وزدەرىڭىزگە بەلگىلى YPO Kazakhstan ۇيىمىنىڭ باسشىسى ءار جىلى شىلدەدە اۋىسىپ وتىرادى.

بيىل دا حالىقارالىق Young President Organization ۇيىمىنىڭ قازاقستاندىق بولىمشەسىنىڭ توراعاسى اۋىستى. جاڭا قىزمەتكە حالىقارالىق "قازاق ءتىلى" قوعامدىق بىرلەستىگىنىڭ پرەزيدەنتى راۋان كەنجەحانۇلى جەتەكشىلىك ەتەدى.

YPO ۇيىمىنىڭ قۇرىلعانىنا بيىل 75 جىل. ال قازاقستاندا ونىڭ بولىمشەسى 2011 جىلى قۇرىلعان بولاتىن. 

"ۇيىمنىڭ ماقساتى – ءوزارا ءبىلىم جانە تاجىريبە ءبولىسۋ ارقىلى كاسىپكەرلەر ورتاسىنىڭ وسۋىنە ىقپال ەتۋ. ەلدەگى كاسىپكەرلىكتى دامىتۋ، كاسىپ جۇرگىزۋدەگى ىلگەرى حالىقارالىق تالاپتار مەن تاجىريبەنىڭ ورنىعىپ، تارالۋىنا جاعداي جاساۋ. كاسىپكەرلەر اراسىنداعى ءوزارا سەنىمگە نەگىزدەلگەن، ماعىنالى، ءماندى قارىم-قاتىناس دامىتۋ، قوعام مەن ەلگە پايدالى بيزنەس جۇرگىزۋ يدەياسىنا قىزمەت ەتۋ. وسى ماقساتتا YPO Kazakhstan جىل سايىن ونداعان بيزنەس فورۋم، وقۋ-اعارتۋ جيىندارى مەن قايىرىمدىلىق شارالارىن وتكىزەدى", – دەپ جازدى راۋان كەنجەحانۇلى.

ونىڭ ايتۋىنشا، قازىر قازاقستاندىق YPO-عا 44 كاسىپكەر مۇشە. الداعى 3-4 جىلدا 100 مۇشەگە جەتۋ مىندەتى تۇر

سۋرەتتە: راۋان كەنجەحانۇلى

Abai.kz