ۇكىمەت ەلىمىزدىڭ سۋ شارۋاشىلىعى سالاسىنا كادر دايارلاۋ شارالارىن قولعا الۋدا. تاراز قالاسىندا جاڭادان قۇرىلعان سۋ شارۋاشىلىعى جانە يرريگاتسيا ۋنيۆەرسيتەتى ءوز جۇمىسىن باستايدى. ءتيىستى قاۋلىعا قر پرەمەر-ءمينيسترى ولجاس بەكتەنوۆ قول قويدى.

بيىلعى ءساۋىر ايىندا قر پرەزيدەنتى جانىنداعى عىلىم جانە تەحنولوگيالار جونىندەگى ۇلتتىق كەڭەستە مەملەكەت باسشىسى ق. توقاەۆ تاراز گيدرومەليوراتيۆتىك-قۇرىلىس ينستيتۋتىن ءتيىستى ماتەريالدىق-تەحنيكالىق قامتاماسىز ەتۋ ارقىلى قالپىنا كەلتىرۋ شارالارىن قابىلداۋدى تاپسىرعان بولاتىن.

اتالعان مىندەتتى ىسكە اسىرۋ شەڭبەرىندە ۇكىمەت «م.ح. دۋلاتي اتىنداعى تاراز وڭىرلىك ۋنيۆەرسيتەتى» كوممەرتسيالىق ەمەس اكتسيونەرلىك قوعامىن قايتا قۇرۋ جانە ونىڭ نەگىزىندە ەكى جوو — «م.ح. دۋلاتي اتىنداعى تاراز ۋنيۆەرسيتەتى» كوممەرتسيالىق ەمەس اكتسيونەرلىك قوعامىن («تارۋ» كەاق) جانە «قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتى» كوممەرتسيالىق ەمەس اكتسيونەرلىك قوعامىن («قازۇسشيۋ» كەاق) قۇرۋ تۋرالى شەشىم قابىلدادى. وقۋ ورىندارى ولاردىڭ جارعىلىق كاپيتالدارىنا مەملەكەتتىڭ ءجۇز پايىز قاتىسۋى ارقىلى قۇرىلدى.

وسىلايشا، ارنايى وقۋ ورنى سۋ شارۋاشىلىعى مەن يرريگاتسيا جۇيەسى ءۇشىن جوعارى بىلىكتى كادرلاردى تۇراقتى تۇردە دايارلايتىن بولادى.

قازۇسشيۋ-دا «سۋ شارۋاشىلىعى جانە مەليوراتسيا»، «گەودەزيا جانە كارتوگرافيا»، «سۋ شارۋاشىلىعىنداعى گيدروتەحنيكالىق قۇرىلىس»، «سۋمەن جابدىقتاۋدىڭ ينجەنەرلىك جۇيەلەرى»، «سۋ شارۋاشىلىعىنداعى يننوۆاتسيالىق تەحنولوگيالار» اتتى جاڭا ءبىلىم بەرۋ باعدارلامالارى ەنگىزىلەتىن بولادى.

2024 جىلعى 1 قىركۇيەكتەن باستاپ جاڭا جوو ستۋدەنتتەر قابىلداي الادى دەپ جوسپارلانىپ وتىر.

قازۇسشيۋ-عا 2024-2025 جىلدارعا 245 ورىنعا ارنالعان مەملەكەتتىك ءبىلىم بەرۋ تاپسىرىسىنىڭ نىسانالى كۆوتاسى (باكالاۆرياتقا – 210, ماگيستراتۋراعا – 20, دوكتورانتۋراعا – 15) ءبولىندى.

ءبىلىم بەرۋ تسيكلىندەگى جالپى كونتينگەنت سانى 4 000 ءبىلىم الۋشىنى قۇرايدى.

Abai.kz