قازاقستانعا شەتەلدەن بيداي اكەلۋگە تىيىم سالىنعان. وسى تۇستا اۋىل شارۋاشىلىعى ۆيتسە-ءمينيسترى ازات سۇلتانوۆ رەسەي مەن بەلارۋستەن ەو-عا استىق يمپورتىن شەكتەۋ تۋرالى شەشىم قازاقستانعا قالاي اسەر ەتەتىندىگىنە جاۋاپ بەردى.

– تۇقىمدى قوسپاعاندا، ءبىزدىڭ ەلگە بيداي اكەلۋگە تىيىم سالىنعان. سونداي-اق تەمىرجول كولىگىمەن بيداي اكەلۋگە شەكتەۋلەر ەنگىزىلگەن. بىراق ترانزيت بار، ءبىز وعان كەدەرگى جاساي المايمىز. قىرعىزستان بىرنەشە جىل بويى ءبىزدىڭ بيدايدى قابىلدامايدى – رەسەيدەن الادى. نەگىزگى تۇتىنۋشىلار – وزبەكستان، تاجىكستان، اۋعانستان. ولار قالادى. سونىمەن قاتار، جاقسى ەكسپورتتىق باعىت – قىتاي. بىلتىر ول جاققا 1,5 ملن توننا استىق جونەلتىلدى، - دەدى ول.

سونداي-اق ۆيتسە-مينيستر ترانزيت كەزىندە جوعارى تاريف قولدانىلاتىندىعىن ايتتى.

– بۇل قالىپتى تاجىريبە. باسقا ەلدەرگە دە ترانزيتتىك تاريف تولەيمىز. بۇل ءبىزدىڭ ءداستۇرلى نارىقتارىمىزدى باسىپ الۋعا مۇمكىندىك بەرمەيتىن توسقاۋىل. بىراق ءبىز جاعدايدى پايدالانىپ، ەكسپورتتىق باعىتتاردى دامىتۋىمىز كەرەك، - دەدى ول.

Abai.kz