جەكسەنبى, 14 شىلدە 2024
جاڭالىقتار 597 0 پىكىر 21 ماۋسىم, 2024 ساعات 17:48

«ەڭبەك ادامى – 2024» جوباسى جۇزەگە اسىرىلادى

سۋرەت: جاستار ءۇنى قب

الماتى قالاسى قوعامدىق دامۋ باسقارماسىنىڭ قولداۋىمىن ءار سالانىڭ ۇزدىكتەرىن انىقتاۋ ماقساتىندا «ەڭبەك ادامى – 2024» جوباسى جۇزەگە اسىرىلادى.

مەملەكەت باسشىسى قاسىم-جومارت توقاەۆتىڭ 2022 جىلعى 1 قىركۇيەكتەگى قازاقستان حالقىنا جولداۋىندا: «ەلىمىزدە ەڭبەكقور ادام، كاسىبي مامان ەڭ سىيلى ادام بولۋعا ءتيىس. وسىنداي ازاماتتار مەملەكەتىمىزدى دامىتادى. ءبىز قاراپايىم ەڭبەك ادامىنا قۇرمەت كورسەتۋىمىز كەرەك. قانداي كاسىپپەن اينالىسساڭ دا، ونى ساپالى اتقارۋ ماڭىزدى. شىن مانىندە، ەڭ باستىسى – ادال ەڭبەك. ءبىز مۇنى جەتە تۇسىنەتىن ۇرپاق تاربيەلەۋگە ءتيىسپىز. يدەولوگيا جۇمىسىندا وسىعان باسا ءمان بەرگەن ءجون»،- دەپ اتاپ ءوتتى.

ەڭبەك ادامى بۇگىندە جاستارعا ۇلگى بولۋى ءتيىس. قوعام ادال ەڭبەك ەتىپ، ەل دامۋىنا، ەكونوميكانىڭ وسۋىنە ۇلەسىن قوسىپ جۇرگەن جانداردى ءبىلۋى قاجەت.

شارانىڭ نەگىزگى ماقساتى قوعامدا ەڭبەك ادامىنا دەگەن قۇرمەتتى ارتتىرۋ، جاستارعا ادال ەڭبەكتى ۇلگى ەتۋ.

ءىس-شارا بارىسىندا كەلەسى باعىتتار بويىنشا ۇزدىك ماماندار انىقتالىپ، باق بەتتەرىندە ناسيحاتتالادى:

1. قۇقىق قورعاۋ سالاسىنىڭ قىزمەتكەرى;

2. ورتا ءبىلىم بەرۋ سالاسىنىڭ قىزمەتكەرى (مۇعالىم، تاربيەشءى);

3. دەنساۋلىق ساقتاۋ سالاسىنىڭ قىزمەتكەرى (دارىگەر، مەدبيكە);

4. قورشاعان ورتا سالاسىنىڭ قىزمەتكەرى;

5. ⁠قۇتقارۋ سالاسىنىڭ قىزمەتكەرى (تج، قۇتقارۋ قىزمەتى);

6. ⁠كولىك جۇرگىزۋ سالاسىنىڭ (مەترو، اۆتوبۋس، تروللەيبۋس جۇرگىزۋشىلەرى);

7. ⁠عىلىم سالاسىنىڭ قىزمەتكەرى (جاس مۇعالىم، جاس عالىم);

8. كوممۋنالدىق قىزمەت سالاسىنىڭ قىزمەتكەرلەرى (ەلەكتريك، سانتەحنيك);

9. ⁠مادەنيەت سالاسىنىڭ قىزمەتكەرى;

10. ⁠سپورت سالاسىنىڭ قىزمەتكەرى;

11. ⁠ۋربانيستيكا سالاسىنىڭ قىزمەتكەرى;

12. ⁠كاسىپكەر;

13. ⁠⁠مەملەكەتتىك قىزمەتكەر;

14. ⁠باق جانە ازاماتتىق قوعام سالاسىنىڭ قىزمەتكەرى;

15. ۇزدىك ۆولونتەر;

ەگەر ءسىز، ەڭبەك ەتىپ جۇرگەن سالانىڭ مايتالمانى بولساڭىز، ءوزىڭىزدى ۇزدىك مامان يەسى ساناساڭىز enbekadamy@mail.ru ەلەكتروندى پوشتاسىنا 2024 جىلعى 6 شىلدەگە دەيىنگى مەرزىمدە ەڭبەك ءوتىلىن راستايتىن قۇجاتتى، قىزمەتتەگى جەتىستىكتەرىڭىزدى (مەملەكەتتىك ناگرادالارى، قۇرمەتتى اتاقتارى، العىس حات جانە ت.ب.) جولداۋ قاجەت.

قوسىمشا: ۇسىنعان قۇجاتىڭىز، جۇمىس ورنىڭىزدى، ەل. سۋرەتىڭىزدى، قىزمەتتىك جەتىستىكتەرىڭىزدى قامتۋى ءتيىس.

انىقتالعان ۇزدىك مامان يەلەرى ارنايى باعالى سىيلىقتارمەن ماراپاتتالادى.

اسىعىڭىز، ەڭبەك جولىڭىز ارقىلى كوپشىلىككە تانىلۋ مۇمكىندىگىن جىبەرىپ الماڭىز!

Abai.kz

0 پىكىر

ۇزدىك ماتەريالدار

اباي مۇراسى

اباي ىلىمىندەگى ءومىر ماقساتى نە؟

دوسىم وماروۆ 1194
وي تۇرتكى

المەرەك ابىزدىڭ ورالۋى - ەلگە ءدىننىڭ ورالۋى

باقتىباي اينابەكوۆ 1869
كورشىنىڭ كولەڭكەسى

رەسەي تىلدىك ءھام ساياسي ەكسپانسيانى قالاي جۇرگىزدى؟

بەيسەنعازى ۇلىقبەك 1918