قازاقستاندا ۆەيپكە قارسى زاڭ بۇگىن كۇشىنە ەندى. ەندى ۆەيپتى ساتۋعا جانە تاراتۋعا زاڭ بويىنشا  تىيىم سالىنادى، دەپ حابارلايدى Abai.kz.

19 ساۋىردە پرەزيدەنت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭعا قول قويعان بولاتىن. بۇل قۇجات بۇگىن كۇشىنە ەندى.

ياعني ۆەيپتەردىڭ اينالىمى ءۇشىن بۇگىننەن باستاپ قىلمىستىق جاۋاپكەرشىلىك كوزدەلگەن:

• ۆەيپتەردى ساتۋ جانە تاراتۋ – 200 اەك دەيىن ايىپپۇل نە سول مولشەردە تۇزەۋ جۇمىستارى، 200 ساعاتقا دەيىن قوعامدىق جۇمىستار، نە 50 تاۋلىككە دەيىن قاماۋعا الۋ;
• اكەلۋ جانە ءوندىرۋ – 2000 اەك دەيىن ايىپپۇل نە سول مولشەردە تۇزەۋ جۇمىستارى، نە 600 ساعاتقا دەيىن قوعامدىق جۇمىستار، نە 2 جىلعا دەيىن باس بوستاندىعىن شەكتەۋ، نە سول مەرزىمگە باس بوستاندىعىنان ايىرۋ;
• ەگەر بۇل ارەكەتتەردى قىلمىستىق توپ جاساسا، 5000 اەك دەيىن ايىپپۇل نە سول مولشەردە تۇزەۋ جۇمىستارى، نە 1200 ساعاتقا دەيىن قوعامدىق جۇمىستار، نە 5 جىلعا دەيىن باس بوستاندىعىن شەكتەۋ نە سول مەرزىمگە باس بوستاندىعىنان ايىرۋ.

Abai.kz