كولىك ءمينيسترى مارات قاراباەۆتىڭ مالىمدەمەسى بويىنشا قازاقستاندا اقىلى جولدار ءتاريفى ءوسۋى مۇمكىن. بۇل تۋرالى ول ۇكىمەت وتىرىسىندا باياندادى.

مينيستر ەلدەگى جولدىڭ اقىسى باسقا ەلدەرمەن (رەسەي، بەلارۋس، تۇركيا، قىتاي، پولشا جانە ت.ب.) سالىستىرعاندا تومەن ەكەنىن اتاپ ءوتتى.

"وسىعان بايلانىستى كۇتىپ ۇستاۋ شىعىندارىن تولىق وتەۋ ءۇشىن قولدانىستاعى ءتاريفتى 20 پايىزعا ارتتىرۋ ماسەلەسى پىسىقتالىپ جاتىر. بۇل رەتتە جەرگىلىكتى جۇرگىزۋشىلەرگە ءتيىستى جەڭىلدىكتەر قاراستىرىلادى", – دەدى مارات قاراباەۆ.

ونىڭ ايتۋىنشا، جۇكتەمە ەل ارقىلى وتەتىن ترانزيتتىك كولىكتەرگە باعىتتالادى.

سۋرەت: egemen.kz

Abai.kz