرالدى رەسۋرستار مينيسترلىگى مۇناي ونەركاسىبى دەپارتامەنتىنىڭ ديرەكتورى بولىپ ىستەگەن.

2007 جىلدىڭ قىركۇيەگىنەن 2010 جىلدىڭ ساۋىرىنە دەيىن – باتىس قازاقستان وبلىسى اكىمىنىڭ ورىنباسارى.

2010 جىلدىڭ ساۋىرىنەن 2012 جىلدىڭ قاڭتارىنا دەيىن - وبلىس اكىمىنىڭ ءبىرىنشى ورىنباسارى.

2016 جىلعى 26 ناۋرىزدان - اتىراۋ وبلىسىنىڭ اكىمى، 2019 جىلدىڭ 17 ماۋسىمىندا وسى قىزمەتكە قايتا تاعايىندالدى.

2019 جىلدىڭ 18 جەلتوقسانىنان – قازاقستان رەسپۋبليكاسى ەنەرگەتيكا ءمينيسترى.

2021 جىلدىڭ 7 قىركۇيەگىنەن باستاپ ماڭعىستاۋ وبلىسى اكىمى.

2024 جىلى 16 مامىردا وبلىس اكىمى قىزمەتىنەن بوساتىلدى.

مەملەكەتتىك ماراپاتتارى: "قۇرمەت" وردەنى، "توتەنشە جاعدايلاردىڭ الدىن الۋدا جانە جويۋدا ۇزدىك شىققانى ءۇشىن", "قازاقستان رەسپۋبليكاسىنىڭ تاۋەلسىزدىگىنە 20 جىل" مەدالدارى.

Abai.kz